ព័ត៌មានក្នុងខេត្ត

នាព្រឹកថ្ងៃព្រហស្បតិ៍ ទី១៦ ខែកក្កដា ឆ្នាំ២០២៦ ឯកឧត្តមបណ្ឌិត សោម ពិសិដ្ឋ អភិបាលនៃគណៈអភិបាលខេត្តកែប បានអញ្ជើញប្រគល់វិញ្ញាបនបត្រសម្គាល់ម្ចាស់អចលនវត្ថុ ១កន្លែង ស្ថិតនៅភូមិកែប សង្កាត់កែប ក្រុងកែប ខេត្តកែប ជូនលោកស្រី ញ៉ែម មរកត បន្ទាប់ពីករណីវិវាទដ៏រ៉ាំរ៉ៃអស់រយៈពេល៣២ឆ្នាំ​ ត្រូវបានដោះស្រាយបញ្ចប់ដោយជោគជ័យ ស្របតាមនីតិវិធីច្បាប់ និងប្រកបដោយយុត្តិធម៌។ ជាមួយគ្នានេះ ឯកឧត្តមបណ្ឌិត បានសង្កត់ធ្ងន់ថា ការផ្តល់យុត្តិធម៌ជូនប្រជាពលរដ្ឋ គឺជាអាទិភាពមួយដែលត្រូវបានអនុវត្តយ៉ាងយកចិត្តទុកដាក់ ក្រោមការដឹកនាំប្រកបដោយភាពប្រាកដនិយម និងចក្ខុវិស័យវែងឆ្ងាយរបស់រាជរដ្ឋាភិបាល នីតិកាលទី៧ ដឹកនាំដោយ សម្តេចតេជោ និងសម្តេចធិបតី។

ព្រឹកថ្ងៃពុធ ១កើត ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៥ ខែកក្កដា ឆ្នាំ២០២៦ ភ្នំពេញ៖ ឯកឧត្តមបណ្ឌិត​ សោម​ ពិសិដ្ឋ​ អភិបាល​នៃគណៈអភិបាលខេត្តកែប​ អញ្ជើញ​ចូលរួម​សិក្ខាសាលា​ផ្សព្វផ្សាយ​ប្រកាស​អន្តរក្រសួង​ស្ដីពី​ ការផ្ដល់សេវា​រដ្ឋបាល​របស់​រដ្ឋបាល​ក្រុង​ ស្រុក​ ខណ្ឌ​ ក្រោមអធិបតីភាព​ដ៏ខ្ពង់ខ្ពស់​ ឯកឧត្តម​អភិសន្តិបណ្ឌិត​ ស​ សុខា​ ឧបនាយករដ្ឋមន្ត្រី​ រដ្ឋមន្ត្រី​ក្រសួង​មហាផ្ទៃ​ នៅទីស្ដីការក្រសួងមហាផ្ទៃ ៕

ឯកឧត្តម លាង មុន្នីរិទ្ធ ប្រធានក្រុមការងាររាជរដ្ឋាភិបាលចុះមូលដ្ឋានស្រុកដំណាក់ចង្អើរ និងលោកជំទាវ សាយ ចាន់ណាក់ អាជ្ញាធរស្រុក រួមជាមួយលោកប្រធានមន្ទីរអប់រំ យុវជន និងកីឡាខេត្តកែប បានអញ្ជើញចុះពិនិត្យស្ថានភាពតាមបណ្តាសាលារៀនក្នុងមូលដ្ឋាន ក្រោយខេត្តកែបរងឥទ្ធិពលពីភ្លៀងធ្លាក់ជាប់គ្នាជាច្រើនថ្ងៃ ដើម្បីវាយតម្លៃផលប៉ះពាល់ ពិនិត្យសុវត្ថិភាពអគារសិក្សា និងបរិវេណសាលារៀន ព្រមទាំងត្រៀមវិធានការឆ្លើយតបទាន់ពេលវេលា ធានាឱ្យការសិក្សារបស់សិស្សានុសិស្សប្រព្រឹត្តទៅដោយសុវត្ថិភាព និងមិនមានការរំខាន។

ខេត្តកែប៖ នាព្រឹកថ្ងៃទី១៥ ខែកក្កដា ឆ្នាំ២០២៦ មន្ទីរកិច្ចការនារីខេត្តកែប បានរៀបចំ សិក្ខាសាលាស្តីពីការទប់ស្កាត់ការរំលោភបំពានផ្លូវភេទលើស្ត្រី និងក្មេងស្រី នៅសាលប្រជុំមន្ទីរកិច្ចការនារីខេត្តកែប ក្រោមអធិបតីភាព លោកជំទាវ ដួង កែវ ចិន្តា សមាជិកាក្រុមប្រឹក្សាខេត្ត, លោកជំទាវ កៅ នី សមាជិកាក្រុមប្រឹក្សាខេត្ត និង លោកស្រី អ៊ូ សុគន្ធី ប្រធានមន្ទីរកិច្ចការនារីខេត្តកែប ដោយមានការចូលរួមពីថ្នាក់ដឹកនាំ មន្ត្រីមន្ទីរ-អង្គភាពពាក់ព័ន្ធ និងសិក្ខាកាមសរុបចំនួន ៧៥នាក់។

ឯកឧត្តមបណ្ឌិត សោម​ ពិសិដ្ឋ​ អភិបាល​នៃគណៈអភិបាលខេត្តកែប​ អញ្ជើញ​ចូលរួម​ពិធី​​ចុះ​អនុស្សរណៈ​នៃការយោគយល់គ្នា​ស្ដីពី​ "ការឧបត្ថម្ភ​ប្រព័ន្ធ​អំពូល​បំភ្លឺ​ដោយ​ថាមពល​ពន្លឺ​ព្រះអាទិត្យ​ សម្រាប់​ដំឡើង​បន្ថែម​លេី​ផ្លូវជាតិ​មួយចំនួន​ នៃព្រះរាជាណាចក្រកម្ពុជា​"​ ក្រោមអធិបតីភាព​ ឯកឧត្តម​ កែវ​ រតនៈ​ រដ្ឋមន្ត្រី​ក្រសួង​រ៉ែ​ និង​ថាមពល​ និង​ឯកឧត្តម​ ប៉េង​ ពោធិ៍​នា​ រដ្ឋមន្ត្រី​ក្រសួង​សាធារណការ​ និង​ដឹក​ជញ្ជូន​ ៕ ភ្នំពេញ​,​ ព្រឹក​ថ្ងៃ​អង្គារ​ ទី​១៤​ កក្កដា​ ២០២៦

នាព្រឹកថ្ងៃអង្គារ ទី១៤ ខែកក្កដា ឆ្នាំ២០២៦ ឯកឧត្តម អ៊ុ សុខ អគ្គលេខាធិការរង​ សមាគមអតីតយុទ្ធជន​ និងនិវត្តជនកម្ពុជា តំណាងដ៏ខ្ពង់ខ្ពស់ ឯកឧត្តមនាយឧត្តមសេនីយ៍កិត្តិសង្គហបណ្ឌិត គន់ គីម ទេសរដ្ឋមន្ត្រី អនុប្រធាន និងជាអគ្គលេខាធិការសមាគមអតីតយុទ្ធជន​ និងនិវត្តជនកម្ពុជា បានអញ្ជើញជាគណៈអធិបតីបើកវគ្គបណ្តុះបណ្តាលស្តីពីការងាររដ្ឋបាល និងការងារបេឡាមរណសង្គ្រោះរបស់សមាគមអតីតយុទ្ធជនកម្ពុជា (អ.ន.ក.)នៅសាលប្រជុំតូចសាលាខេត្តកែប ។

ខេត្តកែប៖ អនុវត្តតាមការណែនាំរបស់ ឯកឧត្តមបណ្ឌិត សោម ពិសិដ្ឋ អភិបាលខេត្តកែប ឱ្យរដ្ឋបាលក្រុងចុះតាមដាន និងពិនិត្យស្ថានភាពជំនន់ទឹកភ្លៀងក្នុងភូមិសាស្ត្រក្រុងកែប ជាក់ស្តែងក្រោយការតាមដានអស់រយៈពេល ២ថ្ងៃ រដ្ឋបាលក្រុងបានសង្កេតឃើញថា ទឹកនៅតំបន់ភូមិដំណាក់ចំបក់និងអូរក្រសារ នៅតែមានសភាពទ្រឹង មិនអាចហូរចេញបាន។ ដោយឡែក នាព្រឹកថ្ងៃទី១៣ ខែកក្កដា ឆ្នាំ២០២៦ រដ្ឋបាលក្រុងកែប បានសហការជាមួយមន្ទីរសាធារណការ និងដឹកជញ្ជូនខេត្ត ស្នើកម្លាំង និងគ្រឿងចក្រចុះអន្តរាគមន៍កាយសម្អាតប្រព័ន្ធបង្ហូរទឹក ដើម្បីរំដោះទឹកជំនន់ និងសម្រួលលំហូរទឹកឱ្យបានលឿន។ ក្នុងឱកាសនោះ លោក ហ៊ួរ មិថុនា អភិបាលរងខេត្តកែប បានអញ្ជើញចុះដឹកនាំការងារផ្ទាល់ ដោយមានការចូលរួមពីលោក ឃន វុទ្ធី អភិបាលក្រុងកែប ព្រមទាំងមន្ត្រីជំនាញ និងអ្នកពាក់ព័ន្ធជាច្រើនរូប។

ព្រឹក ថ្ងៃចន្ទ ១៤រោច ខែបឋមាសាឍ ឆ្នាំមមី អដ្ឋស័ក ព.ស ២៥៧០ ត្រូវនឹងថ្ងៃទី១៣ ខែកក្កដា ឆ្នាំ២០២៦ ខេត្តកែប៖ លោក អ៊ឹម បញ្ញរិទ្ធិ អភិបាលរងខេត្ត តំណាងដ៏ខ្ពង់ខ្ពស់ឯកឧត្តមបណ្ឌិត សោម ពិសិដ្ឋ អភិបាលនៃគណៈអភិបាលខេត្ត អញ្ជើញជាអធិបតីភាព ដឹកនាំកិច្ចប្រជុំផ្សព្វផ្សាយសារាចរណែនាំ ០០៨ សហវ.សរ.អហក ចុះថ្ងៃទី១១ ខែមិថុនា ឆ្នាំ២០២៦ របស់ក្រសួងសេដ្ឋកិច្ច និងហិរញ្ញវត្ថុ ស្តីពីការៀបចំផែនការយុទ្ធសាស្ត្រថវិកាឆ្នាំ២០២៧-២០២៩ និងនិតិវិធីបច្ចេកទេសនៃការរៀបចំគម្រោងថវិការបស់រដ្ឋបាលថ្នាក់ក្រោមជាតិឆ្នាំ២០២៧ ជូនដល់រដ្ឋបាល ថ្នាក់ក្រោមជាតិ នៅសាលប្រជុំមន្ទីរសេដ្ឋកិច្ច និងហិរញ្ញវត្ថុខេត្តកែប។

ខេត្តកែប៖ នៅក្នុងបរិបទដែលបច្ចេកវិទ្យាឌីជីថល និងបណ្ដាញសង្គមកាន់តែមានភាពជិតស្និទ្ធក្នុងជីវិតប្រចាំថ្ងៃ ការទទួលបានព័ត៌មានកាន់តែងាយស្រួល ប៉ុន្តែព័ត៌មានក្លែងក្លាយក៏អាចរីករាលដាលយ៉ាងឆាប់រហ័សផងដែរ ដើម្បីពង្រឹងការយល់ដឹងដល់យុវជន ក្នុងការសម្គាល់ និងទប់ស្កាត់ព័ត៌មានមិនពិត។ មន្ទីរព័ត៌មានខេត្តកែប បានរៀបចំ «យុទ្ធនាការផ្សព្វផ្សាយអប់រំការទប់ស្កាត់ព័ត៌មានក្លែងក្លាយ ជំហានទី២» ជូនដល់លោកគ្រូ អ្នកគ្រូ និងសិស្សានុសិស្ស នៅវិទ្យាល័យប៊ុនរ៉ានី ហ៊ុន សែន ចរិយាវង្ស ស្ថិតក្នុងក្រុងកែប ខេត្តកែប។

ព្រឹកថ្ងៃអង្គារ ៨រោច ខែបឋមាសាឍឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៧ ខែកក្កដា ឆ្នាំ២០២៦ កែប៖ លោក ប៊ុន យោង អភិបាលរងខេត្ត និងជាប្រធានលេខាធិការដ្ឋានគណៈបញ្ជាការឯកភាពរដ្ឋបាលខេត្ត អញ្ជើញជាអធិបតីភាពដឹកនាំកិច្ចប្រជុំលេខាធិការដ្ឋានគណៈបញ្ជាការឯកភាព រដ្ឋបាលខេត្ត ប្រចាំឆមាសទី១ ឆ្នាំ២០២៦ នៅសាលប្រជុំតូចសាលាខេត្ត។

បន្ទាប់ពីបានបញ្ចប់សន្និសីទថ្នាក់រដ្ឋមន្ត្រីហ្វ្រង់កូហ្វូនី លើកទី៤៧ (សម័យប្រជុំវិសាមញ្ញ) កាលពីថ្ងៃទី៣០ ខែមិថុនា ឆ្នាំ២០២៦ នៅទីក្រុងប៉ារីស ឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីការបរទេស និងសហប្រតិបត្តិការអន្តរជាតិ នៃព្រះរាជាណាចក្រកម្ពុជា បានរៀបចំពិធីលៀងសាយភោជន៍ទទួលស្វាគមន៍នៅវិមានស្នាក់នៅ Charles Floquet។ នៅក្នុងពិធីជួបជុំដ៏មហោឡារិកនេះ កម្ពុជាបាននាំយកនូវ «មុខម្ហូបខ្មែរ» ដ៏មានឱជារស និងប្រណីត ដើម្បីដាក់ជូនបណ្តារដ្ឋមន្ត្រី និងគណៈប្រតិភូនៃគ្រួសារហ្វ្រង់កូហ្វូនីបានភ្លក្សរសជាតិ ដែលនេះជាការបង្ហាញពីអត្តសញ្ញាណ និងវប្បធម៌ដ៏សម្បូរបែបរបស់ជាតិលើឆាកអន្តរជាតិ។ ព្រឹត្តិការណ៍នេះ មិនត្រឹមតែជាការផ្តល់ឱកាសឱ្យសមាជិកទាំងអស់បានផ្លាស់ប្តូរមតិ និងបង្ហាញពីសាមគ្គីភាពយ៉ាងស្និទ្ធស្នាលប៉ុណ្ណោះទេ ប៉ុន្តែថែមទាំងជាជំហានដ៏សំខាន់មួយក្នុងការត្រៀមលក្ខណៈ និងស្វាគមន៍យ៉ាងកក់ក្តៅ ឆ្ពោះទៅកាន់ កិច្ចប្រជុំកំពូលហ្វ្រង់កូហ្វូនី លើកទី២០ ដែលកម្ពុជានឹងធ្វើជាម្ចាស់ផ្ទះ នៅរាជធានីភ្នំពេញ នាពេលខាងមុខនេះ។ 🇰🇭 (Photo credit: Chantha Reaksmey Sereysophoan)

ខេត្តស្វាយរៀង, នៅព្រឹកថ្ងៃពុធ ទី១ ខែកក្កដា ឆ្នាំ២០២៦​ នេះ​ ឯកឧត្ដមបណ្ឌិត​​ សោម​ ពិសិដ្ឋ​ អភិបាល​នៃគណៈអភិបាលខេត្តកែប​ អញ្ជើញ​ចូលរួម​អបអរសាទរទិវាមច្ឆជាតិ ១ កក្កដា ២០២៦ ក្រោមអធិបតីភាព​ដ៏ខ្ពង់ខ្ពស់​ សម្ដេចមហាបវរធិបតី​ ហ៊ុន​ ម៉ាណែត​ នាយករដ្ឋមន្ត្រី​នៃព្រះរាជាណាចក្រកម្ពុជា​​និងលោកជំទាវ​បណ្ឌិត​ ពេជ​ ចន្ទមុន្នី​ ហ៊ុនម៉ាណែត​ ។ ទិវាមច្ឆាជាតិ ត្រូវបាន​ប្រារព្ធ​ធ្វើ​ឡើងជា​រៀងរាល់​ឆ្នាំ​​ក្នុងគោលបំណងបំផុសស្មារតី និងចលនាជាតិឱ្យចូលរួមថែរក្សា អភិរក្ស និងអភិវឌ្ឍវិស័យជលផលប្រកបដោយនិរន្តរភាព​ ។ រាជរដ្ឋាភិបាល តាមរយៈក្រសួងកសិកម្ម រុក្ខាប្រមាញ់ និងនេសាទ បានដាក់ចេញ និងអនុវត្តយ៉ាងម៉ឺងម៉ាត់នូវវិធានការគន្លឹះ និងយុទ្ធសាស្ត្រសំខាន់ៗ តាមរយៈការកែទម្រង់ក្របខ័ណ្ឌច្បាប់ និងការបង្ក្រាបបទល្មើសជលផលគ្រប់ប្រភេទ ដើម្បីធានាបាននូវប្រសិទ្ធភាពនៃការគ្រប់គ្រងធនធានធម្មជាតិ និងធានាថាធនធានជលផលនៅតែសម្បូរ សម្រាប់កូនចៅជំនាន់ក្រោយ​ ៕