ព័ត៌មានក្នុងខេត្ត

រសៀល ថ្ងៃពុធ ៩រោច ខែបឋមាសាឍ ឆ្នាំមមី អដ្ឋស័ក ព.ស២៥៧០ ត្រូវនឹង ថ្ងៃទី៨ ខែកក្កដា ឆ្នាំ២០២៦ ភ្នំពេញ÷ ឯកឧត្ដមបណ្ឌិត សោម ពិសិដ្ឋ អភិបាលនៃគណៈអភិបាលខេត្តកែប អញ្ជើញចូលរួមគោរពវិញ្ញាណក្ខន្ធសពឧបាសិកា នេត សុគន្ធ ដែលត្រូវជាបងស្រីបង្កើតរបស់ ឯកឧត្ដមសន្តិបណ្ឌិត នេត សាវឿន ឧបនាយករដ្ឋមន្ត្រី ៕

ព្រឹក ថ្ងៃពុធ ៩រោច ខែបឋមាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៨ ខែកក្កដា ឆ្នាំ២០២៦ ខេត្តកែប៖ លោក អុឹម បញ្ញារិទ្ធិ អភិបាលរងខេត្ត អញ្ជើញចូលរួម កិច្ចប្រជុំបើកវគ្គសវនកម្មលើការអនុលោមតាមច្បាប់ និងបទប្បញ្ញត្តិនៅខេត្តកែប សម្រាប់ការិយបរិច្ឆេទ២០២៥ និងឆ្នាំពាក់ព័ន្ធ ក្រោមអធិបតីភាព ឯកឧត្តម ឡុង អាទិច្ចបូរា អគ្គលេខាធិការ នៃអាជ្ញាធរសវនកម្មជាតិ តាមរយៈប្រព័ន្ធ (ZOOM) នៅសាលប្រជុំតូចសាលាខេត្តកែប៕

ខេត្តកែប៖ លោកជំទាវ ដួង កែវ ចិន្តា សមាជិកាក្រុមប្រឹក្សាខេត្តកែប បានជំរុញឱ្យសមាជិកសមាគមនារីគ្រប់លំដាប់ថ្នាក់ បន្តផ្តោតការយកចិត្តទុកដាក់លើការលុបបំបាត់អំពើហិង្សាក្នុងគ្រួសារ ការកាត់បន្ថយអត្រាមរណភាពមាតា និងទារក ព្រមទាំងការបង្ការ និងទប់ស្កាត់ការឆបោកតាមប្រព័ន្ធអនឡាញ ដើម្បីរួមចំណែកលើកកម្ពស់សុខុមាលភាពស្ត្រី និងកុមារ ការលើកឡើងនេះ ធ្វើឡើងក្នុងកិច្ចប្រជុំបូកសរុបលទ្ធផលការងារឆមាសទី១ និងលើកទិសដៅការងារឆមាសទី២ ឆ្នាំ២០២៦ របស់សមាគមនារីកម្ពុជាដើម្បីសន្តិភាព និងអភិវឌ្ឍន៍ ខេត្តកែប នាព្រឹកថ្ងៃទី៧ ខែកក្កដា ឆ្នាំ២០២៦ ក្រោមអធិបតីភាពលោកជំទាវ ដួង កែវ ចិន្តា សមាជិកាក្រុមប្រឹក្សាខេត្តកែប និងលោកស្រី អ៊ូ សុគន្ធី ប្រធានមន្ទីរកិច្ចការនារី ខេត្តកែប ព្រមទាំងមានការចូលរួមពីថ្នាក់ដឹកនាំ និងសមាជិកសមាគមគ្រប់លំដាប់ថ្នាក់ នៅសាលប្រជុំមន្ទីរកិច្ចការនារីខេត្តកែប ។

ព្រឹកថ្ងៃអង្គារ ៨រោច ខែបឋមាសាឍឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៧ ខែកក្កដា ឆ្នាំ២០២៦ កែប៖ លោក ប៊ុន យោង អភិបាលរងខេត្ត និងជាប្រធានលេខាធិការដ្ឋានគណៈបញ្ជាការឯកភាពរដ្ឋបាលខេត្ត អញ្ជើញជាអធិបតីភាពដឹកនាំកិច្ចប្រជុំលេខាធិការដ្ឋានគណៈបញ្ជាការឯកភាព រដ្ឋបាលខេត្ត ប្រចាំឆមាសទី១ ឆ្នាំ២០២៦ នៅសាលប្រជុំតូចសាលាខេត្ត។

កែប៖ នាពេលបច្ចុប្បន្ន ការជ្រើសរើសប្រើប្រាស់ទឹកបរិសុទ្ធដែលមានសុវត្ថិភាព និងគុណភាពខ្ពស់ កំពុងក្លាយជាអាទិភាពសម្រាប់ប្រជាពលរដ្ឋ។ ក្នុងនោះ ទឹកពិសាដប អ័រគីដេ ស្ព្រីង ដែលមានមូលដ្ឋានផលិតនៅខេត្តកែប កំពុងទទួលបានការគាំទ្រ និងការបញ្ជាទិញកើនឡើងពីសំណាក់អ្នកប្រើប្រាស់កាន់តែច្រើន។

កន្លែងថ្វាយបង្គំនៅផ្សារក្តាម(ផ្សារបណ្ដោះអាសន្ន)​ បងប្អូនមូស្លីមដែលមកលេងកំសាន្តក្នុងខេត្តកែប​ អាចមកប្រតិបត្តិនៅកន្លែងនេះបាន❤️ 📍 ក្រុងកែប​ ខេត្ត​កែប​ ​📸 Mat Ousman មន្ទីរ​ព័ត៌មាន​ខេត្ត​កែប

បន្ទាប់ពីបានបញ្ចប់សន្និសីទថ្នាក់រដ្ឋមន្ត្រីហ្វ្រង់កូហ្វូនី លើកទី៤៧ (សម័យប្រជុំវិសាមញ្ញ) កាលពីថ្ងៃទី៣០ ខែមិថុនា ឆ្នាំ២០២៦ នៅទីក្រុងប៉ារីស ឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីការបរទេស និងសហប្រតិបត្តិការអន្តរជាតិ នៃព្រះរាជាណាចក្រកម្ពុជា បានរៀបចំពិធីលៀងសាយភោជន៍ទទួលស្វាគមន៍នៅវិមានស្នាក់នៅ Charles Floquet។ នៅក្នុងពិធីជួបជុំដ៏មហោឡារិកនេះ កម្ពុជាបាននាំយកនូវ «មុខម្ហូបខ្មែរ» ដ៏មានឱជារស និងប្រណីត ដើម្បីដាក់ជូនបណ្តារដ្ឋមន្ត្រី និងគណៈប្រតិភូនៃគ្រួសារហ្វ្រង់កូហ្វូនីបានភ្លក្សរសជាតិ ដែលនេះជាការបង្ហាញពីអត្តសញ្ញាណ និងវប្បធម៌ដ៏សម្បូរបែបរបស់ជាតិលើឆាកអន្តរជាតិ។ ព្រឹត្តិការណ៍នេះ មិនត្រឹមតែជាការផ្តល់ឱកាសឱ្យសមាជិកទាំងអស់បានផ្លាស់ប្តូរមតិ និងបង្ហាញពីសាមគ្គីភាពយ៉ាងស្និទ្ធស្នាលប៉ុណ្ណោះទេ ប៉ុន្តែថែមទាំងជាជំហានដ៏សំខាន់មួយក្នុងការត្រៀមលក្ខណៈ និងស្វាគមន៍យ៉ាងកក់ក្តៅ ឆ្ពោះទៅកាន់ កិច្ចប្រជុំកំពូលហ្វ្រង់កូហ្វូនី លើកទី២០ ដែលកម្ពុជានឹងធ្វើជាម្ចាស់ផ្ទះ នៅរាជធានីភ្នំពេញ នាពេលខាងមុខនេះ។ 🇰🇭 (Photo credit: Chantha Reaksmey Sereysophoan)

រសៀល ថ្ងៃព្រហស្បតិ៍ ៣រោច ខែបឋមាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២ ខែកក្កដា ឆ្នាំ២០២៦ ខេត្តកែប: លោក ញ៉ុន សិទ្ធ អភិបាលរង នៃគណៈអភិបាលខេត្ត បានអញ្ជើញដឹកនាំកិច្ចប្រជុំការងារពាក់ព័ន្ធរបាយការណ៍នៃការអនុវត្តផែនការ សកម្មភាពឆមាសទី១ឆ្នាំ២០២៦ របស់សមាគម អង្គការមិនមែនរដ្ឋាភិបាល និងសហគមន៍នានា ដែលកំពុង ធ្វើសកម្មភាពក្នុងភូមិសាស្ត្រខេត្តកែប នៅសាលប្រជុំតូចសាលាខេត្ត។

ព្រឹក ថ្ងៃព្រហស្បតិ៍ ៣រោច ខែបឋមាសាឍឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២ ខែកក្កដា ឆ្នាំ២០២៦ ខេត្តកែប៖ ឯកឧត្តម លាង មុនីរិទ្ធ រដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់ និងជាប្រធានក្រុមការងាររាជរដ្ឋាភិបាលចុះមូលដ្ឋានក្រុងកែប អញ្ជើញជាអធិបតីភាព ដឹកនាំកិច្ចប្រជុំបូកសរុបលទ្ធផលការងារប្រចាំឆមាសលើកទី១ ឆ្នាំ២០២៦ របស់ក្រុមការងាររាជរដ្ឋាភិបាលចុះមូលដ្ឋានក្រុងកែប និងលើកទិសដៅអនុវត្តបន្ត ឆមាសបន្ទាប់ នៅសាលប្រជុំសាលាក្រុងកែប។

ខេត្តស្វាយរៀង, នៅព្រឹកថ្ងៃពុធ ទី១ ខែកក្កដា ឆ្នាំ២០២៦​ នេះ​ ឯកឧត្ដមបណ្ឌិត​​ សោម​ ពិសិដ្ឋ​ អភិបាល​នៃគណៈអភិបាលខេត្តកែប​ អញ្ជើញ​ចូលរួម​អបអរសាទរទិវាមច្ឆជាតិ ១ កក្កដា ២០២៦ ក្រោមអធិបតីភាព​ដ៏ខ្ពង់ខ្ពស់​ សម្ដេចមហាបវរធិបតី​ ហ៊ុន​ ម៉ាណែត​ នាយករដ្ឋមន្ត្រី​នៃព្រះរាជាណាចក្រកម្ពុជា​​និងលោកជំទាវ​បណ្ឌិត​ ពេជ​ ចន្ទមុន្នី​ ហ៊ុនម៉ាណែត​ ។ ទិវាមច្ឆាជាតិ ត្រូវបាន​ប្រារព្ធ​ធ្វើ​ឡើងជា​រៀងរាល់​ឆ្នាំ​​ក្នុងគោលបំណងបំផុសស្មារតី និងចលនាជាតិឱ្យចូលរួមថែរក្សា អភិរក្ស និងអភិវឌ្ឍវិស័យជលផលប្រកបដោយនិរន្តរភាព​ ។ រាជរដ្ឋាភិបាល តាមរយៈក្រសួងកសិកម្ម រុក្ខាប្រមាញ់ និងនេសាទ បានដាក់ចេញ និងអនុវត្តយ៉ាងម៉ឺងម៉ាត់នូវវិធានការគន្លឹះ និងយុទ្ធសាស្ត្រសំខាន់ៗ តាមរយៈការកែទម្រង់ក្របខ័ណ្ឌច្បាប់ និងការបង្ក្រាបបទល្មើសជលផលគ្រប់ប្រភេទ ដើម្បីធានាបាននូវប្រសិទ្ធភាពនៃការគ្រប់គ្រងធនធានធម្មជាតិ និងធានាថាធនធានជលផលនៅតែសម្បូរ សម្រាប់កូនចៅជំនាន់ក្រោយ​ ៕

ខេត្តកែប៖ ដោយអនុវត្តតាមអនុសាសន៍ណែនាំដ៏ខ្ពង់ខ្ពស់របស់ ឯកឧត្តម នាយឧត្តមសេនីយ៍ អគ្គស្នងការនគរបាលជាតិ និងប្រសាសន៍ណែនាំផ្ទាល់ពីលោកឧត្តមសេនីយ៍ទោ សម្បត្តិ សុធារដ្ឋ ស្នងការនគរបាលខេត្តកែប ក្នុងការបង្ការ ទប់ស្កាត់ និងបង្ក្រាបបទល្មើសឆបោកតាមប្រព័ន្ធបច្ចេកវិទ្យា(Online Scams) និងអំពើល្មើសច្បាប់ផ្សេងៗ ក្នុងភូមិសាស្ត្រគ្រប់គ្រង នៅព្រឹកថ្ងៃទី៣០ ខែមិថុនា ឆ្នាំ២០២៦ កម្លាំងការិយាល័យគ្រប់គ្រងជនបរទេស និងការិយាល័យស៊ើបអង្កេត និងអនុវត្តនីតិវិធី នៃផែនការងារអន្តោប្រវេសន៍ សហការជាមួយកម្លាំងអធិការដ្ឋាននគរបាលក្រុងកែប បានបន្តចុះត្រួតពិនិត្យវត្តមានជនបរទេសស្នាក់នៅរយៈវែង-ខ្លី និងបានពិនិត្យផ្ទៀងផ្ទាត់លើប្រព័ន្ធគ្រប់គ្រងវត្តមានជនបរទេសក្នុងព្រះរាជាណាចក្រកម្ពុជា(FPCS) នៅក្រុងកែប ចំនួន៤គោលដៅ មានជនបរទេស ចំនួន១១នាក់ ស្រី៥នាក់ មានលិខិតឆ្លងដែនត្រឹមត្រូវ ៕

នៅព្រឹកថ្ងៃទី៣០ ខែមិថុនា ឆ្នាំ២០២៦ នៅសាលប្រជុំក្រុមប្រឹក្សាខេត្ត បានរៀបចំកិច្ចប្រជុំសាមញ្ញលើកទី២៥ ក្នុងគោលបំណងដើម្បីពិនិត្យ ពិភាក្សា និងវាយតម្លៃលើលទ្ធផលការងារប្រចាំខែមិថុនា​ ប្រចាំឆមាសទី១ ឆ្នាំ២០២៦​ និងលើកទិសដៅបន្តរបស់រដ្ឋបាលខេត្ត។ កិច្ចប្រជុំនេះប្រព្រឹត្តទៅក្រោមអធិបតីភាព ឯកឧត្តម អ៊ុក ថា ប្រធានក្រុមប្រឹក្សាខេត្ត និងបានការអញ្ជើញចូលរួមពី លោក លី សាវេត អភិបាលខេត្តស្តីទី លោក លោកស្រី អភិបាលរងខេត្ត នាយករដ្ឋបាលស្តីទី ប្រធានមន្ទីរ អង្គភាព និងមន្ត្រីរាជការពាក់ព័ន្ធជាច្រើនរូបទៀត ។ កិច្ចប្រជុំសាមញ្ញលើកទី២៥នេះ បានផ្តោតទៅលើរបៀបវារៈសំខាន់ៗមួយចំនួន រួមមាន៖ ពិនិត្យនិងអនុម័តលើសេចក្តីព្រាងកំណត់ហេតុកិច្ចប្រជុំសាមញ្ញលើកទី២៤របស់ក្រុមប្រឹក្សា, ពិនិត្យ និងអនុម័តលើសេចក្តីព្រាងប្រតិទិនកិច្ចប្រជុំសាមញ្ញ អាណត្តិទី៤ឆ្នាំទី៣, សេចក្តីព្រាងរបាយការណ៍ ស្តីពីសកម្មភាពសំខាន់ៗដែលអនុវត្តន៍ដោយគណៈអភិបាលខេត្ត, ពិនិត្យអនុម័តលើសេចក្តីព្រាងរបាយការណ៍បូកសរុបការងារប្រចាំខែមិថុនា និងប្រចាំឆមាសទី១​ របស់រដ្ឋបាលខេត្ត​ រួមជាមួយបញ្ហាផ្សេងៗមួយចំនួនទៀត។ រូបភាព​📸៖​ កញ្ញា​ ចាប​ សុពេញ