ព័ត៌មានក្នុងខេត្ត

ថ្នាក់ដឹកនាំខេត្តកែប អញ្ជើញប្រគេនទៀនព្រះវស្សា និងទេយ្យទាន ដល់ព្រះសង្ឃគង់ចាំព្រះវស្សានៅវត្តទាំង ១៧ ទូទាំងខេត្តកែប

កែប៖ នាព្រឹកថ្ងៃចន្ទ ទី៣ ខែសីហា ឆ្នាំ២០២៦ ឯកឧត្តម អ៊ុក ថា ប្រធានក្រុមប្រឹក្សាខេត្តកែប និងឯកឧត្តមបណ្ឌិត សោម ពិសិដ្ឋ អភិបាលនៃគណៈអភិបាលខេត្តកែប និងលោកជំទាវ ស ម៉ាលីដា សោមពិសិដ្ឋ​ បានអញ្ជើញជាអធិបតីក្នុងពិធីប្រគេនទៀនព្រះវស្សា និងទេយ្យទាន ដល់ព្រះសង្ឃដែលគង់ចាំព្រះវស្សាអស់កាលត្រីមាស វត្តទាំង ១៧ ក្នុងភូមិសាស្ត្រខេត្តកែប។

ព្រឹក ថ្ងៃចន្ទ ៥រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣ ខែសីហា ឆ្នាំ២០២៦ ខេត្តកែប៖ សិក្ខាសាលាផ្សព្វផ្សាយ ស្តីពីការអនុវត្តគម្រោងកសាងកេរ្តិ៍ឈ្មោះម៉ាក និងចុះ បញ្ជី “ក្តាមសេះកែប’’ ជាម៉ាកសម្គាល់ភូមិសាស្ត្រទំនិញ ក្រោមអធិបតីភាព ឯកឧត្តម កឹម សុខុន រដ្ឋលេខាធិការក្រសួងពាណិជ្ជកម្ម តំណាងដ៏ខ្ពង់ខ្ពស់ លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម ឯកឧត្តម ហូ ស៊ីវយ៉ុង អគ្គនាយកនៃអគ្គនាយកដ្ឋានសេវាពាណិជ្ជកម្ម និង លោក លី សាវេត អភិបាលរងខេត្ត តំណាងដ៏ខ្ពង់ខ្ពស់ ឯកឧត្តមបណ្ឌិត សោម ពិសិដ្ឋ អភិបាលនៃគណៈអភិបាលខេត្តកែប នៅសាលប្រជុំតូច សាលាខេត្ត៕

ព្រឹក ថ្ងៃសុក្រ ២រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣១ ខែកក្កដា ឆ្នាំ២០២៦ ខេត្តកែប៖ ឯកឧត្តម នុត ច័ន្ទសុខា រដ្ឋលេខាធិការ ក្រសួងកសិកម្ម រុក្ខាប្រមាញ់ និងនេសាទ និងជាប្រធានក្រុមការងាររាជរដ្ឋាភិបាលចុះមូលដ្ឋានឃុំអង្កោល អញ្ជើញជាអធិបតីភាព រៀបចំកិច្ចប្រជុំការងារ ប្រចាំខែកក្កដា ឆ្នាំ២០២៦ របស់ក្រុមការងាររាជរដ្ឋាភិបាលចុះមូលដ្ឋានឃុំអង្កោល នៅសាលាឃុំអង្គោល។

ខេត្តកែប: នាព្រឹក ថ្ងៃព្រហស្បតិ៍ ១រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣០ ខែកក្កដា ឆ្នាំ២០២៦ នេះ នៅសាលប្រជុំក្រុមប្រឹក្សាខេត្តមានបើកកិច្ចប្រជុំសាមញ្ញលើកទី២៦ របស់ក្រុមប្រឹក្សាខេត្តកែប អាណត្តិទី៤ ក្រោមអធិបតីភាពឯកឧត្តម អ៊ុក ថា ប្រធានក្រុមប្រឹក្សាខេត្ត និង លោក ប៊ុន យោង អភិបាលខេត្តស្ដីទី។ កិច្ចប្រជុំសាមញ្ញលើកទី២៦ របស់ក្រុមប្រឹក្សាខេត្តកែប អាណត្តិទី៤ បានលើកនូវរបៀបវារ:ចំនួន៥ ដើម្បីយកមកពិនិត្យ ពិភាក្សានិងអនុម័ត៖

Phoenix Voyages Group គឺជាក្រុមហ៊ុនប្រតិបត្តិករទេសចរណ៍ឈានមុខគេមួយនៅអាស៊ី ដែលមានបទពិសោធន៍ជាង២៥ឆ្នាំក្នុងវិស័យទេសចរណ៍។ ក្រុមហ៊ុននេះមានជំនាញខ្ពស់ក្នុងការរៀបចំកញ្ចប់ទេសចរណ៍ចម្រុះ ទាំងលក្ខណៈឯកជន និងសម្រាប់ភ្នាក់ងារ ឬក្រុមហ៊ុនទេសចរណ៍នានាជុំវិញពិភពលោក ដោយផ្តោតសំខាន់លើគុណភាពសេវាកម្ម និងភាពច្នៃប្រឌិត។ រាជធានីភ្នំពេញ ព្រឹកថ្ងៃព្រហស្បតិ៍ ទី៣០ កក្កដា ឆ្នាំ២០២៦

នៅព្រឹក ថ្ងៃពុធ ១៥កើត ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៩ ខែកក្កដា ឆ្នាំ២០២៦ ខេត្តកែប៖ លោកស្រី គឹម ចន្នី អភិបាលរង នៃគណៈអភិបាលខេត្ត និងប្រធានគណៈកម្មការប្រយុទ្ធនឹងជំងឺអេដស៍ អញ្ជើញជាអធិបតីភាពដឹកនាំកិច្ចប្រជុំ ប្រចាំឆមាសទី១ ឆ្នាំ២០២៦ និងលើកទិសដៅអនុវត្តភារកិច្ចបន្ត របស់គណ:កម្មការប្រយុទ្ធនឹងជំងឺអេដស៍ខេត្ត ដើម្បីពង្រឹងយន្តការ គណ:កម្មការប្រយុទ្ធនឹងជំងឺអេដស៍ខេត្ត និងចូលរួមចំណែកក្នុងការអនុវត្តគោលនយោបាយជាតិ បញ្ចប់អេដស៍ និងចីរភាពកម្មវិធីអេដស៍ឱ្យទទួលបានជោគជ័យ នៅសាលប្រជុំមន្ទីរសុខាភិបាលនៃរដ្ឋបាលខេត្ត។

រសៀលថ្ងៃអង្គារ ១៤កើត ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៨ ខែកក្កដា ឆ្នាំ២០២៦ ខេត្តកែប៖ លោក ប៊ុន យោង អភិបាលរងខេត្ត បានដឹកនាំលេខាធិការដ្ឋានគណៈបញ្ជាការឯកភាពរដ្ឋបាលខេត្ត ចូលរួមកិច្ចប្រជុំបូកសរុបលទ្ធផលការងារ ក្នុងក្របខណ្ឌនៃកិច្ចសហការរវាងក្រុមការងារទី២ នៃក្រុមការងារចម្រុះចំណុះលេខាធិការដ្ឋាននៃគណៈកម្មការចំពោះកិច្ចប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា ក្រោមអធិបតីភាពឯកឧត្តមបណ្ឌិត យ៉េត វីណែល អនុប្រធានលេខាធិការដ្ឋាន គ.ប.ឆ.ប និងជាប្រធានក្រុមការងារទី២ នៃក្រុមការងារចម្រុះចំណុះលេខា ធិការដ្ឋាន គ.ប.ឆ.ប តាមប្រព័ន្ធZOOM នៅសាលប្រជុំក្រុមប្រឹក្សាខេត្ត។

នៅព្រឹក ថ្ងៃអង្គារ ១៤កើត ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៨ ខែកក្កដា ឆ្នាំ២០២៦ ខេត្តកែប÷ លោក អ៊ឹម បញ្ញារិទ្ធិ អភិបាលខេត្តស្តីទី អញ្ជើញដឹកនាំកិច្ចប្រជុំបូកសរុបរបាយការណ៍លទ្ធផល ការងារប្រចាំខែកក្កដា និងលើកទិសដៅអនុវត្តការងារខែបន្ទាប់ ឆ្នាំ២០២៦ របស់ រដ្ឋបាលខេត្តកែប នៅសាលប្រជុំតូចសាលាខេត្ត៕

ព្រឹក ថ្ងៃសុក្រ ១០កើត ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៤ ខែកក្កដា ឆ្នាំ២០២៦ ខេត្តកែប៖ វគ្គផ្សព្វផ្សាយពង្រឹងការយល់ដឹងស្តីពី «គោលនយោបាយភូមិ ឃុំ សង្កាត់ មានសុវត្ថិភាព» ជូនដល់មន្ត្រី ពាក់ព័ន្ធនៅថ្នាក់ក្រុង ស្រុក ថ្នាក់ឃុំ សង្កាត់ និងភូមិ ក្រោមអធិបតីភាព លោក ប៊ុន យោង អភិបាលរងខេត្ត នៅសាលាស្រុកដំណាក់ចង្អើរ៕

ថ្ងៃទី២៣ ខែកក្កដា ឆ្នាំ២០២៦ ឯកឧត្តម បណ្ឌិត សោម ពិសិដ្ឋ សមាជិកគណៈកម្មាធិការកណ្តាល និងជា ប្រធានគណៈកម្មាធិការគណបក្សខេត្ត អញ្ជើញដឹកនាំកិច្ចប្រជុំ ពិនិត្យ ឆ្លងសេចក្តីព្រាងរបាយការណ៍ បូកសរុបលទ្ធផលនៃការអនុវត្តន៍ គោល នយោបាយអភិវឌ្ឍន៍ឃុំ សង្កាត់ អាណត្តិទី៥ រយៈពេល៥ឆ្នាំ (២០២២-២០២៧) និងលើកទិសដៅភារកិច្ចបន្ត (២០២៧-២០៣២) នៅទីស្នាក់ការគណៈកម្មាធិការគណបក្សខេត្តកែប

ខេត្តកែប៖ ការចិញ្ចឹមជ្រូក មិនត្រឹមជាមុខរបរបង្កើនប្រាក់ចំណូលសម្រាប់គ្រួសារកសិករប៉ុណ្ណោះទេ ប៉ុន្តែថែមទាំងជាការចូលរួមពង្រឹងផលិតកម្មកសិកម្មក្នុងស្រុក និងការធានាសន្តិសុខស្បៀងផងដែរ។