ព័ត៌មានក្នុងខេត្ត

កន្លែងថ្វាយបង្គំនៅផ្សារក្តាម(ផ្សារបណ្ដោះអាសន្ន)​ បងប្អូនមូស្លីមដែលមកលេងកំសាន្តក្នុងខេត្តកែប​ អាចមកប្រតិបត្តិនៅកន្លែងនេះបាន❤️ 📍 ក្រុងកែប​ ខេត្ត​កែប​ ​📸 Mat Ousman មន្ទីរ​ព័ត៌មាន​ខេត្ត​កែប

ទីប្រជុំជន​ ផ្សារដំណាក់ចង្អេីរ 📍 ភូមិដំណាក់ចង្អេីរ​ សង្កាត់​ព្រៃ​ធំ​ ក្រុងកែប​ 📸 Mat Ousman មន្ទីរ​ព័ត៌មាន​ខេត្ត​កែប

ព្រឹក ថ្ងៃអង្គារ ៩កើត ខែបឋមាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៣ ខែមិថុនា ឆ្នាំ២០២៦ ខេត្តកែប÷ លោក ញ៉ន សិទ្ធ អភិបាលរងនៃគណៈអភិបាលខេត្ត បានអញ្ជើញចូលរួមកិច្ចប្រជុំការណែនាំអំពីការបំពេញទម្រង់គោលនយោបាយអភិវឌ្ឍឃុំ សង្កាត់ តាមរយៈប្រព័ន្ធ online (ZOOM) នៅសាលប្រជុំ ផអ៣ សាលាខេត្តកែប៕

ព្រឹក ថ្ងៃអង្គារ ៩កើត ខែបឋមាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៣ ខែមិថុនា ឆ្នាំ២០២៦ ខេត្តកែប÷ លោក អុឹម បញ្ញារិទ្ធិ អភិបាលរងខេត្ត តំណាងដ៏ខ្ពង់ខ្ពស់ឯកឧត្តមបណ្ឌិត សោម ពិសិដ្ឋ អភិបាលនៃគណៈអភិបាលខេត្ត បានអញ្ជើញដឹកនាំ កិច្ចប្រជុំ គណៈកម្មាធិការប្រជាជននិងអភិវឌ្ឍន៍ខេត្ត ដើម្បីផ្សព្វផ្សាយ និងប្រមូលធាតុចូលសម្រាប់រៀបចំផែនការសកម្មភាព អនុវត្តក្របខ័ណ្ឌយុទ្ធសាស្រ្ដកម្ពុជា ២០២៤-២០៣០ របស់ខេត្តកែប នៅសាលប្រជុំតូចសាលាខេត្ត៕

ខេត្តកែប៖ នាព្រឹកថ្ងៃទី១៥ ខែមិថុនា ឆ្នាំ២០២៦ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃ បានអញ្ជើញចុះពិនិត្យវឌ្ឍនភាពនៃការសាងសង់អគារពន្ធនាគារខេត្តកែប ដែលស្ថិតនៅភូមិអន្ទង់ស ឃុំពងទឹក ស្រុកដំណាក់ចង្អើរ ខេត្តកែប ដោយមានការអមដំណើរពី ឯកឧត្តម បណ្ឌិត សោម ពិសិដ្ឋ អភិបាលនៃគណៈអភិបាលខេត្តកែប ព្រមទាំងថ្នាក់ដឹកនាំក្រសួងមហាផ្ទៃ អាជ្ញាធរខេត្ត មន្ត្រីជំនាញពាក់ព័ន្ធ និងអាជ្ញាធរមូលដ្ឋានជាច្រើនរូប។

ទិវានេះត្រូវបានរៀបចំធ្វើឡើងនៅព្រឹកថ្ងៃទី១៥ ខែមិថុនា ឆ្នាំ២០២៦ នៅមជ្ឈមណ្ឌលវិជ្ជាជីវៈខេត្តកែប ក្នុងគោលបំណងដើម្បីលើកកម្ពស់ការអប់រំបណ្តុះបណ្តាលបច្ចេកទេសនិងវិជ្ជាជីវៈ និងធ្វើការផ្សព្វផ្សាយដល់សិស្សនិស្សិតយុវជន មាតាបិតា អាណាព្យាបាល និងវិស័យឯកជនអោយបានយល់ដឹងអំពីសារសំខាន់នៃការអប់រំបណ្តុះបណ្តាលបច្ចេកទេស និងវិជ្ជាជីវៈ ដែលហៅកាត់ថា “TVET“ ដែលជាថ្នាលបណ្តុះបណ្តាលកសាងធានធនមនុស្សស្របតាមតម្រូវការទីផ្សារការងារធ្វើអោយពលរដ្ឋមានជីវភាពកាន់តែប្រសើរ។ ពិធីអបអរសាទរទិវាជាតិអប់រំបណ្តុះបណ្តាលបច្ចេកទេស និងវិជ្ជាជីវៈ ក្រោមប្រធានបទ “TVET ផ្តល់ជំនាញការងារ និងប្រាក់ចំណូល” នាពេលនេះប្រព្រឹត្តទៅក្រោមអធិបតីភាព លោក សុខ រស់ អភិបាលរងខេត្ត តំណាងដ៏ខ្ពង់ខ្ពស់ ឯកឧត្តមបណ្ឌិត សោម ពិសិដ្ឋ អភិបាលនៃគណៈអភិបាលខេត្តកែប និងបានការចូលរួម ពីសំណាក់​ លោក លោកស្រី ប្រធានមន្ទីរអង្គភាពជុំវិញខេត្ត​ អភិបាលរងក្រុង​ ស្រុក​ តំណាងធនាគារ លោកគ្រូ អ្នកគ្រូ សិស្សនិស្សិត យុវជន ម្ចាសសហគ្រាស និងដៃគូរសហការជាមួយមជ្ឈមណ្ឌល សរុប៨១០រូប។ អត្ថបទ​៖​ លោក​ ហា​ន​ ឆន

ខេត្ត​កែប៖​ នៅព្រឹក​ថ្ងៃ​ចន្ទ​ ទី១៥​ ខែមិថុនា​ ឆ្នាំ​២០២៦​ នេះ​ ឯកឧត្ដម​អភិសន្តិបណ្ឌិត​ ស​ សុខា​ ឧបនាយករដ្ឋមន្ត្រី​ រដ្ឋមន្ត្រី​ក្រសួង​មហាផ្ទៃ​ បានអញ្ជេីញចុះពិនិត្យវឌ្ឍនភាពការសាងសង់អគារពន្ធនាគារខេត្តកែប​ ដែលស្ថិននៅភូមិអន្ទង់ស​ ឃុំពងទឹក​ ស្រុកដំណាក់ចង្អេីរ​ ខេត្តកែប។ ​ ​ក្នុង​ឱកាស​ចុះពិនិត្យវឌ្ឍនភាពការសាងសង់អគារពន្ធនាគារខេត្តកែប​ នេះផងដែរ​ ក៏បានការអញ្ជេីញអមដំណេីរ​ពីសំណាក់​ ឯកឧត្តមបណ្ឌិត​ សោម​ ពិសិដ្ឋ​ អភិបាល​នៃគណ:អភិបាល​ខេត្ត​កែប​ រួមជាមួយថ្នាក់ដឹកនាំ​ និងមន្ត្រី​ពាក់ព័ន្ធ​មួយចំនួនផងដែរ៕

ឯកឧត្តមបណ្ឌិត សោម ពិសិដ្ឋ ជំរុញឱ្យយកចិត្តទុកដាក់លើកសោភ័ណភាព គុណភាព និងនិរន្តរភាព ក្នុងដំណើរការ និងដាក់ឱ្យប្រើប្រាស់ប្រព័ន្ធភ្លើងបំភ្លឺតាមដងផ្លូវ ខេត្តកែប៖ ឯកឧត្តមបណ្ឌិត សោម ពិសិដ្ឋ អភិបាលនៃគណៈអភិបាលខេត្តកែប បានជំរុញឱ្យក្រុមហ៊ុនអនុវត្តគម្រោង និងភាគីពាក់ព័ន្ធទាំងអស់ យកចិត្តទុកដាក់ខ្ពស់លើ សោភ័ណភាព គុណភាព និងនិរន្តរភាព ក្នុងការអនុវត្ត និងគ្រប់គ្រងគម្រោងហេដ្ឋារចនាសម្ព័ន្ធសាធារណៈ ជាពិសេសដំណើរការ និងដាក់ឱ្យប្រើប្រាស់ប្រព័ន្ធភ្លើងបំភ្លឺតាមដងផ្លូវ ដើម្បីរួមចំណែកលើកកម្ពស់សុវត្ថិភាព សោភ័ណភាពទីក្រុង និងការអភិវឌ្ឍវិស័យទេសចរណ៍ក្នុងខេត្តកែប។ ការលើកឡើងនេះ ធ្វើឡើងក្នុងកម្មវិធីបទបង្ហាញស្តីពី ការដំណើរការ និងការដាក់ឱ្យប្រើប្រាស់ប្រព័ន្ធភ្លើងបំភ្លឺតាមដងផ្លូវក្នុងខេត្តកែប ក្រោមគម្រោងអភិវឌ្ឍន៍ និងការផ្លាស់ប្តូរវិស័យថាមពល ដែលប្រព្រឹត្តទៅក្រោមអធិបតីភាព ឯកឧត្តមបណ្ឌិត សោម ពិសិដ្ឋ អភិបាលនៃគណៈអភិបាលខេត្តកែប និង ឯកឧត្តម វង្ស ពិសិដ្ឋ អនុរដ្ឋលេខាធិការ ក្រសួងសាធារណការ និងដឹកជញ្ជូន និងជានាយកគម្រោងអភិវឌ្ឍន៍ និងការផ្លាស់ប្តូរវិស័យថាមពល ព្រមទាំងមានការចូលរួមពីថ្នាក់ដឹកនាំមន្ទីរ អង្គភាពពាក់ព័ន្ធ អាជ្ញាធរមូលដ្ឋាន មន្ត្រីជំនាញ និងតំណាងក្រុមហ៊ុនអនុវត្តគម្រោងជាច្រើនរូប នាព្រឹក ថ្ងៃ១១ ខែមិថុនា ឆ្នាំ ២០២៦​​ នៅសាលប្រជុំតូចសាលាខេត្តកែប ។ ក្នុងឱកាសនោះ ឯកឧត្តមបណ្ឌិត សោម ពិសិដ្ឋ បានមានប្រសាសន៍ថា ប្រព័ន្ធភ្លើងបំភ្លឺតាមដងផ្លូវ គឺជាហេដ្ឋារចនាសម្ព័ន្ធសាធារណៈដ៏មានសារៈសំខាន់ ដែលរួមចំណែកលើកកម្ពស់សុវត្ថិភាពចរាចរណ៍ កាត់បន្ថយគ្រោះថ្នាក់នៅពេលយប់ សម្រួលដល់ការធ្វើដំណើររបស់ប្រជាពលរដ្ឋ និងភ្ញៀវទេសចរ ព្រមទាំងជួយលើកកម្ពស់សោភ័ណភាពទីក្រុងឱ្យកាន់តែស្រស់ស្អាត និងទាក់ទាញ។ ឯកឧត្តមអភិបាលខេត្ត បានសង្កត់ធ្ងន់ថា រាល់ការអនុវត្តគម្រោង និងការសាងសង់ហេដ្ឋារចនាសម្ព័ន្ធនានា ត្រូវផ្តោតលើគោលការណ៍សំខាន់ចំនួន ៣ គឺ សោភ័ណភាព គុណភាព និងនិរន្តរភាព។ ឯកឧត្តមបានបញ្ជាក់ថា សោភ័ណភាព គឺជាកត្តាសំខាន់ក្នុងការលើកកម្ពស់មុខមាត់ទីក្រុង និងបរិស្ថានឱ្យមានភាពស្រស់ស្អាត ស័ក្តិសមជាខេត្តទេសចរណ៍ឆ្នេរសមុទ្រ។ ចំពោះគុណភាព ត្រូវធានាការអនុវត្តការងារឱ្យបានត្រឹមត្រូវតាមស្តង់ដារបច្ចេកទេស និងមានសុវត្ថិភាពខ្ពស់ក្នុងការប្រើប្រាស់។ រីឯនិរន្តរភាព ត្រូវគិតគូរដល់ការគ្រប់គ្រង និងថែទាំជាប្រចាំ ដើម្បីធានាឱ្យសមិទ្ធផលដែលបានសាងសង់ឡើងអាចប្រើប្រាស់បានយូរអង្វែង និងផ្តល់ផលប្រយោជន៍ជូនសាធារណជនប្រកបដោយប្រសិទ្ធភាព។ ជាមួយគ្នានេះ ឯកឧត្តម វង្ស ពិសិដ្ឋ អនុរដ្ឋលេខាធិការ ក្រសួងសាធារណការ និងដឹកជញ្ជូន និងជានាយកគម្រោងអភិវឌ្ឍន៍ និងការផ្លាស់ប្តូរវិស័យថាមពល បានមានប្រសាសន៍ថា គម្រោងនេះ គឺជាផ្នែកមួយនៃកិច្ចខិតខំប្រឹងប្រែងរបស់រាជរដ្ឋាភិបាល ក្នុងការពង្រឹងប្រសិទ្ធភាពនៃការប្រើប្រាស់ថាមពល និងលើកកម្ពស់គុណភាពហេដ្ឋារចនាសម្ព័ន្ធសាធារណៈនៅកម្ពុជា។ ការដាក់ឱ្យដំណើរការប្រព័ន្ធភ្លើងបំភ្លឺតាមដងផ្លូវក្នុងខេត្តកែប នឹងជួយបង្កើនសុវត្ថិភាព សម្រួលការធ្វើដំណើរ និងរួមចំណែកលើកកម្ពស់សោភ័ណភាពទីក្រុងឱ្យកាន់តែប្រសើរឡើង។ ឯកឧត្តមបានបន្តថា ក្រសួង ស្ថាប័នគ្រប់គ្រងគម្រោង និងភាគីពាក់ព័ន្ធ នឹងបន្តសហការជាមួយរដ្ឋបាលខេត្តកែប និងអង្គភាពជំនាញនានា ដើម្បីធានាឱ្យការគ្រប់គ្រង និងការប្រើប្រាស់ប្រព័ន្ធភ្លើងបំភ្លឺតាមដងផ្លូវប្រព្រឹត្តទៅដោយរលូន មានប្រសិទ្ធភាព និងសម្រេចបានតាមគោលដៅដែលបានកំណត់។ ទន្ទឹមនឹងនេះ ឯកឧត្តមក៏បានលើកទឹកចិត្តឱ្យគ្រប់ភាគីពាក់ព័ន្ធ បន្តយកចិត្តទុកដាក់លើការថែរក្សា និងគ្រប់គ្រងប្រព័ន្ធឱ្យបានត្រឹមត្រូវ ដើម្បីធានាបាននូវ សោភ័ណភាព គុណភាព និងនិរន្តរភាព ស្របតាមគោលដៅរបស់គម្រោង៕ អត្ថបទ​៖​ លោក​ សេស​ សង់​ ​ មន្ទីរ​ព័ត៌មាន​ខេត្ត​កែប

នៅព្រឹកថ្ងៃព្រហស្បតិ៍ ១១រោច ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១១ ខែមិថុនាឆ្នាំ២០២៦ ខេត្តកែប: ឯកឧត្តម មាស សុផល អនុរដ្ឋលេខាធិការ ក្រសួងបរិស្ថាន អញ្ជើញជាអធិបតីភាពក្នុង កិច្ចប្រជុំពិគ្រោះយោបល់ស្តីពី “សៀវភៅបណ្តុះបណ្តាលការបន្សុាំ នឹងការប្រែប្រួលអាកាសធាតុ សម្រាប់រដ្ឋបាលថ្នាក់ក្រោមជាតិ” នៅសាលប្រជុំសណ្ឋាគារ សង្គហមិត្ត ខេត្តកែប ។

នៅថ្ងៃទី៣០​ ខែឧសភា​ ឆ្នាំ​២០២៦​ ឯកឧត្តមឧប​នាយក​រដ្ឋមន្ត្រី​ សាយ សំអាល់ រដ្ឋមន្ត្រី​ក្រសួង​រៀប​ចំ​ដែនដី​ នគរូបនីយកម្ម​ និងសំណង់​ និងជាប្រធានគណៈកម្មាធិការជាតិគ្រប់គ្រងនិងអភិវឌ្ឍន៍តំបន់ឆ្នេរសមុទ្រកម្ពុជា បានអញ្ជើញចុះពិនិត្យវឌ្ឍនភាព គម្រោងសាងសង់អាងប្រព្រឹត្តិកម្មទឹកកខ្វក់ និងវឌ្ឍនភាពការសាងសង់ ឆ្នេរតេជោសន្តិភាព ស្ថិតនៅភូមិថ្មី​ សង្កាត់​ព្រៃ​ធំ​ ក្រុងកែប​ ខេត្តកែប។ ម៉ាន់ សើហ្វុីរីន , ម៉ាត់ អូស្មាន់

ចម្ការទុរេនចាស់អាយុប្រមាណ៤០ឆ្នាំ នៅជាប់ភ្នំខ្វាវ ភូមិភ្នំលាវ ឃុំពងទឹក ស្រុកដំណាក់ចង្អើរ ខេត្តកែប កំពុងប្រមូលផល ខណៈម្ចាស់ចម្ការអះអាងថា ទុរេនទីនេះមានរសជាតិឆ្ងាញ់ពិសេស និងលក់បានតម្លៃល្អលើទីផ្សារ។ មន្ត្រីកសិកម្មឃុំពងទឹក បានលើកឡើងថា គុណភាពទុរេនល្អ ដោយកសិករផ្តោតលើការប្រើប្រាស់ជីសរីរាង្គ និងការធានាសុវត្ថិភាពជូនអ្នកប្រើប្រាស់។