ព័ត៌មានក្នុងខេត្ត

ថ្ងៃសុក្រ ១៤កើត ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៥ ខែកញ្ញា ឆ្នាំ២០២៦ កែប៖លោក​ ភោគ​ សុខេន​ ប្រធានមន្ទីរឧស្សាហកម្ម​ វិទ្យាសាស្ត្រ​ បច្ចេកវិទ្យា​ និងនវានុវត្តន៍ខេត្តកែប បានអញ្ជើញចូលរួម វគ្គបណ្តុះ បណ្តាលជូនដល់មន្ត្រីជំនាញ ដើម្បីពង្រឹងសមត្ថភាព និងចំណេះដឹងអំពីនីតិវិធីចុះឈ្មោះអ្នកសេដ្ឋកិច្ច ក្រៅប្រព័ន្ធ និងការផ្សព្វផ្សាយអំពីកញ្ចប់អត្ថប្រយោជន៍សម្រាប់អ្នកសេដ្ឋកិច្ចក្រៅប្រព័ន្ធ និងបញ្ជាក់អំពី តួនាទីភារកិច្ចរបស់មន្ទីរ អង្គភាពពាក់ព័ន្ធ ដើម្បីជួយសម្រួលដល់អ្នកសេដ្ឋកិច្ចក្រៅប្រព័ន្ធបានចុះឈ្មោះ និង ទទួលបានអត្ថប្រយោជន៍គ្រប់ៗគ្នា តាមរយៈប្រព័ន្ធបញ្ជូនរូបភាព និងសម្លេង (Zoom Meeting) នៅសាលាប្រជុំមន្ទីរឧស្សាហកម្ម​ វិទ្យាសាស្ត្រ​ បច្ចេកវិទ្យា​ និងនវានុវត្តន៍ខេត្តកែប។

ខេត្តកែប ៖ ដោយអនុវត្តតាមអនុសាសន៍ដ៏ខ្ពង់ខ្ពស់ របស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងការជំរុញដឹកនាំផ្ទាល់ ពីលោកឧត្តមសេនីយ៍ទោ សម្បត្តិ សុធារដ្ឋ ស្នងការ នៃស្នងការដ្ឋាននគរបាលខេត្តកែប នៅថ្ងៃទី២៥ ខែកញ្ញា ឆ្នាំ២០២៦ ផែនការងារអត្តសញ្ញាណកម្ម បន្តដឹកនាំមន្ត្រីនគរបាលជំនាញចំណុះឲ្យផែន រួមជាមួយផ្នែកជំនាញអធិការដ្ឋាននគរស្រុក ក្រុង បំពេញបែបបទថតអត្តសញ្ញាណប័ណ្ណសញ្ជាតិខ្មែរ និងប្រគល់សៀវភៅគ្រួសារ សៀវភៅស្នាក់នៅ ជូនប្រជាពលរដ្ឋ។ សូមជំរាបជូនថា : បងប្អូនប្រជាពលរដ្ឋ ដែលប្រើប្រាស់អត្តសញ្ញាណប័ណ្ណសញ្ជាតិខ្មែរអស់សុពលភាព ឬមានសុពលភាពតិចជាង ១៨០ថ្ងៃ(៦ខែ) សូមអញ្ជើញទៅបំពេញបែបបទផ្តល់អត្តសញ្ញាណបណ្ណសញ្ជាតិខ្មែរ ដោយឥតគិតថ្លៃ៕ ប្រភព៖ ស្នងការដ្ឋាននគរបាលខេត្តកែប - Police Commissariat of Kep Province

ព្រឹក ថ្ងៃព្រហស្បតិ៍ ១៣កើត ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៤ ខែកញ្ញា ឆ្នាំ២០២៦ ខេត្តកែប៖ លោក ញ៉ន សិទ្ធ អភិបាលរងនៃគណៈអភិបាលខេត្ត តំណាងដ៏ខ្ពង់ខ្ពស់ ឯកឧត្តមបណ្ឌិត សោម ពិសិដ្ឋ អភិបាលនៃគណៈអភិបាលខេត្ត និងលោក គី វុទ្ធី ប្រធានលេខាធិការដ្ឋានរៀបចំការបោះឆ្នោតខេត្តកែប អញ្ជើញជាអធិបតី ក្នុងវគ្គបណ្តុះបណ្តាលស្តីពី ការពិនិត្យបញ្ជីឈ្មោះ និងការចុះឈ្មោះបោះឆ្នោតឆ្នាំ២០២៦ ជួនដល់មន្ត្រី ល.ខ.ប និងភាគីពាក់ព័ន្ធ។ នៅសាលប្រជុំ លេខាធិការដ្ឋានរៀបចំការបោះឆ្នោតខេត្តកែប។

ថ្ងៃទី១៨ ខែកញ្ញា ឆ្នាំ២០២៦ ៖ លោក បេត ណារិទ្ធ អនុប្រធានមន្ទីរ និងជាតំណាងលោកប្រធានមន្ទីរពាណិជ្ជកម្មខេត្តកែប ដឹកនាំមន្រ្តីជំនាញ ចូលរួមសហការជាមួយសាខា ក.ប.ប ខេត្ត រដ្ឋបាលក្រុងកែប មន្ទីរឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ មន្ទីរទេសចរណ៍ និងសមត្ថកិច្ចពាក់ព័ន្ធ ចុះត្រួតពិនិត្យ និងអប់រំអំពីគុណភាព សុវត្ថិភាពទំនិញ និងម្ហូបអាហារ និងលិខិតបទដ្ឋានពាក់ព័ន្ធដល់អាជីវករលក់ម្ហូបអាហារ និងទំនិញនៅផ្សារក្តាម ស្ថិតនៅសង្កាត់ព្រៃធំ ក្រុងកែប ខេត្តកែប ។ #ប្រភព មន្ទីរពាណិជ្ជកម្មខេត្តកែប

ក្រោមការដឹកនាំ និងដោយទទួលបានគោលការណ៍ពី លោក ឆាង ឆៃ អភិបាល នៃគណៈអភិបាលស្រុកដំណាក់ចង្អើរ នៅថ្ងៃទី១៦ ខែកញ្ញា ឆ្នាំ២០២៦ លោក អ៉ឹង សុខ អភិបាលរងស្រុក បានដឹកនាំក្រុមការងារមន្ត្រីថ្នាក់ស្រុក ឃុំ ភូមិ និងកម្លាំងប៉ុស្តិ៍រដ្ឋបាលឃុំពងទឹក និងឃុំអង្កោល សហការជាមួយក្រុមការងារព្រែកជីកហ្វូណនតេជោ ចុះកែសម្រួលនិយាមការ ដក និងបោះបង្គោលថ្មី ក្នុងភូមិសាស្ត្រស្រុកដំណាក់ចង្អើរ។ កិច្ចសហការនេះប្រព្រឹត្តទៅចាប់ពី ថ្ងៃទី១៦ ដល់ថ្ងៃទី១៨ ខែកញ្ញា ឆ្នាំ២០២៦ ដោយគ្របដណ្តប់លើភូមិចំនួន ០៤ នៃឃុំពងទឹក និងឃុំអង្កោល រួមមាន៖ ភូមិអង្កោល ភូមិអំពេង ភូមិទួលសាងាំ និងភូមិព្រៃតាកុយ ប្រភព៖ រដ្ឋបាលស្រុកដំណាក់ចង្អើរ

សេចក្តីជូនដំណឹងស្តីពីចំណាត់ការរបស់រដ្ឋបាលស្រុកដំណាក់ចង្អើរ ករណីសាងសង់ខឿនបេតុងខុសច្បាប់រំលោភលើដីសាធារណៈ (ចំណីឆ្នេរ) នៅតំបន់ឆ្នេរអង្កោល!

​នាពេលថ្មីៗនេះ សង្កេតឃើញការចុះផ្សាយពីសំណាក់បណ្តាញសារព័ត៌មាន ព្រមទាំងការបញ្ចេញមតិខ្វល់ខ្វាយពីសំណាក់បងប្អូនភ្ញៀវ​ទេសចរណ៍​ ជុំវិញករណីមានការសាងសង់ខឿនថ្មរំលោភលើដីចំណីឆ្នេរសមុទ្រ ស្ថិតនៅតំបន់ឆ្នេរអង្កោល ភូមិអង្កោល ឃុំអង្កោល ស្រុកដំណាក់ចង្អើរ។ ​ឆ្លើយតបចំពោះករណីនេះ រដ្ឋបាលស្រុកដំណាក់ចង្អើរ សូមធ្វើការបំភ្លឺ និងជម្រាបជូនសាធារណជនឱ្យបានជ្រាបថា៖ កាលពីរសៀលថ្ងៃទី០៤ ខែកញ្ញា ឆ្នាំ២០២៦ គណៈបញ្ជាការឯកភាពរដ្ឋបាលស្រុក បានចុះត្រួតពិនិត្យផ្ទាល់ដល់ទីតាំងកើតហេតុ។ តាមការពិនិត្យជាក់ស្តែង គឺពិតជាមានអាជីវករមួយកន្លែង បានចាក់ខឿនសាបបេតុងបន្ថែម (ទំហំទទឹង ២,៥ម៉ែត្រ និងបណ្តោយ ២៥ម៉ែត្រ) លយចូលទៅក្នុងផ្ទៃសមុទ្រដោយគ្មានច្បាប់អនុញ្ញាតពិតប្រាកដមែន ដែលទង្វើនេះជាការបំពានលើដីសាធារណៈរបស់រដ្ឋ និងអាចបង្កការប៉ះពាល់សោភ័ណភាព​សណ្តាប់ធ្នាប់​ឆ្នេរខ្សាច់។ ​ឈរលើគោលការណ៍ច្បាប់ ក្នុងការការពារទ្រព្យសម្បត្តិសាធារណៈរបស់រដ្ឋ និងអនុវត្តច្បាប់ដោយស្មើភាព ក្រុមការងាររដ្ឋបាលស្រុក បានចាត់វិធានការយ៉ាងម៉ឺងម៉ាត់ដូចខាងក្រោម៖

នៅរសៀលថ្ងៃទី១ ខែកញ្ញា ឆ្នាំ២០២៦​ រដ្ឋបាលក្រុងកែប បានសហការជាមួយមន្ទីរអភិវឌ្ឍន៍ជនបទខេត្ត និងក្រុមការងារចុះមូលដ្ឋានភូមិដំណាក់ចំបក់ សង្កាត់​អូរក្រសារ​ ក្រុង​កែប​ បានខិតខំប្រឹងប្រែងយកចិត្តទុកដាក់ ដោះស្រាយបញ្ហាជូនប្រជាពលរដ្ឋបានទាន់ពេលវេលា។ ជាលទ្ធផល៖ គិតត្រឹមវេលាម៉ោង ៥:១៥ នាទីល្ងាច ថ្ងៃទី ១ ខែកញ្ញា ឆ្នាំ ២០២៦ នេះ ការតភ្ជាប់កំណាត់ផ្លូវ ដែលរងគ្រោះដោយសារជំនន់ទឹកភ្លៀងកាលពីថ្ងៃទី២៩ ខែសីហា ឆ្នាំ២០២៦ កន្លងមកនេះ ត្រូវបានសម្រេចជាស្ថាពរ។ បន្ទាប់ពីតភ្ជាប់រួច ប្រជាពលរដ្ឋក្នុងមូលដ្ឋានអាចធ្វើដំណើរ និងដឹកជញ្ជូនកសិផលឆ្លងកាត់ឡើងវិញបានជាធម្មតា និងដោយសុវត្ថិភាព។

ដោយមានការចង្អុលបង្ហាញពីសំណាក់ លោក ឆាង ឆៃ អភិបាល នៃគណៈអភិបាលស្រុកដំណាក់ចង្អើរ នាព្រឹកថ្ងៃទី៣០ ខែសីហា ឆ្នាំ២០២៦នេះ លោក អ៉ឹង សុខ អភិបាលស្រុកស្តីទី បានដឹកនាំក្រុមការងាររដ្ឋបាលស្រុក រួមមាន លោកនាយករដ្ឋបាល លោកនាយករងរដ្ឋបាល លោកមេឃុំពងទឹក និងលោកមេភូមិ ចុះជួបសំណេះសំណាល និងនាំយកអំណោយជាគ្រឿងឧបភោគបរិភោគ និងថវិកាមួយចំនួន ជូនដល់គ្រួសារវីរកងទ័ពជួរមុខចំនួន ០៣គ្រួសារ ដែលបានឈរជើងការពារទឹកដីនៅទិស «មុំបី» ខេត្តព្រះវិហារ និងពេលនេះបានមកសម្រាកជួបជុំក្រុមគ្រួសារនៅស្រុកកំណើត ស្ថិតក្នុងឃុំពងទឹក ស្រុកដំណាក់ចង្អើរ ខេត្តកែប។ ប្រភព៖ រដ្ឋបាលស្រុកដំណាក់ចង្អើរ

ក្រុមអ្នកសង្កេតការណ៍អាស៊ានចុះដល់ទីតាំងផ្ទាល់ការដាក់ពង្រាយទូកុងតឺន័រកាន់កាប់ដោយខុសច្បាប់របស់យោធាថៃ និងប្រជាពលរដ្ឋជិត ៤ពាន់នាក់ កំពុងរង់ចាំថ្ងៃវិលត្រឡប់ទៅផ្ទះ នៅថ្ងៃសៅរ៍ ទី២២ ខែសីហា ឆ្នាំ២០២៦ វេលាម៉ោង ០៨:៣២នាទីព្រឹក ក្រុមអ្នកសម្របសម្រួល (CLG) នៃព្រះរាជាណាចក្រកម្ពុជា បានសម្របសម្រួលជូនក្រុមអ្នកសង្កេតការណ៍អាស៊ានប្រចាំព្រះរាជាណាចក្រកម្ពុជា (ASEAN Observer Team–Cambodia: AOT-KH) ដឹកនាំដោយ ប្រធានបេសកកម្មក្រុមអ្នកសង្កេតការណ៍អាស៊ាន (AOT KH HOM) ពីសាធារណរដ្ឋហ្វីលីពីន ចុះសង្កេតការណ៍ផ្ទៀងផ្ទាត់ រាយការណ៍អំពីស្ថានភាពតាមបណ្តោយព្រំដែនកម្ពុជា-ថៃ និងត្រួតពិនិត្យការដាក់ពង្រាយទូកុងតឺន័រកាន់កាប់ដោយខុសច្បាប់របស់យោធាថៃនូវទីតាំងចំនួន ០៥ ដែលមានទូរកុងតឺន័រសរុបចំនួន ៦២ ស្ថិតនៅចំណុចតំបន់ភូមិជោគជ័យ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ដែលបណ្តាលឱ្យប្រជាពលរដ្ឋស៊ីវិលកម្ពុជាចំនួន ៣៩៥១នាក់ ស្មើនឹង ១០៤៥គ្រួសារ (ក្នុងនោះមានកុមារចំនួន ១១៥៥នាក់) មិនទាន់អាចវិលត្រឡប់ទៅកាន់លំនៅដ្ឋានវិញបាននៅឡើយ។

ឯកឧត្តមឧបនាយករដ្ឋមន្រ្តី សាយ សំអាល់ ប្រធានក្រុមការងាររាជរដ្ឋាភិបាល ចុះមូលដ្ឋានខេត្តកែប មានប្រសាសន៍ថា ការយល់ដឹងច្រើនរបស់ប្រជាជន អាចជួយកាត់បន្ថយគ្រោះថ្នាក់ នឹងមានសុខភាពល្អ ដោយ៖ ក្រុមការងារគ្រប់គ្រងព័ត៌មាន និងសាធារណមតិខេត្តកែប

ឯកឧត្តមឧបនាយករដ្ឋមន្រ្តី សាយ សំអាល់ ប្រធានក្រុមការងាររាជរដ្ឋាភិបាល ចុះមូលដ្ឋានខេត្តកែប មានប្រសាសន៍ថា នឹងលុបបំបាត់សំណង់មិនរៀបរយនៅខេត្តកែប ដោយ៖ ក្រុមការងារគ្រប់គ្រងព័ត៌មាន និងសាធារណមតិខេត្តកែប