ព័ត៌មានក្នុងខេត្ត

ព្រឹក ថ្ងៃសុក្រ ១០កើត ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៤ ខែកក្កដា ឆ្នាំ២០២៦ ខេត្តកែប៖ វគ្គផ្សព្វផ្សាយពង្រឹងការយល់ដឹងស្តីពី «គោលនយោបាយភូមិ ឃុំ សង្កាត់ មានសុវត្ថិភាព» ជូនដល់មន្ត្រី ពាក់ព័ន្ធនៅថ្នាក់ក្រុង ស្រុក ថ្នាក់ឃុំ សង្កាត់ និងភូមិ ក្រោមអធិបតីភាព លោក ប៊ុន យោង អភិបាលរងខេត្ត នៅសាលាស្រុកដំណាក់ចង្អើរ៕

ថ្ងៃទី២៣ ខែកក្កដា ឆ្នាំ២០២៦ ឯកឧត្តម បណ្ឌិត សោម ពិសិដ្ឋ សមាជិកគណៈកម្មាធិការកណ្តាល និងជា ប្រធានគណៈកម្មាធិការគណបក្សខេត្ត អញ្ជើញដឹកនាំកិច្ចប្រជុំ ពិនិត្យ ឆ្លងសេចក្តីព្រាងរបាយការណ៍ បូកសរុបលទ្ធផលនៃការអនុវត្តន៍ គោល នយោបាយអភិវឌ្ឍន៍ឃុំ សង្កាត់ អាណត្តិទី៥ រយៈពេល៥ឆ្នាំ (២០២២-២០២៧) និងលើកទិសដៅភារកិច្ចបន្ត (២០២៧-២០៣២) នៅទីស្នាក់ការគណៈកម្មាធិការគណបក្សខេត្តកែប

ខេត្តកែប៖ ការចិញ្ចឹមជ្រូក មិនត្រឹមជាមុខរបរបង្កើនប្រាក់ចំណូលសម្រាប់គ្រួសារកសិករប៉ុណ្ណោះទេ ប៉ុន្តែថែមទាំងជាការចូលរួមពង្រឹងផលិតកម្មកសិកម្មក្នុងស្រុក និងការធានាសន្តិសុខស្បៀងផងដែរ។

ខេត្តកែប៖ លោក ប៊ុន យោង អភិបាលរងខេត្តកែប តំណាងដ៏ខ្ពង់ខ្ពស់​ ឯកឧត្តមបណ្ឌិត សោម ពិសិដ្ឋ អភិបាលនៃគណៈអភិបាលខេត្តកែប បានអំពាវនាវដល់យុវជន និងសិស្សានុសិស្ស ឱ្យបង្កើនការយល់ដឹងក្នុងការប្រើប្រាស់បណ្ដាញសង្គម ដោយត្រូវចេះពិនិត្យ ផ្ទៀងផ្ទាត់ប្រភពព័ត៌មាន មុននឹងជឿ ឬចែករំលែកបន្ត ដើម្បីរួមចំណែកទប់ស្កាត់ការរីករាលដាលនៃព័ត៌មានក្លែងក្លាយនៅក្នុងសង្គម

កែប៖ នាព្រឹកថ្ងៃពុធ ទី២២ ខែកក្កដា ឆ្នាំ២០២៦ បន្ទាប់ពីបានចុះពិនិត្យកសិដ្ឋានចិញ្ចឹមជ្រូករបស់ប្រជាកសិករគំរូ លោក ផែង សៅ រួចមក ឯកឧត្តមបណ្ឌិត សោម ពិសិដ្ឋ អភិបាលនៃគណៈអភិបាលខេត្តកែប រួមជាមួយឯកឧត្តម នុត ច័ន្ទសុខា រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ ព្រមទាំងថ្នាក់ដឹកនាំ និងមន្ត្រីពាក់ព័ន្ធ បានបន្តអញ្ជើញចុះពិនិត្យកន្លែងចិញ្ចឹមត្រីស្ពុងរបស់ប្រជាកសិករគំរូ លោក លី ហេ ស្ថិតនៅភូមិភ្នំលាវ ឃុំពងទឹក ស្រុកដំណាក់ចង្អើរ ខេត្តកែប។ ក្នុងឱកាសនោះ ឯកឧត្តមអភិបាលខេត្តបានពិនិត្យស្ថានភាពនៃការចិញ្ចឹមត្រីស្ពុង ការអនុវត្តបច្ចេកទេស និងការគ្រប់គ្រងការផលិត ព្រមទាំងបានលើកទឹកចិត្តដល់ប្រជាកសិករឱ្យបន្តអភិវឌ្ឍការចិញ្ចឹមវារីវប្បកម្មតាមបច្ចេកទេសត្រឹមត្រូវ សំដៅបង្កើនផលិតភាព គុណភាព និងប្រាក់ចំណូល ស្របតាមគោលនយោបាយជំរុញការអភិវឌ្ឍវិស័យកសិកម្មប្រកបដោយនិរន្តរភាព។

ខេត្តកែប៖ ដើម្បីលើកកម្ពស់ការយល់ដឹងអំពីអក្ខរកម្មព័ត៌មាន អក្ខរកម្មប្រព័ន្ធផ្សព្វផ្សាយ និងការប្រើប្រាស់បច្ចេកវិទ្យាឌីជីថលប្រកបដោយការទទួលខុសត្រូវ មន្ទីរព័ត៌មានខេត្តកែប បានបន្តរៀបចំ យុទ្ធនាការផ្សព្វផ្សាយអប់រំការទប់ស្កាត់ព័ត៌មានក្លែងក្លាយ ជំហានទី២ ក្រោមប្រធានបទ «ពង្រឹងអក្ខរកម្មព័ត៌មាន និងប្រព័ន្ធផ្សព្វផ្សាយ ដើម្បីសុវត្ថិភាពព័ត៌មាន» ជូនដល់លោកគ្រូ អ្នកគ្រូ និងសិស្សានុសិស្ស នៅសាលាអនុវិទ្យាល័យ ហ៊ុន សែន ក្រុងកែប។

នៅព្រឹកថ្ងៃទី២២ ខែកក្កដា ឆ្នាំ២០២៦ ឯកឧត្តម អ៊ុក ថា ប្រធានក្រុមប្រឹក្សាខេត្តកែប និងឯកឧត្តមបណ្ឌិត សោម ពិសិដ្ឋ អភិបាលខេត្តកែប ដឹកនាំមន្ត្រីរាជការក្រោមឱវាទចូលរួមគោរពវិញ្ញាណក្ខន្ធ ឧត្តមសេនីយ៍ទោ ប៉ែន សំបូរ មេបញ្ជាការ​រង​ តំបន់ប្រតិបត្តិការសឹករងកែប​ ដែលបានទទួលមរណភាព នៅគេហដ្ឋានស្ថិតនៅភូមិដំណាក់ចង្អើរ សង្កាត់ព្រៃធំ ក្រុងកែប ខេត្តកែប

ថ្ងៃពុធ ៨កើត ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២២ ខែកក្កដា ឆ្នាំ២០២៦ ខេត្តកែប៖ សិក្ខាសាលាផ្សព្វផ្សាយ និងពិគ្រោះ យោបល់លើរបាយការណ៍វាយតម្លៃហេតុប៉ះពាល់បរិស្ថានពេញលេញ (EIA) គម្រោងសាង សង់ហេដ្ឋារចនាសម្ព័ន្ធគ្រប់គ្រងធនធានទឹក(គ្រឿងបរិក្ខារគ្រប់គ្រងទឹក និងវិស្វកម្មគ្រប់គ្រង ទឹក និងដី) នៃគម្រោងគ្រប់គ្រងធនធានទឹកចម្រុះហ្វូណនតេជោ ក្រោមអធិបតីយភាព លោក ឈុន ច័ន្ទវ៉ាន់ថុន នៅសាលប្រជុំតូចសាលាខេត្ត

ខេត្តកែប​,​នៅព្រឹក​ថ្ងៃ​អង្គារ​ ទី​២១​ ខែកក្កដា​ ឆ្នាំ​២០២៦​ ឯកឧត្តមបណ្ឌិត​ សោម​ ពិសិដ្ឋ​ អភិបាល​នៃ​គណៈ​អភិបាល​ខេត្ត​ បានអញ្ជេីញចុះពិនិត្យ​ការ​ស្ដារ​ប្រឡាយ​រំដោះ​ទឹក​ មួយកន្លែងនៅ​ទីតាំង​ផ្សារដំណាក់ចង្អេីរ​ ក្រុងកែប​ ខេត្តកែប​ ដេីម្បីបង្ការ​ជំនន់ទឹកភ្លៀង​ឲ្យបាន​មុនរដូវវស្សា​ចូលមកដល់​ ៕

ខេត្តកែប៖ ដើម្បីលើកកម្ពស់ការយល់ដឹងអំពីអក្ខរកម្មព័ត៌មាន អក្ខរកម្មប្រព័ន្ធផ្សព្វផ្សាយ និងការប្រើប្រាស់បច្ចេកវិទ្យាឌីជីថលប្រកបដោយការទទួលខុសត្រូវ មន្ទីរព័ត៌មានខេត្តកែប បានបន្តរៀបចំ យុទ្ធនាការផ្សព្វផ្សាយអប់រំការទប់ស្កាត់ព័ត៌មានក្លែងក្លាយ ជំហានទី២ ក្រោមប្រធានបទ «ពង្រឹងអក្ខរកម្មព័ត៌មាន និងប្រព័ន្ធផ្សព្វផ្សាយ ដើម្បីសុវត្ថិភាពព័ត៌មាន» ជូនដល់លោកគ្រូ អ្នកគ្រូ និងសិស្សានុសិស្សវិទ្យាល័យ ហ៊ុន សែន ចំការដូង ស្ថិតក្នុងស្រុកដំណាក់ចង្អើរ ខេត្តកែប។

នាព្រឹកថ្ងៃព្រហស្បតិ៍ ទី១៦ ខែកក្កដា ឆ្នាំ២០២៦ ឯកឧត្តមបណ្ឌិត សោម ពិសិដ្ឋ អភិបាលនៃគណៈអភិបាលខេត្តកែប បានអញ្ជើញប្រគល់វិញ្ញាបនបត្រសម្គាល់ម្ចាស់អចលនវត្ថុ ១កន្លែង ស្ថិតនៅភូមិកែប សង្កាត់កែប ក្រុងកែប ខេត្តកែប ជូនលោកស្រី ញ៉ែម មរកត បន្ទាប់ពីករណីវិវាទដ៏រ៉ាំរ៉ៃអស់រយៈពេល៣២ឆ្នាំ​ ត្រូវបានដោះស្រាយបញ្ចប់ដោយជោគជ័យ ស្របតាមនីតិវិធីច្បាប់ និងប្រកបដោយយុត្តិធម៌។ ជាមួយគ្នានេះ ឯកឧត្តមបណ្ឌិត បានសង្កត់ធ្ងន់ថា ការផ្តល់យុត្តិធម៌ជូនប្រជាពលរដ្ឋ គឺជាអាទិភាពមួយដែលត្រូវបានអនុវត្តយ៉ាងយកចិត្តទុកដាក់ ក្រោមការដឹកនាំប្រកបដោយភាពប្រាកដនិយម និងចក្ខុវិស័យវែងឆ្ងាយរបស់រាជរដ្ឋាភិបាល នីតិកាលទី៧ ដឹកនាំដោយ សម្តេចតេជោ និងសម្តេចធិបតី។

ព្រឹកថ្ងៃពុធ ១កើត ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៥ ខែកក្កដា ឆ្នាំ២០២៦ ភ្នំពេញ៖ ឯកឧត្តមបណ្ឌិត​ សោម​ ពិសិដ្ឋ​ អភិបាល​នៃគណៈអភិបាលខេត្តកែប​ អញ្ជើញ​ចូលរួម​សិក្ខាសាលា​ផ្សព្វផ្សាយ​ប្រកាស​អន្តរក្រសួង​ស្ដីពី​ ការផ្ដល់សេវា​រដ្ឋបាល​របស់​រដ្ឋបាល​ក្រុង​ ស្រុក​ ខណ្ឌ​ ក្រោមអធិបតីភាព​ដ៏ខ្ពង់ខ្ពស់​ ឯកឧត្តម​អភិសន្តិបណ្ឌិត​ ស​ សុខា​ ឧបនាយករដ្ឋមន្ត្រី​ រដ្ឋមន្ត្រី​ក្រសួង​មហាផ្ទៃ​ នៅទីស្ដីការក្រសួងមហាផ្ទៃ ៕