ឯកឧត្តមបណ្ឌិត សោម ពិសិដ្ឋ ប្រគល់វិញ្ញាបនបត្រសម្គាល់ម្ចាស់អចលនវត្ថុ ១កន្លែង បន្ទាប់ពីករណីវិវាទដ៏រ៉ាំរ៉ៃអស់រយៈពេល៣២ឆ្នាំ ត្រូវបានដោះស្រាយបញ្ចប់ដោយជោគជ័យ ស្របតាមនីតិវិធីច្បាប់ និងប្រកបដោយយុត្តិធម៌
នាព្រឹកថ្ងៃព្រហស្បតិ៍ ទី១៦ ខែកក្កដា ឆ្នាំ២០២៦ ឯកឧត្តមបណ្ឌិត សោម ពិសិដ្ឋ អភិបាលនៃគណៈអភិបាលខេត្តកែប បានអញ្ជើញប្រគល់វិញ្ញាបនបត្រសម្គាល់ម្ចាស់អចលនវត្ថុ ១កន្លែង ស្ថិតនៅភូមិកែប សង្កាត់កែប ក្រុងកែប ខេត្តកែប ជូនលោកស្រី ញ៉ែម មរកត បន្ទាប់ពីករណីវិវាទដ៏រ៉ាំរ៉ៃអស់រយៈពេល៣២ឆ្នាំ ត្រូវបានដោះស្រាយបញ្ចប់ដោយជោគជ័យ ស្របតាមនីតិវិធីច្បាប់ និងប្រកបដោយយុត្តិធម៌។ ជាមួយគ្នានេះ ឯកឧត្តមបណ្ឌិត បានសង្កត់ធ្ងន់ថា ការផ្តល់យុត្តិធម៌ជូនប្រជាពលរដ្ឋ គឺជាអាទិភាពមួយដែលត្រូវបានអនុវត្តយ៉ាងយកចិត្តទុកដាក់ ក្រោមការដឹកនាំប្រកបដោយភាពប្រាកដនិយម និងចក្ខុវិស័យវែងឆ្ងាយរបស់រាជរដ្ឋាភិបាល នីតិកាលទី៧ ដឹកនាំដោយ សម្តេចតេជោ និងសម្តេចធិបតី។
