ព័ត៌មានក្នុងខេត្ត

សារលិខិត​ជូនពរ​ សូមគោរព​ជូន​ ឯកឧត្ដម​នាយឧត្តមសេនីយ៍​ ទៀ​ សីហា ឧបនាយករដ្ឋមន្ត្រី​ រដ្ឋមន្ត្រី​ក្រសួង​ការពារជាតិ​​

ដោយមានទំនុកចិត្តលើសេវាសាធារណៈល្អ «មណ្ឌលសុខភាពព្រែកតាមាក់» ទទួលស្វាគមន៍ប្រជាពលរដ្ឋ មិនត្រឹមតែក្នុងតំបន់នោះទេ ថែមទាំងមកពីក្រៅតំបន់ថែមទៀតផង

មណ្ឌលសុខភាព សំរោងធំ ជាទីទ្រនំដ៏កក់ក្ដៅ សម្រាប់ប្រជាពលរដ្ឋនៅមូលដ្ឋានពេលមានបញ្ហាសុខភាព

ព្រឹត្តិបត្រព័ត៌មានស្តីពីស្ថានភាពធាតុអាកា​សរបស់ក្រសួងធនធានទឹក និងឧតុនិយម សម្រាប់ថ្ងៃទី៣០​ ខែសីហា ឆ្នាំ២០២៦

ស្ថានភាពធាតុអាកាសនៅព្រះរាជាណាចក្រកម្ពុជា សម្រាប់ថ្ងៃទី២៩ ខែសីហា ឆ្នាំ២០២៦៖ សម្ពាធទាបដែលកើតមាននៅលើមហាសមុទ្រប៉ាស៊ីហ្វីកខាងលិចបានវិវត្តទៅជាព្យុះទី២២ ឈ្មោះ អេតាវ(Etau)T2622 និងព្យុះទី២៣ ឈ្មោះ បាងឡាង(Bang-lang)T2623 រួមជាមួយនឹងព្យុះទី១៨ ឈ្មោះ សូដេល(Saudel)T2618 មានឥទ្ធិពលលើរបបខ្យល់មូសុងនិរតីដែលបក់លើឈូងសមុទ្របេងហ្គាល សមុទ្រអាន់ដាម៉ាន់ សមុទ្រចិនខាងត្បូង អាងទន្លេមេគង្គ សមុទ្រកម្ពុជា និងលើព្រះរាជាណាចក្រកម្ពុជា។ ព្រះរាជាណាចក្រកម្ពុជាពុំស្ថិតនៅក្នុងគន្លងផ្លូវដើររបស់ព្យុះទាំងបីនេះទេ។

ខេត្ត​ឈីងហៃ​​,​ ព្រឹកថ្ងៃសៅរ៍ ទី២៩​ ខែសីហា​ ឆ្នាំ២០២៦​ ឯកឧត្ដម​បណ្ឌិត​ សោម​ ពិសិដ្ឋ​ អភិបាលនៃគណៈអភិបាលខេត្តកែប​ រួមជាមួយតំណាងប្រទេសតាមដងទន្លេរមេគង្គ-ឡានឆាង​ រួមមានៈ​ ចិន​ កម្ពុជា​ វៀតណាម​ ឡាវ​ មីយ៉ាន់ម៉ា​ និងថៃ​បានអញ្ជេីញចូលរួមជាវាគ្មិន​ និងថ្លែងសុន្ទរកថាក្នុងកម្មវិធី Industrial Cooperation and Development​ នៃវេទិកា Lancang-Mekong Cooperation Dialogue at the Source​ ដែលផ្សារភ្ជាប់​ពាក់ព័ន្ធ​​ទៅ​នឹង​គម្រោង​ព្រែកជីក​ហ្វូណន​តេជោ​ ប្រារព្ធ​ធ្វើ​ឡើង​នៅ​ខេត្ត​ឈីងហៃ​ សាធារណរដ្ឋ​ប្រជាមានិត​ចិន​ ក្រោមវត្តមានដ៏ថ្លៃថ្លា​ឯកឧត្ដម​ Wang Danan សមាជិក​គណៈកម្មាធិការ​អចិន្ត្រៃយ៍​នៃ​គណៈកម្មាធិការ​បក្ស​ខេត្ត​ឈីងហៃ និង​ជា​ប្រធាន​នាយកដ្ឋាន​ផ្សព្វផ្សាយ​នៃ​គណៈកម្មាធិការ​បក្ស​ខេត្ត​ឈីងហៃ ។

ឯកឧត្តមបណ្ឌិត​​ សោម​ ពិសិដ្ឋ​ អភិបាល​នៃគណៈអភិបាលខេត្តកែប​ អញ្ជេីញចូលរួមកម្មវិធី​ Lancang-Mekong Cultural Gala និងពិធីបេីជាផ្លូវការនៃវេទិកា Lancang-Mekong Cooperation Dialogue at the Source​ ដែលផ្សារភ្ជាប់​ពាក់ព័ន្ធ​​ទៅ​នឹង​គម្រោង​ព្រែកជីក​ហ្វូណន​តេជោ​ ប្រារព្ធ​ធ្វើ​ឡើង​នៅ​ខេត្ត​ឈីងហៃ​ សាធារណរដ្ឋ​ប្រជាមានិត​ចិន​ ក្រោមវត្តមានដ៏ថ្លៃថ្លា​ឯកឧត្ដម​ Wu Xao jun លេខាធិការគណៈកម្មាធិការបក្សកុម្មុយនីសចិននៃខេត្តឈីងហៃ​ និងជាប្រធានគណៈកម្មាធិការអចិន្រ្តៃយ៍នៃសភាតំណាងប្រជាជន​ តំណាងស្ថានទូតព្រះរាជាណាចក្រកម្ពុជាប្រចាំប្រទេសចិន​ ។ វេទិកា Lancang-Mekong Cooperation Dialogue at the Source​ត្រូវបានបង្កើតឡើងក្នុងគោលបំណង “រួមគ្នាអភិវឌ្ឍ រួមគ្នាឆ្លើយតបបញ្ហាប្រឈម និងចែករំលែកផលប្រយោជន៍” ដើម្បីកសាងសហគមន៍មេគង្គ-ឡានឆាងដែលមានសន្តិភាព ស្ថិរភាព វិបុលភាព និងចីរភាព​ ៕ ខេត្ត​ឈីងហៃ​​,​ រសៀលថ្ងៃសុក្រ​ ទី២៨​ សីហា​ ២០២៦

សេចក្តីប្រកាសព័ត៌មានរួម | កម្ពុជា និងអូស្ត្រាលីលើកកម្ពស់ឱកាសវិនិយោគ តាមរយៈក្របខ័ណ្ឌថ្មីអភិវឌ្ឍន៍សួនកសិ-ឧស្សាហកម្មនៅកម្ពុជា ប្រភព៖ AKP News

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ក្រាបបង្គំទូលថ្វាយថ្លែងអំណរព្រះរាជគុណ សម្តេចព្រះមហាក្សត្រី ព្រះវររាជមាតាជាតិខ្មែរ ជាទីគោរពសក្ការៈដ៏ខ្ពង់ខ្ពស់បំផុត ដែលព្រះរាជទានព្រះរាជទ្រព្យ ចំនួន 10.000USD (ដប់ពាន់ដុល្លារអាម៉េរិក) ជូនកាកបាទក្រហមកម្ពុជា សម្រាប់ជួយដល់ប្រជានុរាស្ត្រដែលរងគ្រោះដោយទឹកជំនន់។ ប្រភព៖ TVK-នាយកដ្ឋានព័ត៌មាន(News Department)

អភិបាលខេត្តកែប​ អញ្ជេីញចូលរួមសន្និសីទ Cultural and Tourism Cooperation Conference នៅប្រទេសចិន ខេត្ត​ឈីងហៃ​​ ៖ ដោយទទួលបានការអនុញ្ញាតដ៏ខ្ពង់ខ្ពស់ពី ប្រមុខក្រសួងមហាផ្ទៃ​ នារសៀលថ្ងៃព្រហស្បតិ៍​ ទី២៧​ សីហា​ ២០២៦​ ឯកឧត្តម​​ សោម​ ពិសិដ្ឋ​ អភិបាល​នៃគណៈអភិបាលខេត្តកែប​ អញ្ជេីញបានដឹកនាំគណៈប្រតិភូរដ្ឋបាលខេត្តកែប​ ដេីម្បីចូលរួមសន្និសីទ Cultural and Tourism Cooperation Conference នៅខេត្តឈីងហៃ​ ប្រទេសចិន។ សន្និសីទ​នេះមានការផ្តោតសំខាន់ផងដែរលេីវប្បធម៌​ផ្សារភ្ជាប់ទេសចរណ៍នៃប្រទេសតាមដងទន្លេមេគង្គ​ ដែលមានការចូលរួមពីគណៈប្រតិភូប្រទេស​ចិន​ កម្ពុជា​ វៀតណា​ម​ ឡាវ​ មីយ៉ាន់ម៉ា​ និងថៃ​​ ។ នេះជាកម្មវិធីមួយនៃវេទិកា Lancang-Mekong Cooperation Dialogue at the Source​ ដែលផ្សារភ្ជាប់​ពាក់ព័ន្ធ​​ទៅ​នឹង​គម្រោង​ព្រែកជីក​ហ្វូណន​តេជោ​ ប្រារព្ធ​ធ្វើ​ឡើង​នៅ​ខេត្ត​ឈីងហៃ​ សាធារណរដ្ឋ​ប្រជាមានិត​ចិន​ ៕ ប្រភព ៖ រដ្ឋបាលខេត្តកែប

ចំណតផែនេសាទផ្សារក្តាម(បណ្ដោះអាសន្ន​) 📍ក្រុងកែប​ ខេត្ត​កែប​ 📸Mat Ousman- ម៉ាត់​ អ៊ូស្មាន ​ មន្ទីរ​ព័ត៌មាន​ខេត្ត​កែប

ព្រឹកថ្ងៃសុក្រ ១៥កើត ខែស្រាពណ៍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៨ ខែសីហា ឆ្នាំ២០២៦ កែប ៖ ឯកឧត្តម អ៊ុកថា ប្រធានក្រុមប្រឹក្សាខេត្ត និង លោក អុឹម បញ្ញារិទ្ធិ អភិបាលខេត្តស្តីទី បានដឹកនាំថ្នាក់ដឹកនាំខេត្ត ចូលរួមក្នុងកិច្ចប្រជុំពេញអង្គគណៈរដ្ឋមន្ត្រី តាមរយៈប្រព័ន្ធបញ្ជូនរូបភាព និងសម្លេង (Video Zoom) នៅសាលប្រជុំក្រឹម្សាខេត្ត ក្រោមអធិបតីភាពដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃ ព្រះរាជាណាចក្រកម្ពុជា។