ព័ត៌មានក្នុងខេត្ត

សាររំលែកមរណទុក្ខ ជូនលោក រស់ ឧត្តុង្គ ប្រធានមន្ទីរព័ត៌មានខេត្តកែប និងភរិយា ព្រមទាំងក្រុមគ្រួសារ

កែប៖ នៅថ្ងៃទី១៤ ខែវិច្ឆិកា ឆ្នាំ២០២៦ ឯកឧត្តមបណ្ឌិត សោម ពិសិដ្ឋ អភិបាលនៃគណៈអភិបាលខេត្តកែប បានអញ្ជើញចូលរួមគោរពវិញ្ញាណក្ខន្ធ និងរំលែកមរណទុក្ខជាមួយលោក រស់ ឧត្តុង្គ ប្រធានមន្ទីរព័ត៌មានខេត្តកែប និងភរិយា ព្រមទាំងក្រុមគ្រួសារ ដែលបានបាត់បង់ ឧបាសិកា អុឹង​ គីមលីន ត្រូវជាម្តាយក្មេករបស់លោក ដែលបានទទួលមរណភាពក្នុងជន្មាយុ ៨០ឆ្នាំ ដោយជរាពាធ កាលពីថ្ងៃទី១២ ខែវិច្ឆិកា ឆ្នាំ២០២៦។ ពិធីគោរពវិញ្ញាណក្ខន្ធនេះ ប្រព្រឹត្តទៅនៅគេហដ្ឋានសព ស្ថិតក្នុងភូមិរលួស សង្កាត់រលួស ខណ្ឌដង្កោ រាជធានីភ្នំពេញ។ ក្នុងឱកាសដ៏ក្រៀមក្រំនេះ ឯកឧត្តមបណ្ឌិតអភិបាលខេត្ត បានសម្តែងនូវក្តីសោកស្តាយ និងចូលរួមរំលែកមរណទុក្ខជាមួយក្រុមគ្រួសារសព ព្រមទាំងសូមបួងសួងដល់ដួងវិញ្ញាណក្ខន្ធឧបាសិកា​ អឹុង គីមលីន សូមបានទៅកាន់សុគតិភព កុំបីឃ្លៀងឃ្លាតឡើយ។

ឯកឧត្តម​ សោម​ ពិសិដ្ឋ​ អភិបាល​នៃគណៈអភិបាលខេត្តកែប​ អញ្ជើញ​ចូលរួម​ពិធីបើកព្រឹត្តិការណ៍ «ភូមិហ្រ្វង់កូហ្វូនី» ក្រោមប្រធានបទ «ស្នាមញញឹមខ្មែរ ស្នាមញញឹមហ្រ្វង់កូហ្វូនី» ក្រោមអធិបតីភាពដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុន្នី​ ហ៊ុនម៉ាណែត​ ។ ភូមិហ្វ្រង់កូហ្វូនី រៀបចំឡើងចាប់ពីថ្ងៃទី១៣ ដល់ថ្ងៃទី១៧ ខែវិច្ឆិកា ឆ្នាំ២០២៦ នៅសួនច្បារវត្តបទុមវតី ក្នុងរាជធានីភ្នំពេញ ក្រោមប្រធានបទ «ស្នាមញញឹមខ្មែរ ស្នាមញញឹមហ្វ្រង់កូហ្វូនី»​ ។ ព្រឹត្តិការណ៍នេះជាទីការតាំងបង្ហាញវប្បធម៌ដ៏សំខាន់ និងបើកចំហជូនសាធារណជនចូលរួមដោយឥតគិតថ្លៃ ដោយមានការចូលរួមពីបណ្ដាប្រទេស និងរដ្ឋាភិបាលជាសមាជិកហ្វ្រង់កូហ្វូនី តាមរយៈស្តង់ពិព័រណ៍ សន្និសីទ ការសម្តែងសិល្បៈ ការតាំងបង្ហាញ និងការបង្ហាញម្ហូបអាហារប្រពៃណី​ ។ ព្រឹត្តិការណ៍នេះមានគោលបំណងផ្សព្វផ្សាយ និងលើកតម្កើងភាពសម្បូរបែបនៃភាសា វប្បធម៌ និងសិល្បៈរបស់សហគមន៍ហ្វ្រង់កូហ្វូនី ក្នុងឱកាសដែលកម្ពុជាធ្វើជាម្ចាស់ផ្ទះរៀបចំកិច្ចប្រជុំកំពូលហ្វ្រង់កូហ្វូនីលើកទី២០​ ៕ ភ្នំពេញ​,​ ព្រឹក​ថ្ងៃ​សុក្រ​ ទី​១៣​ វិច្ឆិកា​ ២០២៦

រសៀលថ្ងៃសុក្រ ៤កើត ខែកត្តិក ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៣ ខែវិច្ឆិកា ឆ្នាំ២០២៦ កែប៖ លោក សែម រមនា អភិបាលខេត្តស្តីទី អញ្ជើញជាអធិបតីភាពចូលរួម កិច្ចជំនួបពិភាក្សាជាមួយក្រុមការងារស្រាវជ្រាវ ដើម្បីជួបសម្តែងការគួរសម និងធ្វើការសម្ភាសន៍ក្នុងការប្រមូលធាតុចូលលើកិច្ចការស្រាវជ្រាវប្រធានបទ ស្តីពី «ការវាយតម្លៃស្ថានភាពលំនៅឋានក្នុងតំបន់សំណង់មិនរៀបរយ និងជម្រើសលំនៅឋានសមរម្យក្នុង ភូមិសាស្ត្រខេត្តកែប» នៅសាលប្រជុំតូចសាលាខេត្ត៕

ផ្សាយផ្ទាល់ពិសេស ៖ ព្រះរាជពិធីបដិសណ្ឋារកិច្ចផ្លូវការ ឯកឧត្តម PAUL KAGAME ប្រធានាធិបតី នៃសាធារណរដ្ឋរវ៉ាន់ដា និងលោកជំទាវទី១ ក្រោមព្រះរាជាធិបតីភាពដ៏ខ្ពង់ខ្ពស់បំផុតរបស់ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា នៅព្រះបរមរាជវាំង ថ្ងៃសុក្រ ៤កើត ខែកត្តិក ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៣ ខែវិច្ឆិកា ឆ្នាំ២០២៦

អភិបាលខេត្តកែប៖ ភាពជាអ្នកដឹកនាំត្រូវរៀនហើយ រៀនទៀត ដើម្បីពង្រឹងសមត្ថភាព និងប្រសិទ្ធភាពការងារ

ផ្សាយផ្ទាល់ ៖ ព្រឹត្តិការណ៍អមកិច្ចប្រជុំកំពូលហ្វ្រង់កូហ្វូនី ថ្ងៃទី១២ ខែវិច្ឆិកា ឆ្នាំ២០២៦

កែប៖ «រៀនហើយ រៀនទៀត» គឺជាការលើកទឹកចិត្តដល់អ្នកដឹកនាំ និងមន្ត្រីរាជការឱ្យបន្តសិក្សារៀនសូត្រជាប្រចាំ ដើម្បីពង្រឹងចំណេះដឹង សមត្ថភាព និងបទពិសោធន៍ក្នុងការបំពេញការងារឱ្យកាន់តែមានប្រសិទ្ធភាព។ នេះជាការលើកឡើងរបស់ឯកឧត្តមបណ្ឌិត សោម ពិសិដ្ឋ អភិបាលនៃគណៈអភិបាលខេត្តកែប ក្នុងឱកាសអញ្ជើញជាអធិបតីក្នុងពិធីបិទវគ្គបណ្តុះបណ្តាលស្តីពី «ភាពជាអ្នកដឹកនាំក្នុងវិស័យព័ត៌មាន» ជូនដល់ថ្នាក់ដឹកនាំ និងមន្ត្រីរាជការនៃមន្ទីរព័ត៌មានខេត្តកែប នារសៀលថ្ងៃទី១១ ខែវិច្ឆិកា ឆ្នាំ២០២៦នៅសាលប្រជុំមន្ទីរព័ត៌មានខេត្តកែប ។

ថ្នាក់ដឹកនាំក្រសួងព័ត៌មាន អញ្ជើញជាអធិបតីបើកវគ្គបណ្តុះបណ្តាលភាពជាអ្នកដឹកនាំក្នុងវិស័យព័ត៌មាន ជូនដល់ថ្នាក់ដឹកនាំ និងមន្ត្រីរាជការនៃមន្ទីរព័ត៌មានខេត្តកែប

ថ្នាក់ដឹកនាំក្រសួងព័ត៌មាន អញ្ជើញជាអធិបតីបើកវគ្គបណ្តុះបណ្តាលភាពជាអ្នកដឹកនាំក្នុងវិស័យព័ត៌មាន ជូនដល់ថ្នាក់ដឹកនាំ និងមន្ត្រីរាជការនៃមន្ទីរព័ត៌មានខេត្តកែប កែប៖ នាព្រឹកថ្ងៃទី១១ ខែវិច្ឆិកា ឆ្នាំ២០២៦ ឯកឧត្តម សោម កុសល អនុរដ្ឋលេខាធិការក្រសួងព័ត៌មាន ទទួលបន្ទុកមន្ទីរព័ត៌មានខេត្តកែប និងខេត្តកំពត បានអញ្ជើញជាអធិបតីក្នុងពិធីបើកវគ្គបណ្តុះបណ្តាលស្តីពី «ភាពជាអ្នកដឹកនាំក្នុងវិស័យព័ត៌មាន» ជូនដល់ថ្នាក់ដឹកនាំ និងមន្ត្រីរាជការនៃមន្ទីរព័ត៌មានខេត្តកែប ដោយមានការអញ្ជើញចូលរួមពីថ្នាក់ដឹកនាំមន្ទីរ និងមន្ត្រីរាជការពាក់ព័ន្ធជាច្រើនរូប។

ឯកឧត្តមបណ្ឌិត សោម ពិសិដ្ឋ៖ អបអរសាទរ​ខេត្តកែប​ ជា​ប្រវត្តិសាស្រ្ត​ដែល​ក្រុមកីឡា​បាល់ទះ​នារី​ខេត្តកែប​ ទទួល​បាន​ជ័យលាភី​មេដាយមាស​ លេខ១​ ទូទាំង​ប្រទេស​ ក្នុង​ព្រឹត្តិការណ៍​កីឡា​ជាតិ​លើកទី​៥​ និងកីឡា​ជាតិ​ជនពិការ​លើកទី​៣​ ឆ្នាំ​២០២៦​ ! 👏💐❤️

(ភ្នំពេញ)៖ នាព្រឹកថ្ងៃអង្គារ ទី១០ ខែវិច្ឆិកា ឆ្នាំ២០២៦ លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម បានអញ្ជើញជាអធិបតីក្នុងពិធីបើកវេទិកាពាណិជ្ជកម្មស្វាយចន្ទី និងម្រេចកម្ពុជា ឆ្នាំ២០២៦ ក្រោមមូលបទ «ពីកម្ពុជាទៅកាន់ពិភពលោក៖ ការធ្វើពាណិជ្ជកម្មជាមួយសហភាពអឺរ៉ុប»។ ពិធីនេះមានការអញ្ជើញចូលរួមជាកិត្តិយសពីឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ឯកឧត្តម ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ លោកជំទាវ Silke Röfer ឯកអគ្គរដ្ឋទូតអាល្លឺម៉ង់ប្រចាំកម្ពុជា លោក Bryan Fornari ប្រធានផ្នែកសហប្រតិបត្តិការនៃប្រតិភូសហភាពអឺរ៉ុបប្រចាំកម្ពុជា ព្រមទាំងតំណាងក្រសួង ស្ថាប័ន អង្គទូត ដៃគូអភិវឌ្ឍន៍ និងវិស័យឯកជនជាតិ និងអន្តរជាតិ។