ព័ត៌មានក្នុងខេត្ត

កែប៖ ព្រឹកថ្ងៃទី២ ខែតុលា ឆ្នាំ២០២៦ រដ្ឋបាលស្រុកដំណាក់ចង្អើរ​ បានរៀបចំសិក្ខាសាលាសមាហរណកម្មកម្មវិធីវិនិយោគបីឆ្នាំរំកិល ២០២៧-២០២៩ ក្នុងគោលបំណងពិនិត្យ ពិភាក្សា និងធ្វើសមាហរណកម្មគម្រោងអាទិភាពរបស់ស្រុក និងឃុំ ជាមួយគម្រោងរបស់មន្ទីរ អង្គភាព និងដៃគូពាក់ព័ន្ធ ដើម្បីកំណត់ទិសដៅអភិវឌ្ឍន៍ និងស្វែងរកប្រភពធនធានគាំទ្រសម្រាប់អនុវត្តកម្មវិធីវិនិយោគបីឆ្នាំរំកិលរបស់ស្រុកដំណាក់ចង្អេីរ សម្រាប់ឆ្នាំ២០២៧-២០២៩ ឱ្យឆ្លើយតបកាន់តែប្រសើរទៅនឹងតម្រូវការអាទិភាពរបស់ប្រជាពលរដ្ឋនៅមូលដ្ឋាន។ សិក្ខាសាលាសមាហរណកម្មកម្មវិធីវិនិយោគបីឆ្នាំរំកិលពេញមួយព្រឹកនេះ ធ្វើឡើងនៅសាលប្រជុំសាលាស្រុកដំណាក់ចង្អើរ ក្រោមអធិបតី លោក អុឹម បញ្ញារិទ្ធិ អភិបាលរងខេត្តកែប តំណាងឯកឧត្តមបណ្ឌិត សោម ពិសិដ្ឋ អភិបាលនៃគណៈអភិបាលខេត្តកែប និងបានការអញ្ជើញចូលរួមពីលោកអភិបាលស្រុកដំណាក់ចង្អើរ អភិបាលរងស្រុក ក្រុមប្រឹក្សាស្រុក មេឃុំ មន្ទីរអង្គភាពពាក់ព័ន្ធ និងអង្គការសង្គមស៊ីវិល ជាសមាជិក សមាជិកាផងដែរ។

ឯកឧត្តម នេត្រ ភក្ត្រា អញ្ជើញធ្វើបទបង្ហាញស្តីពីការត្រៀមរៀបចំការងារសារព័ត៌មាន និងផ្សព្វផ្សាយ សម្រាប់កិច្ចប្រជុំកំពូលហ្វ្រង់កូហ្វូនី លើកទី២០ AKP ភ្នំពេញ ថ្ងៃទី២ ខែតុលា ឆ្នាំ២០២៦— ឯកឧត្តម នេត្រ ភក្ត្រា រដ្ឋមន្រ្តីក្រសួងព័ត៌មាន និងជាប្រធានអនុគណៈកម្មការសារព័ត៌មាន និងផ្សព្វផ្សាយ អញ្ជើញធ្វើបទបង្ហាញជូនគណៈប្រតិភូនាំមុខមកពីបណ្តាប្រទេសនានាអំពីការត្រៀមរៀបចំការងារសារព័ត៌មាន និងផ្សព្វផ្សាយ សម្រាប់កិច្ចប្រជុំកំពូលហ្វ្រង់កូហ្វូនី លើកទី២០ (20th Francophonie Summit) ដែលកម្ពុជានឹងធ្វើជាម្ចាស់ផ្ទះ ចាប់ពីថ្ងៃទី១៤ ដល់ថ្ងៃទី១៦ ខែវិច្ឆិកា ឆ្នាំ២០២៦ នៅរាជធានីភ្នំពេញ នាព្រឹកថ្ងៃទី២ ខែតុលា ឆ្នាំ២០២៦ នៅសណ្ឋាគារ រ៉េស៊ីដង់សុខាភ្នំពេញ។ ពិធីនេះ ក៏មានការអញ្ជើញចូលរួមពីសំណាក់ លោកជំទាវកិត្តិបណ្ឌិត អុឹង កន្ថាផាវី រដ្ឋមន្ត្រីក្រសួងកិច្ចការនារី និងជាប្រធានអនុគណៈកម្មការទី៥ ព្រមទាំងថ្នាក់ដឹកនាំពាក់ព័ន្ធនៃគណៈកម្មការរៀបចំកិច្ចប្រជុំកំពូល ផងដែរ។ រូបថត៖ យឹម សុវឌ្ឍនា ប្រភព៖ AKP News

ព្រឹក ថ្ងៃសុក្រ ៦រោច ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២ ខែតុលា ឆ្នាំ២០២៦ សាលាស្រុកដំណាក់ចង្អើរ៖ លោក អុឹម បញ្ញារិទ្ធិ អភិបាលរងខេត្ត តំណាងដ៏ខ្ពង់ខ្ពស់ឯកឧត្តមបណ្ឌិត សោម ពិសិដ្ឋ អភិបាលនៃគណៈអភិបាលខេត្តកែប បានអញ្ជើញជាអធិបតីភាពចូលរួមបើកសិក្ខាសាលាសមាហរណកម្មនៃកម្មវិធីវិនិយោគបីឆ្នាំរំកិលស្រុក និងឃុំ ឆ្នាំ(២០២៧-២០២៩) នៅថ្នាក់ ស្រុក ៕

រដ្ឋបាលក្រុងកែប បើកសិក្ខាសាលាសមាហរណកម្មកម្មវិធីវិនិយោគបីឆ្នាំរំកិល ២០២៧-២០២៩ កែប៖ នាព្រឹកថ្ងៃទី១ ខែតុលា ឆ្នាំ២០២៦ លោក អ៉ឹម បញ្ញារិទ្ធិ អភិបាលរងខេត្តកែប តំណាងឯកឧត្តមបណ្ឌិត សោម ពិសិដ្ឋ អភិបាលខេត្តកែប បានអញ្ជើញជាអធិបតីក្នុងសិក្ខាសាលាសមាហរណកម្មកម្មវិធីវិនិយោគបីឆ្នាំរំកិលក្រុង ស្រុក និងឃុំ សង្កាត់ នៅថ្នាក់ក្រុង ដែលរៀបចំឡើងនៅសាលាក្រុងកែប។ ក្នុងឱកាសនោះ លោក ឃន វុទ្ធី អភិបាលក្រុងកែប បានឱ្យដឹងថា ក្នុងរយៈពេល៨ខែ ឆ្នាំ២០២៦ រដ្ឋបាលក្រុងកែបមានគម្រោងដែលទទួលបានការសន្យាគាំទ្រសរុបចំនួន ៤៧គម្រោង ក្នុងនោះបានបញ្ចប់ចំនួន ១៧គម្រោង កំពុងអនុវត្តចំនួន ២០គម្រោង និងមិនទាន់អនុវត្តចំនួន ១០គម្រោង។ ជាមួយគ្នានេះ ក្រុងកែបកំពុងអនុវត្តគម្រោងសាងសង់ផ្លូវបេតុងអាមេចំនួន ២ខ្សែ ប្រវែងសរុប ៨៣៣ម៉ែត្រ ដោយចំណាយថវិកាចំនួន ៤៩៩,៩២៣,៣៦១រៀល។ ដោយឡែក សង្កាត់ទាំងបីក៏កំពុងអនុវត្តគម្រោងសាងសង់ផ្លូវចំនួន ៤ខ្សែ ប្រវែងសរុប ៣,៣២៤ម៉ែត្រ ដោយចំណាយថវិកាចំនួន ១,០៣៤,៧៧៣,៧០០រៀល។

ឯកឧត្តម​ សោម​ ពិសិដ្ឋ​ អភិបាល​នៃគណៈអភិបាលខេត្តកែប​ អញ្ជើញ​ចូលរួមពិធីសម្ពោធបើកឱ្យប្រើប្រាស់ជាផ្លូវការផ្លូវជាតិលេខ១០ ប្រវែងសរុប ១៩៨,៥១៨ គ.ម ដែលបានតភ្ជាប់ពីស្រុកសំឡូត ខេត្តបាត់ដំបង ឆ្លងកាត់ស្រុកវាលវែង ខេត្តពោធិ៍សាត់ រហូតដល់ក្រុងខេមរភូមិន្ទ ខេត្តកោះកុង​ ក្រោមអធិបតីភាពដ៏ខ្ពង់ខ្ពស់​ ​សម្ដេចមហាបវរធិបតី​ ហ៊ុន​ ម៉ាណែត​ នាយករដ្ឋមន្ត្រី​នៃព្រះរាជាណាចក្រកម្ពុជា​ ។ នៅក្នុងទិដ្ឋភាពសេដ្ឋកិច្ច និងសង្គម ផ្លូវជាតិនេះបាននិងកំពុងបម្រើដល់ការតភ្ជាប់ប្រព័ន្ធដឹកជញ្ជូនផ្ទៃក្នុងរបស់កម្ពុជាឱ្យកាន់តែមានភាពប្រទាក់ក្រឡា ជាពិសេសបម្រើដល់ការដឹកជញ្ជូនផ្សេងៗ ដូចជា ផលិតផលទំនិញ ផលិតផលកសិកម្ម កសិ-ឧស្សាហកម្ម និងការធ្វើដំណើរឆ្លងកាត់របស់បងប្អូនប្រជាពលរដ្ឋ​ ។ ជាងនេះទៅទៀត ផ្លូវនេះបាននិងកំពុងរួមចំណែកលើកកម្ពស់សក្តានុពលទេសចរណ៍នៅតាមបណ្តោយផ្លូវជាតិនេះ ដែលសម្បូរទៅដោយទេសភាពធម្មជាតិដ៏ទាក់ទាញ តំបន់ជ្រោះភ្នំ ជ្រលង ដងអូរជាច្រើន ដែលបងប្អូនប្រជាពលរដ្ឋភាគច្រើនមិនធ្លាប់បានមកដល់ទីនេះពីមុនមក​ ៕ ខេត្តពោធិ៍សាត់, ព្រឹកថ្ងៃព្រហស្បតិ៍ ទី១ តុលា ២០២៦

កម្មវិធី ស្វែងយល់ផ្សព្វផ្សាយតាមវិទ្យុ ស្តីពីការពិនិត្យបញ្ជីឈ្មោះ និងចុះឈ្មោះបោះឆ្នោត ឆ្នាំ២០២៦

ខេត្តកែប: ថ្ងៃពុធ ៤រោច ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣០ ខែកញ្ញា ឆ្នាំ២០២៦ នៅសាលប្រជុំក្រុមប្រឹក្សាខេត្ត​ មានបើកកិច្ចប្រជុំសាមញ្ញលើកទី២៨ របស់ក្រុមប្រឹក្សាខេត្តកែប អាណត្តិទី៤ ក្រោមអធិបតីភាព ឯកឧត្តម អ៊ុក ថា ប្រធានក្រុមប្រឹក្សាខេត្ត និងមានការអញ្ជើញ ចូលរួម ពីលោក លី សាវេត អភិបាលខេត្តស្ដីទី និង ឯកឧត្តម លោកជំទាវ សមាជិកសមាជិកាក្រុមប្រឹក្សាខេត្ត លោក លោកស្រី អភិបាលរងខេត្ត។ ក្នុង​នាមប្រធានអង្គប្រជុំ​ ឯក​ឧត្តម​ អ៊ុក​ ថា​ ប្រធាន​ក្រុម​ប្រឹក្សា​ខេត្ត​ ​ បានលើកនូវរបៀបវារ:ចំនួន៦ ដាក់ជូនអង្គប្រជុំ​ ដើម្បីយកមកពិនិត្យ ពិភាក្សា​ និងអនុម័ត៖ ១- ពិនិត្យ និងអនុម័តសេចក្តីព្រាងកំណត់ហេតុកិច្ចប្រជុំសាមញ្ញលើកទី២៧ របស់ក្រុមប្រឹក្សាខេត្ត អាណត្តិទី៤ កាលពីថ្ងៃទី៣១ ខែសីហា ឆ្នាំ២០២៦ ២- ពិនិត្យ និងអនុម័តសេចក្តីព្រាងសេចក្តីសម្រេច ស្តីពីការបង្កើតក្រុមការងាររៀបចំវេទិកាផ្សព្វផ្សាយ និងពិគ្រោះយោបល់ របស់ក្រុមប្រឹក្សាខេត្ត សម្រាប់ឆ្នាំទី៣ អាណត្តិទី៤

រសៀល ថ្ងៃអង្គារ ៣រោច ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៩ ខែកញ្ញា ឆ្នាំ២០២៦ ខេត្តកែប៖ លោកអុឹម បញ្ញារិទ្ធិ អភិបាលរង នៃគណៈអភិបាលខេត្ត អញ្ជើញដឹកនាំកិច្ចប្រជុំត្រៀមរៀបចំកម្មវិធីរត់ភ្លើងគប់កីឡាជាតិលើកទី៥ និងកីឡាជាតិ ជនពិការលើកទី៣ ឆ្នាំ២០២៦ ក្នុងភូមិសាស្ត្រខេត្តកែប នៅសាលប្រជុំតូចសាលាខេត្ត។

កែប៖ ក្នុងឱកាសពិធីបុណ្យកាន់បិណ្ឌ ដែលប្រព្រឹត្តទៅរយៈពេល ១៥ថ្ងៃ ចាប់ពីថ្ងៃ ១រោច ដល់ ១៥រោច ខែភទ្របទ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៧ ខែកញ្ញា ដល់ថ្ងៃទី១១ ខែតុលា ឆ្នាំ២០២៦ ប្រជាពលរដ្ឋនៅទូទាំងខេត្តកែប បាននិងកំពុងអញ្ជើញចូលរួមធ្វើបុណ្យតាមបណ្តាវត្តនានា ដើម្បីប្រគេនចង្ហាន់ ទេយ្យទាន និងបច្ច័យ ដល់ព្រះសង្ឃ ព្រមទាំងឧទ្ទិសកុសលជូនដល់បុព្វការីជន និងញាតិការទាំងឡាយដែលបានចែកឋានទៅ។

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា អនុញ្ញាតឱ្យលោកជំទាវ Raylene Siale Tagaloa Liufalani ឯកអគ្គរដ្ឋទូត នៃប្រទេសនូវែលសេឡង់ ប្រចាំព្រះរាជាណាចក្រកម្ពុជា ចូលជួបសម្តែងការគួរសម និងពិភាក្សាការងារ នៅវិមានសន្តិភាព។ រាជធានីភ្នំពេញ ព្រឹកថ្ងៃចន្ទ ទី២៨ កញ្ញា ២០២៦ Receiving a courtesy call and having a discussion with Her Excellency Raylene Siale Tagaloa Liufalani, Ambassador of New Zealand to the Kingdom of Cambodia, at Peace Palace. Phnom Penh, Monday morning, 28 September 2026 ប្រភព៖ TVK-នាយកដ្ឋានព័ត៌មាន(News Department)

ឯកឧត្តមឧបនាយករដ្ឋមន្រ្តី សាយ សំអាល់ ជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកែប នៅថ្ងៃទី២៧ ខែកញ្ញា ឆ្នាំ!២០២៦ នេះ បានអញ្ជើញពិនិត្យការងារមួយចំនួននៅខេត្តកែបក្នុងនោះមាន ការរៀបចំទីតាំងចិញ្ជឹមគោមេពូជ នៅតំបន់ប្រតិបត្តិការណ៍សឹករងខេត្ត ពិនិត្យទីតាំងដើម្បីរៀបចំផ្ទះសម្បែងសមរម្យជូនពលរដ្ឋដែលរស់នៅតាមតំបន់សំណង់មិនរៀបរយ និង ពិនិត្យស្ថានភាពផ្លូវជាតិ ៣៣អា ក្រោយទទួលរងភ្លៀងធ្លាក់ជាប់ៗគ្នាប៉ុន្មានថ្ងៃមកនេះ៕ រូបភាព​៖​ លោក​ ម៉ាត់​ អ៊ូ​ស្មាន​-​Mat Ousman មន្ទីរ​ព័ត៌មាន​ខេត្ត​កែប​

រសៀល ថ្ងៃសុក្រ ១៤កើត ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៥ ខែកញ្ញា ឆ្នាំ២០២៦ កែប៖ ឯកឧត្តម អ៊ុក ថា ប្រធានក្រុមប្រឹក្សាខេត្ត និងឯកឧត្តមបណ្ឌិត សោម ពិសិដ្ឋ អភិបាលនៃគណៈអភិបាលខេត្តកែប អញ្ជើញចូលរួមជាអធិបតីភាព ក្នុងពិធីដាក់ក្រពុំបិណ្ឌផ្កាឈូក គោរពរដ្ឋធម្មនុញ្ញ នៃព្រះរាជាណាចក្រកម្ពុជា (លើកទី២) រំលឹកខួប៣៣ឆ្នាំ “ទិវាប្រកាសរដ្ឋធម្មនុញ្ញ’’២៤ កញ្ញា ១៩៩៣- ២៤ កញ្ញា ២០២៦ នៅសាលប្រជុំធំសេះស សាលាខេត្ត៕