ព័ត៌មានក្នុងខេត្ត

មណ្ឌលសុខភាពអូរក្រសារ ជាមូលដ្ឋានសំខាន់ក្នុងការផ្តល់សេវាពិនិត្យ ព្យាបាល និងថែទាំសុខភាពជូនប្រជាពលរដ្ឋ៕ ផលិតដោយ ៖ មន្ទីរព័ត៌មានខេត្តកែប

មណ្ឌល​សុខភាព​ ពងទឹក​ រងចាំបម្រេីសេវាសុខភាពជូនបងប្អូន​ប្រជាពលរដ្ឋ​ក្នុង​មូលដ្ឋាន​ 📍ភូមិ​ភ្នំលាវ​ ឃុំពងទឹក​ ស្រុក​ដំណាក់​ចង្អេីរ 📸Mat Ousman- ម៉ាត់​ អ៊ូ​ស្មាន​ ​ មន្ទីរ​ព័ត៌មាន​ខេត្ត​កែប

មណ្ឌលសុខភាពព្រៃធំ សង្កាត់ព្រៃធំ ក្រុងកែប ខេត្តកែប ជាមូលដ្ឋានសំខាន់ក្នុងការផ្តល់សេវាពិនិត្យ ព្យាបាល និងលើកកម្ពស់សុខភាពជូនប្រជាពលរដ្ឋ។ ផលិតដោយ ៖ មន្ទីរព័ត៌មានខេត្តកែប

ទិដ្ឋភាពមណ្ឌលសុខភាពព្រៃធំ​ ក្រុងកែប​ ខេត្ត​កែប​ 📸​Mat Ousman- ម៉ាត់​ អ៊ូស្មាន ​ មន្ទីរ​ព័ត៌មាន​ខេត្ត​កែប

លោក លៀម ម៉េងវ៉ាន់ ប្រធានមណ្ឌលសុខភាពអង្កោល ស្ថិតនៅភូមិអង្កោល ឃុំអង្កោល ស្រុកដំណាក់ចង្អើរ ខេត្តកែប បានដាក់ចេញ និងអនុវត្តសកម្មភាពជាក់ស្តែង ស្របតាមគោលការណ៍ណែនាំរបស់ក្រសួងសុខាភិបាល ក្នុងការចុះផ្សព្វផ្សាយ អប់រំ និងចាត់វិធានការបង្ការ ទប់ស្កាត់ជំងឺគ្រុនឈាម ដល់ប្រជាពលរដ្ឋនៅតាមមូលដ្ឋានក្នុងឃុំអង្កោល ដែលជាតំបន់ជាប់មាត់សមុទ្រ។ ដោយ៖ ក្រុមការងារគ្រប់គ្រងព័ត៌មាន និងសាធារណមតិ នៃមន្ទីរព័ត៌មានខេត្តកែប វីដេអូ៖ ង៉ុង សាន់ កាត់ត៖ ឆេង ភក្តី

ដោយមានទំនុកចិត្តលើសេវាសាធារណៈល្អ «មណ្ឌលសុខភាពព្រែកតាមាក់» ទទួលស្វាគមន៍ប្រជាពលរដ្ឋ មិនត្រឹមតែក្នុងតំបន់នោះទេ ថែមទាំងមកពីក្រៅតំបន់ថែមទៀតផង

មណ្ឌលសុខភាព សំរោងធំ ជាទីទ្រនំដ៏កក់ក្ដៅ សម្រាប់ប្រជាពលរដ្ឋនៅមូលដ្ឋានពេលមានបញ្ហាសុខភាព

ខេត្តកែប បន្តពង្រឹងការថែទាំសុខភាពបឋម ដើម្បីលើកកម្ពស់សុខុមាលភាពប្រជាពលរដ្ឋឱ្យកាន់តែប្រសើរ កែប៖ រដ្ឋបាលខេត្តកែបនឹងបន្តជំរុញការពង្រឹងប្រព័ន្ធថែទាំសុខភាពបឋមនៅគ្រប់មូលដ្ឋាន ដោយផ្តោតលើការបង្កើនគុណភាពសេវាសុខាភិបាល ការបង្ការ និងទប់ស្កាត់ជំងឺ ព្រមទាំងធានាឱ្យប្រជាពលរដ្ឋទទួលបានសេវាថែទាំសុខភាពប្រកបដោយសមធម៌ និងប្រសិទ្ធភាព ស្របតាមគោលនយោបាយរបស់រាជរដ្ឋាភិបាល។ នេះការលើកឡើងរបស់លោកស្រី គឹម ចន្នី អភិបាលរងខេត្តកែប តំណាងដ៏ខ្ពង់ខ្ពស់ ឯកឧត្តមបណ្ឌិត សោម ពិសិដ្ឋ អភិបាលនៃគណៈអភិបាលខេត្តកែប និងជាប្រធានក្រុមការងារគ្រប់គ្រងក្របខ័ណ្ឌអនុវត្តការជំរុញបង្កើនការថែទាំសុខភាពបឋម (ក.ជ.ថ.ស.ប) ថ្នាក់ខេត្ត ក្នុងអំឡុងពេលលោកស្រី អញ្ជើញដឹកនាំកិច្ចប្រជុំក្រុមការងារ (ក.ជ.ថ.ស.ប) ថ្នាក់ខេត្ត ក្រុង ស្រុក និងឃុំ-សង្កាត់ នៅសាលាខេត្តកែប នាព្រឹកថ្ងៃទី១១ ខែមិថុនា ឆ្នាំ២០២៦នេះ។ កិច្ចប្រជុំនេះត្រូវបានរៀបចំឡើងក្នុងគោលបំណងពង្រឹងយន្តការសម្របសម្រួល និងបង្កើនកិច្ចសហការរវាងអាជ្ញាធរគ្រប់លំដាប់ថ្នាក់ និងភាគីពាក់ព័ន្ធ ក្នុងការតាមដាន វាយតម្លៃ និងជំរុញការអនុវត្តការងារថែទាំសុខភាពបឋមនៅតាមមូលដ្ឋានឱ្យកាន់តែមានប្រសិទ្ធភាព និងឆ្លើយតបបានទាន់ពេលវេលាចំពោះតម្រូវការសុខភាពរបស់ប្រជាពលរដ្ឋ។ មានប្រសាសន៍ក្នុងកិច្ចប្រជុំ លោកស្រី គឹម ចន្នី បានលើកឡើងថា ការថែទាំសុខភាពបឋម គឺជាមូលដ្ឋានគ្រឹះដ៏សំខាន់នៃប្រព័ន្ធសុខាភិបាល ដែលដើរតួនាទីសំខាន់ក្នុងការបង្ការ ទប់ស្កាត់ជំងឺ កាត់បន្ថយហានិភ័យសុខភាព និងលើកកម្ពស់សុខុមាលភាពរបស់ប្រជាពលរដ្ឋ។ ដូច្នេះគ្រប់ភាគីពាក់ព័ន្ធត្រូវរួមគ្នាពង្រឹងការផ្តល់សេវាសុខាភិបាលឱ្យកាន់តែមានគុណភាព ប្រសិទ្ធភាព និងងាយស្រួលដល់ប្រជាពលរដ្ឋ។ លោកស្រីបានបញ្ជាក់ថា រដ្ឋបាលខេត្តកែប បាននិងកំពុងអនុវត្តយ៉ាងសកម្មនូវគោលនយោបាយរបស់រាជរដ្ឋាភិបាល និងក្រសួងសុខាភិបាល ដោយផ្តោតសំខាន់លើការពង្រឹងសេវាថែទាំសុខភាពបឋម ការពង្រីកការទទួលបានសេវាសុខាភិបាល និងការលើកកម្ពស់ការយល់ដឹងរបស់ប្រជាពលរដ្ឋអំពីការថែរក្សាសុខភាព។ ជាមួយគ្នានេះ លោកស្រីក៏បានណែនាំដល់ក្រុមការងារ និងស្ថាប័នពាក់ព័ន្ធទាំងអស់ បន្តពង្រឹងការសហការ និងការទទួលខុសត្រូវក្នុងការអនុវត្តផែនការសកម្មភាពនានា ឱ្យមានប្រសិទ្ធភាពខ្ពស់បន្ថែមទៀត ដើម្បីធានាថា ប្រជាពលរដ្ឋនៅទូទាំងខេត្តកែប ទទួលបានសេវាថែទាំសុខភាពប្រកបដោយគុណភាព សុវត្ថិភាព និងសមធម៌ ស្របតាមទិសដៅរបស់រាជរដ្ឋាភិបាលក្នុងការលើកកម្ពស់គុណភាពជីវិត និងសុខុមាលភាពរបស់ប្រជាពលរដ្ឋ៕ អត្ថបទ​៖​ កញ្ញា​ ងី​ ងាន ​ មន្ទីរ​ព័ត៌មាន​ខេត្ត​កែប

ព្រឹក ថ្ងៃព្រហស្បតិ៍ ១១រោច ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១១ ខែមិថុនា ឆ្នាំ២០២៦ ខេត្តកែប: លោកស្រី គឹម ចន្នី អភិបាលរងខេត្ត តំណាងដ៏ខ្ពងខ្ពស់ ឯកឧត្តមបណ្ឌិតសោម ពិសិដ្ឋ អភិបាលនៃគណៈអភិបាលខេត្តកែប និងជាប្រធានក្រុមការងារគ្រប់គ្រងក្របខ័ណ្ឌអនុវត្ត ការជំរុញបង្កើនការថែទាំសុខភាពបឋមហៅកាត់ថា «ក.ជ.ថ.ស.ប» ថ្នាក់ខេត្ត បានអញ្ជើញជាអធិបតី ដឹកនាំកិច្ចប្រជុំក្រុម ការងារគ្រប់គ្រងក្របខ័ណ្ឌអនុវត្តការជំរុញ បង្កើនការថែទាំសុខភាពបឋមហៅកាត់ថា «ក.ជ.ថ.ស.ប» ថ្នាក់ខេត្ត ក្រុង ស្រុក និងឃុំ សង្កាត់ នៅសាលប្រជុំមន្ទីសុខាភិបាល នៃរដ្ឋបាលខេត្ត។

កែប៖ រដ្ឋបាលខេត្តកែប បើកយុទ្ធនាការចាក់វ៉ាក់សាំងការពារជំងឺសត្វ ជូនប្រជាកសិករនៅទូទាំងខេត្ត ដើម្បីទប់ស្កាត់ការឆ្លងរាលដាលជំងឺលើគោក្របី និងសត្វចិញ្ចឹមនានា ក្នុងអំឡុងរដូវវស្សា ដែលជាពេលងាយកើតមានជំងឺឆ្លង។ យុទ្ធនាការនេះ ក៏មានគោលបំណងលើកកម្ពស់សុវត្ថិភាពវិស័យបសុសត្វ និងជួយការពារជីវភាពប្រជាពលរដ្ឋដែលប្រកបរបរចិញ្ចឹមសត្វផងដែរ។