ព័ត៌មានក្នុងខេត្ត

លោកជំទាវ ចម និម្មល អនុញ្ញាតជូន ឯកអគ្គរដ្ឋទូតកូរ៉េប្រចាំកម្ពុជា ចូលជួបសម្តែងការគួរសម និងពិភាក្សាការងារ AKP ភ្នំពេញ ថ្ងៃទី១៤ខែកញ្ញា ឆ្នាំ២០២៦-- លោកជំទាវ ចម និម្មល រដ្ឋមន្រ្តីក្រសួងពាណិជ្ជកម្មអនុញ្ញាតជូន ឯកឧត្តម KIM Chang Yong ឯកអគ្គរដ្ឋទូតវិសាមញ្ញ និងពេញសមត្ថភាព នៃសាធារណរដ្ឋកូរ៉េ ប្រចាំព្រះរាជាណាចក្រកម្ពុជា ចូលជួបសម្តែងការគួរសម និងពិភាក្សាការងារ នាព្រឹកថ្ងៃទី១៤ ខែកញ្ញា ឆ្នាំ២០២៦នៅទីស្ដីការក្រសួងពាណិជ្ជកម្ម រាជធានីភ្នំពេញ។ រូបថត៖ ក្រសួងពាណិជ្ជកម្ម ប្រភព៖ AKP News

កម្ពុជាជ្រើសយក UNCLOS ដើម្បីដោះស្រាយបញ្ហាព្រំដែនសមុទ្រជាមួយថៃ ក្រោយថៃបានលុបចោលជាឯកតោភាគីនូវ MoU 2001 ដែលជាយន្តការចរចាទ្វេភាគីតែមួយគត់ដែលភាគីទាំងពីរមាន AKP សិង្ហបុរី ថ្ងៃទី១៤ ខែកញ្ញា ឆ្នាំ២០២៦-- ឯកឧត្តមឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ នៃព្រះរាជាណាចក្រកម្ពុជា ក្នុងនាមជាភ្នាក់ងារកម្ពុជា អញ្ជើញដឹកនាំគណៈប្រតិភូកម្ពុជា និងក្រុមអ្នកច្បាប់ មកដល់ទីតាំងដើម្បីចូលរួមកិច្ចប្រជុំលើកដំបូង របស់គណៈកម្មការផ្សះផ្សាក្រោមអនុសញ្ញាអង្គការសហប្រជាជាតិស្តីពីនីតិសមុទ្រ (UNCLOS) ជាមួយកម្ពុជា និងថៃ នៅសាធារណរដ្ឋសិង្ហបុរី នារសៀលថ្ងៃទី១៤ ខែកញ្ញា ឆ្នាំ២០២៦។

រដ្ឋមន្ត្រីក្រសួងការពារជាតិកម្ពុជា នឹងចូលរួមវេទិកាប៉េកាំងសៀងសាន លើកទី១៣ ដែលនឹងប្រព្រឹត្តទៅចាប់ពីថ្ងៃទី១៥ ដល់ថ្ងៃទី១៧ ខែកញ្ញា ឆ្នាំ២០២៦ នៅទីក្រុងប៉េកាំង នៃសាធារណរដ្ឋប្រជាមានិតចិន៕ ប្រភព៖ វិទ្យុជាតិ FM96MHz

ឯកឧត្តមឧបនាយករដ្ឋមន្ត្រី ប្រាក់ សុខុន និងគណៈប្រតិភូកម្ពុជាអញ្ជើញដល់ទីតាំងប្រជុំលើកដំបូងរបស់គណៈកម្មការផ្សះផ្សាក្រោមអនុសញ្ញា UNCLOS ជាមួយកម្ពុជា និងថៃ នៅប្រទេសសិង្ហបុរី AKP សិង្ហបុរី ថ្ងៃទី១៤ ខែកញ្ញា ឆ្នាំ២០២៦-- ឯកឧត្តមឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ នៃព្រះរាជាណាចក្រកម្ពុជា ក្នុងនាមជាភ្នាក់ងារកម្ពុជា អញ្ជើញដឹកនាំគណៈប្រតិភូកម្ពុជា និងក្រុមអ្នកច្បាប់ មកដល់ទីតាំងដើម្បីចូលរួមកិច្ចប្រជុំលើកដំបូង របស់គណៈកម្មការផ្សះផ្សាក្រោមអនុសញ្ញាអង្គការសហប្រជាជាតិស្តីពីនីតិសមុទ្រ (UNCLOS) ជាមួយកម្ពុជា និងថៃ នៅសាធារណរដ្ឋសិង្ហបុរី នារសៀលថ្ងៃទី១៤ ខែកញ្ញា ឆ្នាំ២០២៦។ កិច្ចប្រជុំលើកដំបូងនេះ ដឹកនាំដោយលោកស្រី Katrina Cooper ប្រធានគណៈកម្មការផ្សះផ្សា និងមានការចូលរួមពីសំណាក់តុលាការមជ្ឈត្តការអចិន្ត្រៃយ៍ក្នុងនាមបញ្ជីការដ្ឋាន (Registry)។ ដោយឡែកភាគីថៃ ដឹកនាំដោយឯកឧត្តមឧបនាយករដ្ឋមន្ត្រី Sihasak Phuangketkeow រដ្ឋមន្ត្រីការបរទេស និងក្នុងនាមជាភ្នាក់ងារថៃ។ រូបថត៖ គល់ រ៉េននី ប្រភព៖ AKP News

ព្រឹក ថ្ងៃចន្ទ ៣កើត ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៤ ខែកញ្ញា ឆ្នាំ២០២៦ ខេត្តកែប៖ លោកស្រី គឹម ចន្នី អភិបាលរង នៃគណៈ អភិបាលខេត្ត ដឹកនាំកិច្ចប្រជុំត្រៀមរៀបចំកម្មវិធីពិនិត្យព្យាបាលជំងឺជូនប្រជាពលរដ្ឋ របស់ក្រុមគ្រូពេទ្យស្ម័គ្រចិត្តសម្តេចតេជោ នៅសាលប្រជុំតូចសាលាខេត្ត។

ព្រឹក ថ្ងៃចន្ទ ៣កើត ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៤ ខែកញ្ញា ឆ្នាំ២០២៦ ខេត្តកែប៖ កិច្ចប្រជុំពិភាក្សាអំពីការចុះពិនិត្យទីតាំង ប្រមូលទិន្នន័យ ផ្ទៀងផ្ទាត់ កែសម្រួលនិយាមកា និងបោះបង្គោលព្រំដីបន្ថែម តាមបណ្តោយ ព្រែកជីកហ្វូណនតេជោ (កំណាត់ទី២) ក្រោមអធិបតីភាព ឯកឧត្តម អៀង ម៉េងស៊ុន រដ្ឋលេខាធិកាក្រសួងសាធារណការ និងដឹកជញ្ជូន លោក អុឹម បញ្ញារិទ្ធិ អភិបាលរងខេត្ត នៅសាលប្រជុំក្រុមប្រឹក្សាខេត្ត។

សួនច្បារមុខសាលាខេត្តកែបចាប់ផ្តើមកែលម្អសោភ័ណភាព ប្រែក្លាយជាគោលដៅទស្សនា និងសម្រាកលំហែកាយសម្រាប់សាធារណជន កែប៖ ក្រោមការដឹកនាំ និងយកចិត្តទុកដាក់របស់ ឯកឧត្តមបណ្ឌិត សោម ពិសិដ្ឋ អភិបាលនៃគណៈអភិបាលខេត្តកែប រដ្ឋបាលខេត្តកែបបានចាប់ផ្តើមដំណើរការកែលម្អ សួនច្បារមុខសាលាខេត្តកែប ដែលមានទំហំជិត ៩,០០០ម៉ែត្រការ៉េ ដើម្បីប្រែក្លាយទីតាំងនេះឱ្យក្លាយជាតំបន់សាធារណៈប្រកបដោយសោភ័ណភាព បរិស្ថានល្អ និងមានភាពទាក់ទាញ សម្រាប់បងប្អូនប្រជាពលរដ្ឋ និងភ្ញៀវទេសចរមកទស្សនា និងសម្រាកលំហែកាយ។

សួនច្បារមុខសាលាខេត្តកែបចាប់ផ្តើមកែលម្អសោភ័ណភាព ប្រែក្លាយជាគោលដៅទស្សនា និងសម្រាកលំហែកាយសម្រាប់សាធារណជន កែប៖ ក្រោមការដឹកនាំ និងយកចិត្តទុកដាក់របស់ ឯកឧត្តមបណ្ឌិត សោម ពិសិដ្ឋ អភិបាលនៃគណៈអភិបាលខេត្តកែប រដ្ឋបាលខេត្តកែបបានចាប់ផ្តើមដំណើរការកែលម្អ សួនច្បារមុខសាលាខេត្តកែប ដែលមានទំហំជិត ៩,០០០ម៉ែត្រការ៉េ ដើម្បីប្រែក្លាយទីតាំងនេះឱ្យក្លាយជាតំបន់សាធារណៈប្រកបដោយសោភ័ណភាព បរិស្ថានល្អ និងមានភាពទាក់ទាញ សម្រាប់បងប្អូនប្រជាពលរដ្ឋ និងភ្ញៀវទេសចរមកទស្សនា និងសម្រាកលំហែកាយ។ ក្នុងការរៀបចំកែលម្អនេះ រដ្ឋបាលខេត្តកែបក៏មានគម្រោងរៀបចំ ទីតាំងចំណតរថយន្ត និងម៉ូតូ ឱ្យមានសណ្តាប់ធ្នាប់ និងភាពងាយស្រួល សម្រាប់ប្រជាពលរដ្ឋ និងភ្ញៀវទេសចរដែលមកកម្សាន្តនៅតំបន់សួនច្បារ ព្រមទាំងចូលរួមកាត់បន្ថយការចតយានយន្តមិនមានសណ្តាប់ធ្នាប់នៅតាមដងផ្លូវជុំវិញតំបន់នេះ។

រដ្ឋបាលក្រុងកែប​ បើកការដ្ឋានសាងសង់ផ្លូវបេតុងអាមេប្រវែង ២៨៥ម៉ែត្រ

ឯកឧត្តម លាង មុនីរិទ្ធ ចុះសំណេះសំណាលជាមួយប្រជាពលរដ្ឋមានជីវភាពខ្វះខាតនៅខេត្តកែប

ឯកឧត្តម លាង មុនីរិទ្ធ ចុះសំណេះសំណាលជាមួយប្រជាពលរដ្ឋមានជីវភាពខ្វះខាតនៅខេត្តកែប កែប៖ នៅរសៀលថ្ងៃទី១១ ខែកញ្ញា ឆ្នាំ២០២៦ ឯកឧត្តម លាង មុនីរិទ្ធ រដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់ និងជាប្រធានក្រុមការងាររាជរដ្ឋាភិបាលចុះមូលដ្ឋានក្រុងកែប​ និងស្រុកដំណាក់ចង្អេីរ រួមជាមួយលោក ហ៊ួរ មិថុនា អភិបាលរងខេត្តកែប បានអញ្ជើញចុះជួបសំណេះសំណាល និងសួរសុខទុក្ខប្រជាពលរដ្ឋចំនួន១៤គ្រួសារ ដែលមានជីវភាពខ្វះខាត ស្ថិតនៅភូមិភ្នំលាវ និងភូមិអន្ទង់សរ ឃុំពងទឹក ស្រុកដំណាក់ចង្អើរ ខេត្តកែប។ ក្នុងឱកាសនោះ ឯកឧត្តម លាង មុនីរិទ្ធ បាននាំយកប្រសាសន៍ផ្តាំផ្ញើ និងការយកចិត្តទុកដាក់របស់សម្តេចតេជោ ហ៊ុន សែន និងសម្តេចមហាបវរធិបតី ហ៊ុន ម៉ាណែត ជូនដល់ប្រជាពលរដ្ឋ ព្រមទាំងបានសាកសួរអំពីស្ថានភាពជីវភាព និងបញ្ហាប្រឈមនានារបស់ប្រជាពលរដ្ឋនៅមូលដ្ឋាន។

ខេត្ត​កែប,នៅរសៀលថ្ងៃទី១១ ខែកញ្ញា ឆ្នាំ​២០២៦​ នេះ​ ​ឯកឧត្ដម​បណ្ឌិត​ សោម​ ពិសិដ្ឋ​ អភិបាល​នៃគណៈអភិបាលខេត្ត​ បានអញ្ជើញចូលរួមរំលែកមរណទុក្ខ និងគោរពវិញ្ញាណក្ខន្ធសព​ លោកវរសេនីយ៍ឯក ចាន់ ប៊ុនណារិទ្ធ អត្តលេខ​ ២៥៦១៥ ឋានៈ នាយការិយាល័យអត្តសញ្ញាណប័ណ្ណសញ្ជាតិខ្មែរ នៃស្នងការដ្ឋាននគរបាលខេត្តកែប​ ដែលបានទទួលមរណភាពកាលពីល្ងាចថ្ងៃទី៨ ខែកញ្ញា ឆ្នាំ២០២៦ ក្នុងជន្មាយុ៥៥ឆ្នាំ ដោយរោគាពាធ នៅគេហដ្ឋាននៃសព ស្ថិតនៅភូមិកែប សង្កាត់កែប ក្រុងកែប៕ រូបភាព​៖​ លោក​ ផៃ​ វណ្ណា​ ​ មន្ទីរ​ព័ត៌មាន​ខេត្ត​កែប