ព័ត៌មានក្នុងខេត្ត

ខេត្តកែប៖ ខណៈព័ត៌មានក្លែងក្លាយកំពុងរីករាលដាលកាន់តែខ្លាំងតាមបណ្តាញសង្គម ឯកឧត្តម ទេព​ អស្នារិទ្ធ អនុរដ្ឋលេខាធិការ និងជាអ្នកនាំពាក្យក្រសួងព័ត៌មាន បានអំពាវនាវឱ្យមន្ត្រីព័ត៌មាន និងសាធារណជនរួមគ្នាបង្កើនការប្រុងប្រយ័ត្ន និងអនុវត្តវិធីសាស្ត្រ «៣កុំ ១ការពារ» ដើម្បីទប់ស្កាត់ការរីករាលដាលព័ត៌មានមិនពិត និងការពារសុវត្ថិភាពព័ត៌មាន។

លោក ប៊ុន យោង អភិបាលរងខេត្តកែប តំណាងដ៏ខ្ពង់ខ្ពស់ ឯកឧត្តមបណ្ឌិត សោម ពិសិដ្ឋ អភិបាលនៃគណៈអភិបាលខេត្តកែប បានដឹកនាំមន្ត្រីរដ្ឋបាលខេត្តកែប អញ្ជើញចូលរួមគោរពវិញ្ញាណក្ខន្ធ និងដាក់កម្រងផ្កា រំលឹកគុណូបការៈដ៏ធំធេងរបស់វីរយុទ្ធជន និងវីរយុទ្ធនារី ដែលបានពលីកម្មដើម្បីបុព្វហេតុជាតិ មាតុភូមិ និងសន្តិភាព នៅមហាចេតិយតំបន់ប្រវត្តិសាស្ត្រយោធាតេជោកោះថ្ម X16 ស្ថិតក្នុងឃុំទន្លូង ស្រុកមេមត់ ខេត្តត្បូងឃ្មុំ នាថ្ងៃទី១៨ ខែមិថុនា ឆ្នាំ២០២៦។

ខេត្តកែប៖ អនុវត្តតាមការចង្អុលបង្ហាញរបស់ ឯកឧត្តមបណ្ឌិត សោម ពិសិដ្ឋ អភិបាលនៃគណៈអភិបាលខេត្តកែប នាថ្ងៃទី១៥ ខែមិថុនា ឆ្នាំ២០២៦ លោក លី សាវេត អភិបាលរងខេត្តកែប រួមជាមួយលោក ច័ន្ទ ដារិទ្ធ ព្រះរាជអាជ្ញារងអមអយ្យការសាលាដំបូងខេត្តកែប បានដឹកនាំមន្ត្រីជំនាញ ក្រុមការងារថ្នាក់ខេត្ត ថ្នាក់ស្រុក និងសាខា ក.ប.ប. ខេត្តកែប ចុះត្រួតពិនិត្យឃ្លាំងស្តុកទំនិញ និងដេប៉ូចែកចាយភេសជ្ជៈចំនួន ៣ ទីតាំង ស្ថិតក្នុងភូមិសាស្ត្រស្រុកដំណាក់ចង្អើរ ខេត្តកែប។

ព្រឹក ថ្ងៃអង្គារ ២កើត ខែបឋមាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៦ ខែមិថុនា ឆ្នាំ២០២៦ កែប ៖ លោក អុឹម បញ្ញារិទ្ធិ អភិបាលរងខេត្ត តំណាងដ៏ខ្ពង់ខ្ពស់ ឯកឧត្តមបណ្ឌិត សោម ពិសិដ្ឋ អភិបាលនៃគណៈអភិបាលខេត្តកែប អញ្ជើញចូលរួម កិច្ចប្រជុំប្រចាំខែដើម្បីតាមដានវឌ្ឍនភាពការងារបង្ក្រាប បទល្មើសឆបោកតាមប្រព័ន្ធបច្ចេកវិទ្យា (Online Scams) ក្រោមអធិបតីភាពដ៏ខ្ពង់ខ្ពស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ តាមរយៈប្រព័ន្ធ (Zoom) នៅសាលប្រជុំក្រុមប្រឹក្សា សាលាខេត្ត៕

ខេត្តកែប៖ នាព្រឹកថ្ងៃចន្ទ ១កើត ខែបឋមាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៥ ខែមិថុនា ឆ្នាំ២០២៦ ផ្អែកតាមការចង្អុលបង្ហាញរបស់ ឯកឧត្តមបណ្ឌិត សោម ពិសិដ្ឋ អភិបាលនៃគណៈអភិបាលខេត្តកែប លោក លី សាវេត អភិបាលរងខេត្ត បានដឹកនាំមន្ត្រីជំនាញ ក្រុមការងារថ្នាក់ខេត្ត ថ្នាក់ស្រុក និងមន្ត្រីសាខា ក.ប.ប. ខេត្តកែប ចុះត្រួតពិនិត្យឃ្លាំងស្តុកទំនិញចំនួន ៣ ទីតាំង ស្ថិតនៅភូមិសាស្ត្រស្រុកដំណាក់ចង្អើរ ខេត្តកែប។ សូមបញ្ជាក់ថា ការចុះត្រួតពិនិត្យនេះ មានគោលបំណងពិនិត្យស្ថានភាពការផ្ទុកទំនិញ ការអនុវត្តតាមលក្ខខណ្ឌសុវត្ថិភាព អនាម័យ និងស្តង់ដារពាក់ព័ន្ធ ព្រមទាំងពង្រឹងការគ្រប់គ្រង និងតាមដានសកម្មភាពស្តុកទំនិញឱ្យមានប្រសិទ្ធភាព សំដៅការពារផលប្រយោជន៍អ្នកប្រើប្រាស់ និងធានាការអនុវត្តតាមបទប្បញ្ញត្តិ។

ខេត្តកែប៖ ដើម្បីរួមចំណែកពង្រឹងសមត្ថភាពមន្ត្រីជំនាញផ្នែកហិរញ្ញវត្ថុ និងគណនេយ្យសាធារណៈនៅថ្នាក់មូលដ្ឋាន ឱ្យកាន់តែមានប្រសិទ្ធភាព តម្លាភាព និងគណនេយ្យភាព ស្របតាមទិសដៅនៃកម្មវិធីកំណែទម្រង់ការគ្រប់គ្រងហិរញ្ញវត្ថុសាធារណៈរបស់រាជរដ្ឋាភិបាល វិទ្យាស្ថានសេដ្ឋកិច្ច និងហិរញ្ញវត្ថុ នៃក្រសួងសេដ្ឋកិច្ច និងហិរញ្ញវត្ថុ បានរៀបចំបើកវគ្គបណ្តុះបណ្តាលស្តីពី «គណនេយ្យសាធារណៈ ជូនរជ្ជទេយ្យករបុរេប្រទាន និងរជ្ជទេយ្យករបុរេប្រទានរង នៃរដ្ឋបាលក្រុង ស្រុក» នៅសាលប្រជុំសណ្ឋាគារសង្គហមិត្ត ខេត្តកែប នាព្រឹកថ្ងៃទី១៥ ខែមិថុនា ឆ្នាំ២០២៦ ក្រោមអធិបតីភាព ឯកឧត្តម ពេជ្រ សម្បត្តិ អនុរដ្ឋលេខាធិការ នៃក្រសួងសេដ្ឋកិច្ច និងហិរញ្ញវត្ថុ ដំណាងដ៏ខ្ពង់ខ្ពស់ ឯកឧត្តមបណ្ឌិតសភាចារ្យ ហ៊ាន សាហ៊ីប រដ្ឋលេខាធិការ និងជាប្រធានក្រុមការងារកសាងសមត្ថភាព នៃក្រសួងសេដ្ឋកិច្ច និងហិរញ្ញវត្ថុ និងលោក អុឹម បញ្ញារិទ្ធិ អភិបាលរង នៃគណៈអភិបាលខេត្តកែប។ អត្ថបទ​៖​ លោក​ សេស​ សង់

ថ្ងៃចន្ទ ១កើត ខែបឋមាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៥ ខែមិថុនា ឆ្នាំ២០២៦ ខេត្តកែប៖ វិទ្យាស្ថានសេដ្ឋកិច្ច និងហិរញ្ញវត្ថុ នៃក្រសួងសេដ្ឋកិច្ច និងហិរញ្ញវត្ថុ បានរៀបចំបើកវគ្គបណ្តុះបណ្តាលស្តីពី «គណនេយ្យសាធារណៈ ជូនរជ្ជទេយ្យករបុរេប្រទាន និងរជ្ជទេយ្យករបុរេប្រទានរង នៃរដ្ឋបាលក្រុង ស្រុក» ក្រោមអធិបតីភាព ឯកឧត្តម ពេជ្រ សម្បត្តិ អនុរដ្ឋលេខាធិការ នៃក្រសួងសេដ្ឋកិច្ច និងហិរញ្ញវត្ថុ តំណាង ឯកឧត្តមបណ្ឌិតសភាចារ្យ ហ៊ាន សាហ៊ីប រដ្ឋលេខាធិការ និងជាប្រធានក្រុមការងារកសាងសមត្ថភាពនៃក្រសួងសេដ្ឋកិច្ចនិងហិរញ្ញវត្ថុនិងលោក អ៉ឹម បញ្ញារិទ្ធិ អភិបាលរង នៃគណៈអភិបាលខេត្តកែប នៅសាលប្រជុំសណ្ឋាគារសង្គហមិត្ត ខេត្តកែប ៕

ខេត្តកែប​,​ រសៀលថ្ងៃសុក្រ​ ទី​១២​ ខែមិថុនា​ ឆ្នាំ២០២៦​ ឯកឧត្តម​បណ្ឌិត​ សោម​ ពិសិដ្ឋ​ សមាជិក​គណៈកម្មាធិការ​កណ្ដាល​គណបក្ស​ និងជាប្រធាន​គណៈកម្មាធិការ​គណបក្ស​ខេត្តកែប​ អញ្ជើញ​ជាអធិបតី​ភាពក្នុង​កិច្ចប្រជុំ​ផ្សព្វផ្សាយ​ខ្លឹមសារ​សេចក្ដី​ណែនាំ​លេខ​០៦/២៦​ សណ.តព.គក​ ចុះថ្ងៃទី២៦​ ខែឧសភា​ ឆ្នាំ​២០២៦​ របស់​គណៈកម្មាធិការ​ត្រួតពិនិត្យ​នៃ​គណៈកម្មាធិការ​កណ្ដាល​ ៕

កែប,នៅព្រឹកទី១២ ខែមិថុនា ឆ្នាំ២០២៦​ លោក​ ហ៊ួរ​ មិថុនា​ អភិបាល​រងខេត្ត​ តំណាង​ ឯកឧត្ដម​បណ្ឌិត​ សោម​ ពិសិដ្ឋ​ អភិបាល​នៃគណ:អភិបាល​ខេត្ត​កែប​ បានដឹកនាំប្រធានមន្ទីរជំនាញពាក់ព័ន្ធ និងអាជ្ញាធរស្រុក អាជ្ញាធរឃុំ និងបងប្អូនប្រជាពលរដ្ឋ ស្រុះស្រួលគ្នា ផ្តិតមេដាយទទួលយកដំណោះស្រាយ ដើម្បីបន្តនិតិវិធីដកប្លង់កម្មសិទ្ធ។ ការព្រមទទួលនេះក្រោយមានការសម្របសម្រួល ជាបន្តបន្ទាប់ជាមួយអ្នកពាក់ព័ន្ធ ឈានដល់ការបញ្ចប់បញ្ហាដីធ្លីរវាងប្រជាពលរដ្ឋ និងមណ្ឌលសុខភាពអង្កោល ស្ថិតនៅភូមិអំពេង ឃុំអង្កោល ស្រុកដំណាក់ចង្អើរ ខេត្តកែប។

ព្រឹក ថ្ងៃព្រហស្បតិ៍ ១១រោច ខែជេស្ឋ ឆ្នាំមមី អដ្ឋស័ក ព.ស២៥៧០ ត្រូវនឹងថ្ងៃទី១១ ខែមិថុនា ឆ្នាំ២០២៦ ភ្នំពេញ÷ លោក ប៊ុន យោង អភិបាលរង តំណាងដ៏ខ្ពង់ខ្ពស់ ឯកឧត្តមបណ្ឌិត សោម ពិសិដ្ឋ អភិបាលនៃគណៈអភិបាលខេត្តកែប អញ្ជើញចូលរួមកិច្ចប្រជុំគណៈកម្មការ រៀបចំសន្និសិទអន្តរជាតិ ស្តីពីការប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា នៅព្រះរាជាណាចក្រកម្ពុជា ក្រោមអធិបតីភាពដ៏ខ្ពង់ខ្ពស់ ឯកឧត្តម វង្សី វិស្សុត ឧបនាយករដ្ឋមន្ត្រីប្រចាំការ រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី និងជាប្រធានគណៈកម្មការ រៀបចំសន្និសិទអន្តរជាតិ ស្តីពីការប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា នៅព្រះរាជាណាចក្រកម្ពុជា នៅទីស្តីការគណៈរដ្ឋមន្ត្រី។

ប្រធានសាខាកាកបាទក្រហមកម្ពុជាខេត្តកែប ថ្លែងអំណរគុណសប្បុរសជនជិតឆ្ងាយ បានបរិច្ចាគថវិកា ក្នុងបុព្វហេតុរួមកម្លាំងគ្នា ដើម្បីមនុស្សធម៌ កែប៖ សាខាកាកបាទក្រហមកម្ពុជាខេត្តកែប បានប្រារព្ធពិធីអបអរសាទរខួបលើកទី១៦៣ នៃទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ២០២៦ ក្រោមមូលបទ «បន្តរួមកម្លាំងគ្នា ដើម្បីមនុស្សធម៌»។ ពិធីនេះប្រព្រឹត្តិទៅ ក្រោមអធិបតីភាព ឯកឧត្តម អ៊ុក ថា ប្រធានក្រុមប្រឹក្សាខេត្តកែប ឯកឧត្តមបណ្ឌិត សោម ពិសិដ្ឋ អភិបាលខេត្តកែប និងជាប្រធានគណៈកម្មាធិការសាខាកាកបាទក្រហមកម្ពុជាខេត្តកែប ព្រមទាំងលោកជំទាវ ស ម៉ាលីដា សោម ពិសិដ្ឋ នារសៀលថ្ងៃទី១១ ខែមិថុនា ឆ្នាំ២០២៦ នៅសាលប្រជុំសេះសសាលាខេត្តកែប។ មានប្រសាសន៍ក្នុងឱកាសនោះ ឯកឧត្តមបណ្ឌិត សោម ពិសិដ្ឋ បានថ្លែងអំណរគុណយ៉ាងជ្រាលជ្រៅចំពោះសប្បុរសជន អង្គភាព ស្ថាប័នរដ្ឋ និងឯកជន ព្រមទាំងបងប្អូនប្រជាពលរដ្ឋ ដែលបានចូលរួមបរិច្ចាគថវិកា សម្ភារ: និងធនធាននានា ដេីម្បីគាំទ្រសកម្មភាពមនុស្សធម៌របស់កាកបាទក្រហមកម្ពុជា ជាពិសេសសាខាកាកបាទក្រហមកម្ពុជាខេត្តកែប ក្នុងការជួយសង្គ្រោះ និងសម្រាលទុក្ខលំបាកជូនប្រជាពលរដ្ឋ។ ឯកឧត្តមបណ្ឌិត បានលើកឡើងថា ក្រោមការដឹកនាំរបស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ទីនេះគឺជាសមាគមន៍មនុស្សធម៌ដ៏ធំមួយ ដែលតែងតែឈរនៅជួរមុខក្នុងការជួយដល់ជនរងគ្រោះ និងប្រជាពលរដ្ឋដែលជួបការលំបាក ដោយប្រកាន់ខ្ជាប់នូវគោលការណ៍មនុស្សធម៌ មិនប្រកាន់និន្នាការនយោបាយ សាសនា ឬវណ្ណៈណាមួយឡើយ។ ជាក់ស្តែង ក្រោមទិសស្លោក «ទីណាមានទុក្ខលំបាក ទីនោះមានកាកបាទក្រហម» សាខាកាកបាទក្រហមខេត្តកែប បានចុះជួយប្រជាពលរដ្ឋជាបន្តបន្ទាប់ ទាំងក្នុងគ្រោះមហន្តរាយធម្មជាតិ គ្រោះអគ្គិភ័យ ករណីជំងឺ និងប្រជាពលរដ្ឋដែលមានជីវភាពខ្វះខាតជាដើម។ ឯកឧត្តមបណ្ឌិត សោម ពិសិដ្ឋ បានបញ្ជាក់ថា ក្នុងពេលខាងមុខ សាខាកាកបាទក្រហមខេត្តកែប នឹងបន្តបេសកកម្មមនុស្សធម៌របស់ខ្លួន ដោយផ្តោតសំខាន់លើការអប់រំ និងផ្សព្វផ្សាយអំពីការបង្ការ និងកាត់បន្ថយហានិភ័យនៃជំងឺមិនឆ្លង ការថែរក្សាសុខភាព និងការលើកកម្ពស់សុខុមាលភាពរបស់ប្រជាពលរដ្ឋ ដើម្បីរួមចំណែកកសាងសហគមន៍មួយដែលមានសុខភាពល្អ និងការរស់នៅប្រកបដោយគុណភាព។ ជាមួយគ្នានេះ ឯកឧត្តមបណ្ឌិត ក៏បានអំពាវនាវដល់សប្បុរសជនគ្រប់មជ្ឈដ្ឋាន បន្តចូលរួមគាំទ្រ និងរួមកម្លាំងជាមួយកាកបាទក្រហមកម្ពុជា ដើម្បីពង្រីកវិសាលភាពការងារមនុស្សធម៌ ឱ្យកាន់តែទូលំទូលាយ និងឆ្លើយតបទាន់ពេលវេលាចំពោះតម្រូវការរបស់ប្រជាពលរដ្ឋដែលជួបការលំបាកនៅគ្រប់ទីកន្លែង៕ អត្ថបទ៖ លោក ង៉ុង សាន់

រសៀលថ្ងៃពុធ ១០រោច ខែជេស្ឋ ឆ្នាំម្សាញ់ អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១០ ខែមិថុនា ឆ្នាំ២០២៦ កែប៖ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB) និងជាប្រធានសមាគមបណ្តាញកសិករតេជោ និងឯកឧត្តមបណ្ឌិត សោម ពិសិដ្ឋ អភិបាលនៃគណៈអភិបាលខេត្តកែប អញ្ជើញជាអធិបតីភាពក្នុងពិធីជួបជុំ សំណេះសំណាល និងផ្សព្វផ្សាយព័ត៌មានរបស់សមាគមបណ្តាញកសិករតេជោ ជូនដល់ប្រជាកសិករតាមបណ្តាក្រុង ស្រុក នៅភូមិសាស្ត្រខេត្តកែប នៅសាលប្រជុំសាលាក្រុងកែប៕