ព័ត៌មានក្នុងខេត្ត

រដ្ឋបាលខេត្តកែបសហការជាមួយមូនិធិជាតិជំនួយសង្គម បើកវគ្គបណ្តុះបណ្តាល ស្តីពី ការអនុវត្តកម្មវិធីអន្តរាគមន៍ឆ្លើយតបនឹងគ្រោះអាសន្ន របស់រាជរដ្ឋាភិបាល នៅខេត្តកែប

រដ្ឋបាលក្រុងកែប​ បើកការដ្ឋានសាងសង់ផ្លូវបេតុងអាមេប្រវែង ២៨៥ម៉ែត្រ

ដ្ឋបាលក្រុងកែប​ បើកការដ្ឋានសាងសង់ផ្លូវបេតុងអាមេប្រវែង ២៨៥ម៉ែត្រ កែប៖ នៅថ្ងៃទី០៩ ខែកញ្ញា ឆ្នាំ២០២៦ រដ្ឋបាលក្រុងកែប បានបើកការដ្ឋានសាងសង់ផ្លូវបេតុងអាមេមួយខ្សែ ស្ថិតនៅភូមិដំណាក់ចង្អើរ សង្កាត់ព្រៃធំ ក្រុងកែប ក្រោមការដឹកនាំរបស់លោក ឃន វុទ្ធី អភិបាលក្រុងកែប។ គម្រោងផ្លូវនេះ មានប្រវែង ២៨៥ម៉ែត្រ និងទទឹង ៥ម៉ែត្រ ដែលជាផ្នែកមួយនៃផែនការអភិវឌ្ឍន៍ និងកម្មវិធីវិនិយោគរបស់រដ្ឋបាលក្រុងកែប ដើម្បីឆ្លើយតបទៅនឹងតម្រូវការ និងសំណូមពររបស់ប្រជាពលរដ្ឋ។ ការសាងសង់ផ្លូវបេតុងថ្មីនេះ នឹងជួយសម្រួលដល់ការធ្វើដំណើរ និងការដឹកជញ្ជូនកសិផល ទំនិញ ព្រមទាំងកាត់បន្ថយការលំបាកក្នុងរដូវវស្សា ធ្វើឱ្យការធ្វើចរាចរណ៍កាន់តែងាយស្រួល រហ័ស និងមានសុវត្ថិភាពគ្រប់រដូវកាល។

ខេត្តកែប៖ ព្រឹកថ្ងៃទី០៩ ខែកញ្ញា ឆ្នាំ២០២៦ លោក ខឹម សំអាត អគ្គនាយករងមូលនិធិជាតិជំនួយសង្គមតំណាង ឯកឧត្តម ស៊ីម សុធន ប្រតិភូរាជរដ្ឋាភិបាលកម្ពុជាទទួលបន្ទុកជាអគ្គនាយក មូលនិធិជាតិជំនួយសង្គម និងលោកស្រី គឹម ចន្នី អភិបាលខេត្តស្ដីទី​ អញ្ជើញ​ជាអធិបតីក្នុងពិធីបើកវគ្គបណ្តុះបណ្តាល ស្តីពី ការអនុវត្តកម្មវិធីអន្តរាគមន៍ឆ្លើយតបនឹងគ្រោះអាសន្ន របស់រាជរដ្ឋាភិបាល ដល់រដ្ឋបាលឃុំ សង្កាត់ ក្នុងក្របខណ្ឌខេត្តកែប។ គួបញ្ជាក់ថាកម្មវិធីអន្តរាគមន៍នេះ គ្រោងនឹងអនុវត្តក្នុងពេលដ៏ឆាប់ខាងមុខនេះ សម្រាប់ក្របខណ្ឌទូទាំងប្រទេស។ វគ្គបណ្តុះបណ្តាលនេះ រៀបចំឡើង ក្នុងគោលបំណងពង្រឹងសមត្ថភាពដល់ប្រតិបត្តិករឃុំ សង្កាត់ ដើម្បីត្រៀមឱ្យបានរួចរាល់ សម្រាប់អនុវត្តកម្មវិធី នៅពេលប្រកាសអនុវត្តផ្លូវការ។ សមាសភាពដែលបានចូលរួមក្នុងឱកាសនោះ រួមមាន លោក លោកស្រី អភិបាល អភិបាលរង នៃគណៈអភិបាលក្រុង ស្រុក លោកមេឃុំ ចៅសង្កាត់ និងមន្រ្តីកម្មវិធីឃុំ សង្កាត់ សរុបចំនួន៣៣រូប។

ទិដ្ឋភាពមណ្ឌលសុខភាពព្រៃធំ​ ក្រុងកែប​ ខេត្ត​កែប​ 📸​Mat Ousman- ម៉ាត់​ អ៊ូស្មាន ​ មន្ទីរ​ព័ត៌មាន​ខេត្ត​កែប

ព្រឹត្តិបត្រព័ត៌មាន ស្តីពីស្ថានភាពធាតុអាកាសសម្រាប់ថ្ងៃទី៩ ខែកញ្ញា ឆ្នាំ២០២៦

ទស្សនីយភាព​ព្រះអាទិត្យរាប​អស្ដង្គត​ ពីជ្រុងមួយ​នៃឆ្នេរអង្កោល​ ស្រុកដំណាក់​ចង្អេីរ 📍​ខេត្ត​កែប​ 📸 Mat Ousman-ម៉ាត់​ អ៊ូស្មាន ​ មន្ទីរ​ព័ត៌មាន​ខេត្ត​កែប​

ភ្នំពេញ នៅព្រឹកថ្ងៃទី៨ ខែកញ្ញា ឆ្នាំ២ឥ២៦ ឯកឧត្តម អ៊ុក ថា ប្រធានក្រុមប្រឹក្សាខេត្ត និង ឯកឧត្តមបណ្ឌិត សោម ពិសិដ្ឋ អភិបាលនៃគណៈអភិបាលខេត្តកែប អញ្ជើញចូលរួមពិធីបិទសន្និបាតបូកសរុបសមិទ្ធផលការងាររបស់ក្រុមប្រឹក្សាឃុំ សង្កាត់ អាណត្តិទី៥ ក្រោមអធិបតីភាពដ៏ខ្ពង់ខ្ពស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ តំណាងដ៏ខ្ពង់ខ្ពស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ៕

ដោយបានការអនុញ្ញាតដ៏ខ្ពង់ខ្ពស់ពីឯកឧត្តមបណ្ឌិត​ សោម​ ពិសិដ្ឋ​ អភិបាលនៃគណៈអភិបាលខេត្តកែប នៅថ្ងៃទី០៨​ ខែកញ្ញា​ ឆ្នាំ​២០២៦​ នេះ​ លោក​ ប៊ុន​ យោង​ អភិបាល​រងខេត្ត​ តំណាង​អោយ​រដ្ឋ​បាលខេត្តកែប​ បានចូលរួមជាវាគ្មិន ក្នុងវេទិកា "ការគ្រប់គ្រង អភិរក្សតំបន់ឆ្នេរ" នៅទីក្រុងប៊ូសាន ប្រទេសកូរ៉េ (PNLG) ក្រោមប្រធានបទ ការគ្រប់គ្រងអភិរក្សជីវៈចម្រុះសមុទ្រខេត្តកែប និងការលើកកម្ពស់សេដ្ឋកិច្ចបៃតង៕

កែប៖ នៅថ្ងៃទី០៧ ខែកញ្ញា ឆ្នាំ២០២៦ ក្រសួងពាណិជ្ជកម្ម បានរៀបចំសិក្ខាសាលាពិគ្រោះយោបល់ ស្តីពីការពិនិត្យ និងផ្តល់ធាតុចូលលើសេចក្តីព្រាងសៀវភៅបន្ទុកម៉ាកសម្គាល់ភូមិសាស្ត្រទំនិញ «ក្តាមសេះកែប» និងសេចក្តីព្រាងលក្ខន្តិកៈសមាគមអ្នកអភិរក្សក្តាមសេះកែប នៅមន្ទីរពាណិជ្ជកម្មខេត្តកែប។

ថ្ងៃអង្គារ ១១រោច ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៨ ខែកញ្ញា ឆ្នាំ២០២៦ ខេត្តកែប៖ សិក្ខាសាលាពិនិត្យវឌ្ឍនភាពនៃការអនុវត្តគោលនយោបាយជាតិប្រជាជន ២០១៦-២០៣០ ក្រោមអធិបតីភាព ឯកឧត្តមបណ្ឌិត ប៉ូច ប៊ុណ្ណាក់ រដ្ឋលេខាធិការ និងជាប្រធានក្រុមការងារពិនិត្យតាមដាននិងវាយតម្លៃគោលនយោបាយជាតិប្រជាជន ២០១៦-២០៣០ និងបានការអញ្ជើញចូលរួមពីសំណាក់​ លោក​ ​អុឹម បញ្ញារិទ្ធិ​ អភិបាល​រងខេត្ត​ តំណាង​ ឯកឧត្ដម​បណ្ឌិត​ សោម​ ពិសិដ្ឋ​ អភិបាល​នៃ​គណៈអភិបាលខេត្តកែប៕

ស្ថានភាពធាតុអាកាសនៅព្រះរាជាណាចក្រកម្ពុជា សម្រាប់ថ្ងៃទី៨ខែកញ្ញា ឆ្នាំ២០២៦