ព័ត៌មានក្នុងខេត្ត

លោក លី សាវេត អភិបាលខេត្តស្តីទី បានជំរុញអោយអាជ្ញាធរគ្រប់លំដាប់ថ្នាក់បង្កើនការយកចិត្តទុកដាក់ក្នុងការចូលរួមថែរក្សាសន្តិសុខ សុវត្ថិភាពតាមទីសាធារណៈ សំដៅលើកកម្ពស់ជីវភាពរបស់ប្រជាពលរដ្ឋ និងវិស័យទេសចរណ៍ក្នុងខេត្តកែប អោយកាន់តែមានភាពកក់ក្តៅ។ លោក លើកឡើងបែបនេះ​ ក្នុងកិច្ចប្រជុំបូកសរុបរបាយការណ៍ប្រចាំខែមិថុនា និងឆមាសទី១ និងលេីកទិសដៅការងារអនុវត្តបន្ត​ របស់​រដ្ឋ​បាល​ខេត្ត​កែប​ នាព្រឹកថ្ងៃទី២៩ ខែមិថុនា ឆ្នាំ២០២៦​ សាលប្រជុំសាលាខេត្តកែប។ លោកអភិបាលខេត្តស្តីទី មានប្រសាសន៍ថា៖សន្តិសុខ សុវត្ថិភាព និងសណ្ដាប់​ធ្នាប់​តាមទីសាធារណ:​ គឺជាគ្រឹះដ៏សំខាន់មិនអាចខ្វះបានក្នុងការធានានូវការរស់នៅដោយសុខសាន្ត ភាពរីកចម្រើនខាងផ្នែកសេដ្ឋកិច្ច និងការលើកកម្ពស់មុខមាត់សង្គមជាតិ កន្លងមក ខេត្តកែប ក្រោមការណែនាំនិងយកចិត្តទុកដាក់ខ្ពស់ពីឯកឧត្តមបណ្ឌិត សោម ពិសិដ្ឋ ប្រធានគណៈបញ្ជាការឯកភាពរដ្ឋបាលខេត្ត បាននិងបន្តយុទ្ធនាការចុះពង្រឹងសន្តិសុខ សណ្តាប់ធ្នាប់ និងសុវត្ថិភាពសង្គមនៅតាមទីសាធារណៈយ៉ាងសកម្ម ជាពិសេសនៅតាមតំបន់រមណីយដ្ឋានទេសចរណ៍ ដើម្បីធានាបាននូវបរិយាកាសរស់នៅ និងកម្សាន្តប្រកបដោយភាពកក់ក្តៅ និងសុវត្ថិភាពខ្ពស់។ អត្ថបទ​៖​ លោក​ ហាន​ ឆន

ព្រឹក ថ្ងៃចន្ទ ១៥កើត ខែបឋមាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៩ ខែមិថុនា ឆ្នាំ២០២៦ ខេត្តកែប÷ លោក លី សាវេត អភិបាលខេត្តស្តីទី អញ្ជើញដឹកនាំកិច្ចប្រជុំបូកសរុបរបាយការណ៍លទ្ធផលការងារប្រចាំខែមិថុនា និងប្រចាំឆមាសទី១ និងលើកទិសដៅអនុវត្តការងារបន្ត ឆ្នាំ២០២៦របស់រដ្ឋបាលខេត្តកែប នៅសាលប្រជុំតូចសាលាខេត្ត៕

ព្រឹក ថ្ងៃសុក្រ ១២កើត ខែបឋមាសាឍ ឆ្នាំមមី អដ្ឋស័ក ព.ស២៥៧០ ត្រូវនឹងថ្ងៃ ទី២៦ ខែមិថុនា ឆ្នាំ២០២៦ ខេត្តកែប÷ឯកឧត្តម អ៊ុក ថា ប្រធានក្រុមប្រឹក្សាខេត្ត រួមជាមួយ ឯកឧត្តម បណ្ឌិត សោម ពិសិដ្ឋ អភិបាលនៃគណៈអភិបាលខេត្ត អញ្ជើញចូលរួមកិច្ចប្រជុំពេញអង្គគណៈរដ្ឋមន្ត្រី ក្រោមអធិបតីភាពដ៏ខ្ពង់ខ្ពស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា តាមរយៈប្រព័ន្ធវីដេអូ Zoom លើរបៀបវារៈចំនួនប្រាំមួយ៕

នៅរសៀលថ្ងៃព្រហស្បតិ៍ ១០កើត ខែបឋមាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៥ ខែមិថុនាឆ្នាំ២០២៦ ខេត្តកែប: លោក អុឹម បញ្ញារិទ្ធុិ អភិបាលរងនៃគណៈអភិបាលខេត្ត តំណាងដ៏ខ្ពង់ខ្ពស់ឯកឧត្តមបណ្ឌិត សោម ពិសិដ្ឋ អភិបាលនៃគណៈអភិបាលខេត្តកែប អញ្ជើញដឹកនាំកិច្ចប្រជុំការប្រមូលចំណូល និងការផ្តល់សេវាសាធារណៈ តាមរយៈប្រព័ន្ធអនឡាញ នៅអង្គភាពច្រកចេញចូលតែមួយនៃរដ្ឋបាលខេត្ត នៅសាលប្រជុំតូចសាលាខេត្ត៕

នាព្រឹកថ្ងៃព្រហស្បតិ៍ ទី២៥ ខែមិថុនា ឆ្នាំ២០២៦ លោក រស់ ឧត្តុង្គ ប្រធានមន្ទីរព័ត៌មានខេត្តកែប បានអញ្ជើញជួបពិភាក្សាការងារជាមួយលោកនាយកវិទ្យាល័យ ប៊ុន រ៉ានី ហ៊ុន សែន ចរិយាវង្ស ដើម្បីស្នើសុំកិច្ចសហការត្រៀមរៀបចំយុទ្ធនាការ"​ និយាយ​ថាទេចំពោះ​ព័ត៌មាន​មាន​ក្លែងក្លាយ​"​ ជំហាន​ទី២ ជូនដល់​ លោកគ្រូ​ អ្នក​គ្រូ​ សិស្សានុសិស្ស និងបុគ្គលិកអប់រំ។ ក្នុងជំនួបនោះ លោកប្រធានមន្ទីរព័ត៌មានខេត្តកែប បានលើកឡើងអំពីសារៈសំខាន់នៃការផ្សព្វផ្សាយព័ត៌មានត្រឹមត្រូវ និងការបង្កើនការយល់ដឹងអំពីផលប៉ះពាល់នៃព័ត៌មានក្លែងក្លាយ ដែលអាចបង្កឱ្យមានការយល់ច្រឡំ ប៉ះពាល់ដល់សង្គម សន្តិសុខ និងសណ្តាប់ធ្នាប់សាធារណៈ។ ជាការឆ្លើយតប លោកនាយកវិទ្យាល័យ ប៊ុន រ៉ានី ហ៊ុន សែន ចរិយាវង្ស បានសម្តែងការគាំទ្រ និងស្វាគមន៍ចំពោះគំនិតផ្តួចផ្តើមនេះ ជាសកម្មភាពដ៏មានសារៈសំខាន់ក្នុងការលើកកម្ពស់ការគ្រប់គ្រងព័ត៌មាន និងការផ្សព្វផ្សាយព័ត៌មានតាមរយៈបណ្តាញសង្គមប្រកបដោយការទទួលខុស។

ជំនួយមនុស្សធម៌ក្នុងទំហំទឹកប្រាក់សរុបចំនួន ៥លានដុល្លារ សម្រាប់រយៈពេល៥ឆ្នាំ(១កក្កដា ២០២៦-៣១ ធ្នូ ២០៣១) របស់មូលនិធិចែករំលែកសង្គ្រោះជីវិតសកល នៃសាធារណរដ្ឋកូរ៉េ តាមរយៈឯកឧត្តមកិត្តិសេដ្ឋាបណ្ឌិត ចម ប្រសិទ្ធ ឧត្ដមប្រឹក្សាផ្ទាល់ព្រះមហាក្សត្រនៃព្រះរាជាណាចក្រកម្ពុជា និងជាអ្នកតំណាងរាស្ត្រប្រចាំមណ្ឌលខេត្តកែប លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម និងជាប្រធានក្រុមការងារគណបក្សចុះមូលដ្ឋានខេត្តកែប ដើម្បីជួយលើកកម្ពស់សុខុមាលភាពរបស់ប្រជាពលរដ្ឋងាយរងគ្រោះ និងជនគោលដៅក្នុងមូលដ្ឋានខេត្តកែបឱ្យបានកាន់ប្រសើរឡើង។

ខេត្តកែប៖ នៅសាលប្រជុំ គ.ជ.ប នាព្រឹកថ្ងៃទី២៤ ខែមិថុនា ឆ្នាំ២០២៦ រដ្ឋបាលខេត្តកែប បានរៀបចំកិច្ចប្រជុំផ្សព្វផ្សាយស្តីពីការស្រង់ស្ថិតិប្រជាពលរដ្ឋប៉ាន់ស្មាន សម្រាប់បម្រើឱ្យការពិនិត្យបញ្ជីឈ្មោះ និងការចុះឈ្មោះបោះឆ្នោតឆ្នាំ២០២៦ ក្រោមអធិបតីភាព លោក ញ៉ន សិទ្ធ អភិបាលរងនៃគណៈអភិបាលខេត្តកែប  និងលោក គី វុទ្ធី ប្រធានលេខាធិការដ្ឋានរៀបចំការបោះឆ្នោតខេត្តកែប និងមានការចូលរួមពីមន្ត្រីពាក់ព័ន្ធ និងអាជ្ញាធរមូលដ្ឋានគ្រប់លំដាប់ថ្នាក់ ។

ពង្រឹងការយល់ដឹងអំពីច្បាប់ហាមឃាត់អាវុធមហាប្រល័យ ដើម្បីការពារសន្តិសុខជាតិ និងសុវត្ថិភាពសង្គម ខេត្តកែប៖ ដើម្បីពង្រឹងសន្តិសុខជាតិ និងទប់ស្កាត់ការរីកសាយភាយអាវុធមហាប្រល័យគ្រប់ប្រភេទ អគ្គលេខាធិការដ្ឋាន​ អាជ្ញាធរជាតិអាវុធគីមី នៃក្រសួងការពារជាតិ សហការជាមួយរដ្ឋបាលខេត្តកែប បានរៀបចំពិធីផ្សព្វផ្សាយច្បាប់ស្តីពី «ការហាមឃាត់អាវុធគីមី អាវុធនុយក្លេអ៊ែរ អាវុធជីវសាស្ត្រ និងអាវុធវិទ្យុសកម្ម» នាព្រឹកថ្ងៃទី២៣ ខែមិថុនា ឆ្នាំ២០២៦ នៅសាលប្រជុំធំសេះសសាលាខេត្តកែប ក្នុងគោលបំណងលើកកម្ពស់ការយល់ដឹងជាសាធារណៈ និងជំរុញការអនុវត្តច្បាប់ឱ្យកាន់តែមានប្រសិទ្ធភាព សំដៅបង្ការ និងទប់ស្កាត់ការប្រើប្រាស់សារធាតុគីមីខុសគោលដៅ ដែលអាចបង្កគ្រោះថ្នាក់ដល់សន្តិសុខជាតិ សុខភាពសាធារណៈ និងបរិស្ថាន។

ច្បាប់ស្តីពី «ការហាមឃាត់អាវុធគីមី អាវុធនុយក្លេអ៊ែរ អាវុធជីវសាស្ត្រ និងអាវុធវិទ្យុសកម្ម»

រសៀលថ្ងៃអង្គារ ៩កើត ខែបឋមាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៣ ខែមិថុនា ឆ្នាំ២០២៦ កែប៖ លោក អុឹម បញ្ញារិទ្ធិ អភិបាលរងខេត្ត តំណាងដ៏ខ្ពង់ខ្ពស់ ឯកឧត្តមបណ្ឌិត សោម ពិសិដ្ឋ អភិបាលនៃគណៈអភិបាលខេត្តកែប អញ្ជើញជាអធិបតីភាព កិច្ចប្រជុំវិភាគផលប៉ះពាល់បរិស្ថាន នៃការរៀបចំគម្រោងខេត្ត ប្រចាំឆ្នាំ២០២៦ នៅសាលប្រជុំតូចសាលាខេត្ត ៕

ខេត្តកែប៖ នាព្រឹកថ្ងៃទី១៩ ខែមិថុនា ឆ្នាំ២០២៦ រដ្ឋបាលខេត្តកែប សហការជាមួយមន្ទីរការងារ និងបណ្តុះបណ្តាលវិជ្ជាជីវៈខេត្ត បានប្រារព្ធខួបលើកទី២៥ នៃទិវាពិភពលោកប្រឆាំងពលកម្មកុមារ ក្រោមប្រធានបទ «ប្តេជ្ញាលុបបំបាត់ទម្រង់ធ្ងន់ធ្ងរនៃពលកម្មកុមារនៅគ្រប់ខ្សែច្រវាក់ផលិតកម្ម ដើម្បីកសាងភាពធន់ និងការងារសមរម្យ» ក្រោមអធិបតីភាព ឯកឧត្តមបណ្ឌិត សោម ពិសិដ្ឋ អភិបាលនៃគណៈអភិបាលខេត្តកែប ដោយមានការចូលរួមពីថ្នាក់ដឹកនាំ អាជ្ញាធរមូលដ្ឋាន លោកគ្រូ អ្នកគ្រូ សិស្សានុសិស្ស និងអាណាព្យាបាលជាច្រើនរូប។

រសៀលថ្ងៃសុក្រ ៥កើត ខែបឋមាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៩ ខែមិថុនាឆ្នាំ២០២៦ ខេត្តកែប៖ លោក ប៊ុន យោង អភិបាលរងនៃគណៈអភិបាលខេត្ត និងជាប្រធានលេខាធិការដ្ឋានគណៈបញ្ជាការឯកភាពរដ្ឋបាលខេត្ត អញ្ជើញចូលរួមកិច្ចប្រជុំលេខាធិការដ្ឋានគណៈបញ្ជាការឯកភាពរដ្ឋបាលខេត្ត និងក្រុមការងារដឹកនាំចុះពិនិត្យ ទីតាំងជនអន្តោប្រវេសន៍ស្នាក់នៅប្រមូលផ្តុំ និងធ្វើការស៊ើបអង្កេត ស្រាវជ្រាវបទល្មើសឆបោកតាមប្រព័ន្ធបច្ចេកវិទ្យា Online Scams នៅសាលប្រជុំតូចសាលាខេត្ត ៕