ព័ត៌មានក្នុងខេត្ត

ខេត្ត​ឈីងហៃ​​,​ ព្រឹកថ្ងៃសៅរ៍ ទី២៩​ ខែសីហា​ ឆ្នាំ២០២៦​ ឯកឧត្ដម​បណ្ឌិត​ សោម​ ពិសិដ្ឋ​ អភិបាលនៃគណៈអភិបាលខេត្តកែប​ រួមជាមួយតំណាងប្រទេសតាមដងទន្លេរមេគង្គ-ឡានឆាង​ រួមមានៈ​ ចិន​ កម្ពុជា​ វៀតណាម​ ឡាវ​ មីយ៉ាន់ម៉ា​ និងថៃ​បានអញ្ជេីញចូលរួមជាវាគ្មិន​ និងថ្លែងសុន្ទរកថាក្នុងកម្មវិធី Industrial Cooperation and Development​ នៃវេទិកា Lancang-Mekong Cooperation Dialogue at the Source​ ដែលផ្សារភ្ជាប់​ពាក់ព័ន្ធ​​ទៅ​នឹង​គម្រោង​ព្រែកជីក​ហ្វូណន​តេជោ​ ប្រារព្ធ​ធ្វើ​ឡើង​នៅ​ខេត្ត​ឈីងហៃ​ សាធារណរដ្ឋ​ប្រជាមានិត​ចិន​ ក្រោមវត្តមានដ៏ថ្លៃថ្លា​ឯកឧត្ដម​ Wang Danan សមាជិក​គណៈកម្មាធិការ​អចិន្ត្រៃយ៍​នៃ​គណៈកម្មាធិការ​បក្ស​ខេត្ត​ឈីងហៃ និង​ជា​ប្រធាន​នាយកដ្ឋាន​ផ្សព្វផ្សាយ​នៃ​គណៈកម្មាធិការ​បក្ស​ខេត្ត​ឈីងហៃ ។

ឯកឧត្តមបណ្ឌិត​​ សោម​ ពិសិដ្ឋ​ អភិបាល​នៃគណៈអភិបាលខេត្តកែប​ អញ្ជេីញចូលរួមកម្មវិធី​ Lancang-Mekong Cultural Gala និងពិធីបេីជាផ្លូវការនៃវេទិកា Lancang-Mekong Cooperation Dialogue at the Source​ ដែលផ្សារភ្ជាប់​ពាក់ព័ន្ធ​​ទៅ​នឹង​គម្រោង​ព្រែកជីក​ហ្វូណន​តេជោ​ ប្រារព្ធ​ធ្វើ​ឡើង​នៅ​ខេត្ត​ឈីងហៃ​ សាធារណរដ្ឋ​ប្រជាមានិត​ចិន​ ក្រោមវត្តមានដ៏ថ្លៃថ្លា​ឯកឧត្ដម​ Wu Xao jun លេខាធិការគណៈកម្មាធិការបក្សកុម្មុយនីសចិននៃខេត្តឈីងហៃ​ និងជាប្រធានគណៈកម្មាធិការអចិន្រ្តៃយ៍នៃសភាតំណាងប្រជាជន​ តំណាងស្ថានទូតព្រះរាជាណាចក្រកម្ពុជាប្រចាំប្រទេសចិន​ ។ វេទិកា Lancang-Mekong Cooperation Dialogue at the Source​ត្រូវបានបង្កើតឡើងក្នុងគោលបំណង “រួមគ្នាអភិវឌ្ឍ រួមគ្នាឆ្លើយតបបញ្ហាប្រឈម និងចែករំលែកផលប្រយោជន៍” ដើម្បីកសាងសហគមន៍មេគង្គ-ឡានឆាងដែលមានសន្តិភាព ស្ថិរភាព វិបុលភាព និងចីរភាព​ ៕ ខេត្ត​ឈីងហៃ​​,​ រសៀលថ្ងៃសុក្រ​ ទី២៨​ សីហា​ ២០២៦

អភិបាលខេត្តកែប​ អញ្ជេីញចូលរួមសន្និសីទ Cultural and Tourism Cooperation Conference នៅប្រទេសចិន ខេត្ត​ឈីងហៃ​​ ៖ ដោយទទួលបានការអនុញ្ញាតដ៏ខ្ពង់ខ្ពស់ពី ប្រមុខក្រសួងមហាផ្ទៃ​ នារសៀលថ្ងៃព្រហស្បតិ៍​ ទី២៧​ សីហា​ ២០២៦​ ឯកឧត្តម​​ សោម​ ពិសិដ្ឋ​ អភិបាល​នៃគណៈអភិបាលខេត្តកែប​ អញ្ជេីញបានដឹកនាំគណៈប្រតិភូរដ្ឋបាលខេត្តកែប​ ដេីម្បីចូលរួមសន្និសីទ Cultural and Tourism Cooperation Conference នៅខេត្តឈីងហៃ​ ប្រទេសចិន។ សន្និសីទ​នេះមានការផ្តោតសំខាន់ផងដែរលេីវប្បធម៌​ផ្សារភ្ជាប់ទេសចរណ៍នៃប្រទេសតាមដងទន្លេមេគង្គ​ ដែលមានការចូលរួមពីគណៈប្រតិភូប្រទេស​ចិន​ កម្ពុជា​ វៀតណា​ម​ ឡាវ​ មីយ៉ាន់ម៉ា​ និងថៃ​​ ។ នេះជាកម្មវិធីមួយនៃវេទិកា Lancang-Mekong Cooperation Dialogue at the Source​ ដែលផ្សារភ្ជាប់​ពាក់ព័ន្ធ​​ទៅ​នឹង​គម្រោង​ព្រែកជីក​ហ្វូណន​តេជោ​ ប្រារព្ធ​ធ្វើ​ឡើង​នៅ​ខេត្ត​ឈីងហៃ​ សាធារណរដ្ឋ​ប្រជាមានិត​ចិន​ ៕ ប្រភព ៖ រដ្ឋបាលខេត្តកែប

ព្រឹកថ្ងៃសុក្រ ១៥កើត ខែស្រាពណ៍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៨ ខែសីហា ឆ្នាំ២០២៦ កែប ៖ ឯកឧត្តម អ៊ុកថា ប្រធានក្រុមប្រឹក្សាខេត្ត និង លោក អុឹម បញ្ញារិទ្ធិ អភិបាលខេត្តស្តីទី បានដឹកនាំថ្នាក់ដឹកនាំខេត្ត ចូលរួមក្នុងកិច្ចប្រជុំពេញអង្គគណៈរដ្ឋមន្ត្រី តាមរយៈប្រព័ន្ធបញ្ជូនរូបភាព និងសម្លេង (Video Zoom) នៅសាលប្រជុំក្រឹម្សាខេត្ត ក្រោមអធិបតីភាពដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃ ព្រះរាជាណាចក្រកម្ពុជា។

សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជាអនុញ្ញាតជូនលោកជំទាវ Nguyen Thi Thanh អនុប្រធានសភាវៀតណាម ចូលជួបសំដែងការគួរសម។ (វិមានសាមគ្គីភាពនៃព្រឹទ្ធសភា ថ្ងៃទី២៨ ខែសីហា ឆ្នាំ២០២៦) ប្រភព៖ អគ្គនាយកដ្ឋានទូរទស្សន៍ជាតិកម្ពុជា

▶️វីដេអូ៖ សម្តេចតេជោ ហ៊ុន សែន មានប្រសាសន៍ថា សម្តេចមានទស្សនៈ ស្ថាប័ននីតិប្បញ្ញត្តិ​គួរតែជំរុញរបៀបវារៈ យុទ្ធសាស្ត្រចំនួនប្រាំ ដូចខាងក្រោម ជាមួយនឹងសកម្មភាពជាក់ស្ដែង ដែលអាចអនុវត្តបាន។ ប្រភព៖ អគ្គនាយកដ្ឋានទូរទស្សន៍ជាតិកម្ពុជា

▶️វីដេអូ៖ សម្តេចតេជោ ហ៊ុន សែន មានប្រសាសន៍ថា ពិភពលោកអាចនឹងបន្តជួបភាពវឹកវរ ហើយសម្ពាធភូមិសាស្ត្រនយោបាយនឹងកាន់ តែកើនខ្លាំងឡើងៗពីមួយថ្ងៃទៅមួយថ្ងៃ ទោះជាយ៉ាងណាក៏ដោយ ជោគវាសនានៃប្រជាជាតិ របស់យើងមិនត្រូវស្ថិតនៅ​លើចុងប៊ិចរបស់​ប្រទេសមហាអំណាចនោះទេ ហើយក៏មិនអាស្រ័យលើកា​រប្រែប្រួលមិនប្រាកដប្រជា​នៃក្តារអុកភូមិសាស្ត្រនយោបាយនោះដែរ។ ជោគវាសនា នៃប្រជាជាតិរបស់យើង គឺស្ថិតនៅលើដៃរបស់​យើងផ្ទាល់យ៉ាងពិតប្រាកដ។ ប្រភព៖ អគ្គនាយកដ្ឋានទូរទស្សន៍ជាតិកម្ពុជា

វីដេអូ៖ សម្តេចមហាបវរធិបតី ហ៊ុន ម៉ាណែត មានប្រសាសន៍ថា នៅឆ្នាំ២០២៥ បន្ទាប់ពីរយៈពេល ២៦ឆ្នាំនៃសន្តិភាពឥតឈប់ឈរ ដែលជាអំឡុងពេលសន្តិភាពដ៏យូរបំផុតដែលប្រទេសជាតិរបស់យើងបានស្គាល់ក្នុងរយៈពេល ៥០០ឆ្នាំ សង្គ្រាមបានវិលត្រឡប់​មកកាន់ព្រំដែន​ដែលទទួល​ស្គាល់ជាអន្តរជាតិរបស់កម្ពុជាជាមួយប្រទេសថៃ ដោយគំរាមកំហែង​ដល់អធិបតេយ្យភាព និងបូរណភាពទឹកដីរបស់កម្ពុជា។ អាយុជីវិត និងមធ្យោបាយចិញ្ចឹមជីវិតត្រូវបានបាត់បង់ គ្រួសារត្រូវបានផ្លាស់ទីលំនៅ ហើយការអភិវឌ្ឍមូលដ្ឋានរងផលប៉ះពាល់អវិជ្ជមាន។ #ប្រភព អគ្គនាយកដ្ឋានទូរទស្សន៍ជាតិកម្ពុជា

វីដេអូ៖ សម្តេចមហាបវរធិបតី ហ៊ុន ម៉ាណែត មានប្រសាសន៍ថា សន្តិភាព គឺជាបុរេលក្ខណ្ឌ សម្រាប់ការអភិវឌ្ឍ និងការរីកចម្រើន។ សន្តិភាពត្រូវតែទទួលបានការការពារនៅលើឆាកអន្តរជាតិ។ សន្តិភាព គឺជាដើមទុនមួយដ៏មានតម្លៃសម្រាប់ ប្រទេសជាតិ និងជាមូលដ្ឋានគ្រឹះមួយ ដែលមិនអាច ខ្វះបាន។ #ប្រភព អគ្គនាយកដ្ឋានទូរទស្សន៍ជាតិកម្ពុជា

ព្រឹក ថ្ងៃព្រហស្បតិ៍ ១៤កើត ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៧ ខែសីហា ឆ្នាំ២០២៦ ខេត្តកែប៖ កិច្ចប្រជុំក្រុមការងារប្រមូលព័ត៌មាន និងដោះស្រាយផលប៉ះពាល់ទីតាំងដីរដ្ឋ ដែលមានវិវាទជាមួយប្រជាពលរដ្ឋ ចំនួន ១៦គ្រួសារ ក្រោមអធិបតីភាព លោក លី សាវេត អភិបាលរងនៃគណៈអភិបាលខេត្ត និងជាប្រធានក្រុមការងារ នៅសាលប្រជុំតូចសាលាខេត្ត ។

រសៀល ថ្ងៃពុធ ១៣កើត ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៦ ខែសីហា ឆ្នាំ២០២៦ ខេត្តកែប ៖ លោក អ៉ឹម បញ្ញារិទ្ធិ អភិបាលខេត្តស្តីទី អញ្ជើញជាអធិបតីក្នុងកិច្ចប្រជុំបូកសរុបរបាយការណ៍លទ្ធផល ការងារប្រចាំខែសីហា និងលើកទិសដៅអនុវត្តការងារខែបន្ទាប់ ឆ្នាំ២០២៦ របស់រដ្ឋបាលខេត្តកែប នៅសាលប្រជុំតូចសាលាខេត្ត។

ខេត្តកែប និងខេត្តអានយ៉ាង បន្តកិច្ចសហប្រតិបត្តិការរុករក និងធ្វើមាតុភូមិនិវត្តន៍អដ្ឋិធាតុកងទ័ពស្ម័គ្រចិត្ត និងជំនាញការវៀតណាម