ព័ត៌មានក្នុងខេត្ត

ខេត្តកែប៖ នៅរសៀលថ្ងៃទី២៩ ខែមិថុនា ឆ្នាំ២០២៦ លោក សាន ប៊ុនធឿន អភិបាលរងក្រុងកែប តំណាងលោក ឃន វុទ្ធី អភិបាលក្រុងកែប បានដឹកនាំក្រុមការងារគណៈបញ្ជាការឯកភាពក្រុងកែប ចុះពិនិត្យ សម្របសម្រួល និងរៀបចំសណ្តាប់ធ្នាប់ហេដ្ឋារចនាសម្ព័ន្ធនៅតំបន់ចំហៀងផ្សារដំណាក់ចង្អើរ ដើម្បីរៀបចំកែលម្អប្រព័ន្ធលូបង្ហូរទឹកឡើងវិញ ឱ្យមានប្រសិទ្ធភាព និងសមស្របទៅតាមតម្រូវការជាក់ស្តែង។ ការចុះអនុវត្តការងារនេះ មានគោលបំណងដោះស្រាយបញ្ហាការកកស្ទះលំហូរទឹក កាត់បន្ថយហានិភ័យនៃការជន់លិចក្នុងរដូវវស្សា ព្រមទាំងធានាបាននូវការបង្ហូរទឹកប្រកបដោយប្រសិទ្ធភាព។ ទន្ទឹមនឹងនេះ ក៏ជាការលើកកម្ពស់សោភ័ណភាព បរិស្ថាន និងសណ្តាប់ធ្នាប់សាធារណៈនៅក្នុងក្រុងកែប ឱ្យកាន់តែមានភាពស្អាត របៀបរៀបរយ និងទាក់ទាញផងដែរ។

ខេត្តកែប៖ ដោយអនុវត្តតាមអនុសាសន៍ណែនាំដ៏ខ្ពង់ខ្ពស់របស់ ឯកឧត្តម នាយឧត្តមសេនីយ៍ អគ្គស្នងការនគរបាលជាតិ និងប្រសាសន៍ណែនាំផ្ទាល់ពីលោកឧត្តមសេនីយ៍ទោ សម្បត្តិ សុធារដ្ឋ ស្នងការនគរបាលខេត្តកែប នៅព្រឹកថ្ងៃទី ២៩ ខែមិថុនា ឆ្នាំ២០២៦ កម្លាំងការិយាល័យគ្រប់គ្រងជនបរទេស និងការិយាល័យស៊ើបអង្កេត និងអនុវត្តនីតិវិធី សហការជាមួយកម្លាំងអធិការដ្ឋាននគរបាលក្រុងកែប បានបន្តចុះត្រួតពិនិត្យវត្តមានជនបរទេសស្នាក់នៅរយៈវែង-ខ្លី និងបានពិនិត្យផ្ទៀងផ្ទាត់លើប្រព័ន្ធគ្រប់គ្រងវត្តមានជនបរទេសក្នុងព្រះរាជាណាចក្រកម្ពុជា(FPCS) នៅក្រុងកែប ចំនួន១១គោលដៅ មានជនបរទេស ចំនួន១៧នាក់ ស្រី៤នាក់ មានលិខិតឆ្លងដែនត្រឹមត្រូវ ៕

កែប៖ សំណួរ និងសំណូមពរចំនួន ១០ករណី ដែលលើកឡើងដោយប្រជាពលរដ្ឋក្នុងវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាស្រុកដំណាក់ចង្អើរ ឆ្នាំទី៣ អាណត្តិទី៤ ត្រូវបានអង្គវេទិកាធ្វើការបកស្រាយ សម្របសម្រួល និងដោះស្រាយបានភ្លាមៗចំនួន ៨ករណី ខណៈ ២ករណីទៀត ត្រូវបានកត់ត្រា និងបញ្ជូនបន្តទៅថ្នាក់ខេត្ត ដើម្បីពិនិត្យ និងស្វែងរកដំណោះស្រាយបន្ត។

ស្ពានបេតុង ប្រវែង ៦០ម៉ែត្រ និងផ្លូវបេតុងសងខាងក្បាលស្ពាន ប្រវែង ៣០០ម៉ែត្រ នៅខេត្តកំពត ត្រូវបានបើកការដ្ឋានស្ថាបនា ដើម្បីសម្រួលដល់ការធ្វើដំណើររបស់ប្រជាពលរដ្ឋ ឯកឧត្តម សាន វិសាល រដ្ឋលេខាធិការក្រសួងអភិវឌ្ឍន៍ជនបទ និងឯកឧត្តម ម៉ៅ ធនិន អភិបាលខេត្តកំពត បានអញ្ជើញជាអធិបតីក្នុងពិធីបើកការដ្ឋានស្ថាបនាស្ពានបេតុងប្រវែង ៦០ម៉ែត្រ និងផ្លូវបេតុងសងខាងក្បាលស្ពានប្រវែង ៣០០ម៉ែត្រ នៅភូមិកន្លង់ ឃុំស្តេចគង់ខាងជើង តភ្ជាប់ទៅភូមិចម្លងជ្រៃ ឃុំទូកមាសខាងលិច ស្រុកបន្ទាយមាស ខេត្តកំពត ដើម្បីជួយសម្រួលដល់ការធ្វើដំណើររបស់ប្រជាពលរដ្ឋ និងលើកកម្ពស់សេដ្ឋកិច្ចមូលដ្ឋាន។ ខេត្តកំពត | ២៥ មិថុនា ២០២៦ ក្រុមការងារ​រាជរដ្ឋាភិបាលកម្ពុជា

រសៀលថ្ងៃសុក្រ ១២កើត ខែបឋមសាឍ ឆ្នាំមមី អដ្ឋស័ក ព.ស ២៥៧០ ត្រូវនឹងថ្ងៃទី២៦ ខែមិថុនា ឆ្នាំ២០២៦ កែប: លោក កៅ គី ប្រធានក្រុមប្រឹក្សាស្រុក និងលោកឆាង ឆៃ អភិបាលនៃគណៈអភិបាកស្រុកដំណាក់ចង្អើរ អញ្ជើញជាអធិបតីភាព ក្នុងវេទិកាផ្សព្វផ្សាយ និងពិគ្រោះយោបល់ របស់ក្រុមប្រឹក្សាស្រុកដំណាក់ចង្អើរ ឆ្នាំទី៣ អាណត្តិទី៤ នៅសាលប្រជុំសាលាស្រុកដំណាក់ចង្អើរ។

ខេត្តកែប៖ នាព្រឹកថ្ងៃទី២៤ ខែមិថុនា ឆ្នាំ២០២៦ លោក ឃន វុទ្ធី អភិបាលក្រុងកែប បានអញ្ជើញជាអធិបតីក្នុងពិធីបើកយុទ្ធនាការផ្សព្វផ្សាយអប់រំស្តីពីសុវត្ថិភាពចរាចរណ៍ផ្លូវគោក និងក្បួនដង្ហែផ្សព្វផ្សាយតាមដងផ្លូវជាតិ ក្នុងភូមិសាស្ត្រខេត្តកែប ដែលរៀបចំឡើងដោយវិទ្យាល័យ ប៊ុន រ៉ានី ហ៊ុន សែន ចរិយាវង្ស ក្រោមការឧបត្ថម្ភគាំទ្រពីអង្គការស៊ីប៉ា និងមានការចូលរួមពីអាជ្ញាធរ សមត្ថកិច្ច លោកគ្រូ អ្នកគ្រូ និងសិស្សានុសិស្សយ៉ាងច្រើនកុះករ។

រសៀលថ្ងៃពុធ ១០រោច ខែជេស្ឋ ឆ្នាំម្សាញ់ អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១០ ខែមិថុនា ឆ្នាំ២០២៦ ខេត្តកែប៖ លោក អុឹម បញ្ញារិទ្ធិ អភិបាលរងខេត្ត អញ្ជើញជាអធិបតីភាពដឹកនាំក្រុមការងារចុះត្រួតពិនិត្យភ្លើងបំភ្លឺផ្លូវសាធារណៈ នៃគម្រោងសាងសង់ប្រព័ន្ធភ្លើងបំភ្លឺតាមដងផ្លូវដែលអនុវត្ដដោយក្រសួងសាធារណការ និងដឹកជញ្ជូន នៅ ផ្លូវឆ្នេរអង្កោល។

ព្រឹក ថ្ងៃពុធ ១០រោច ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១០ ខែមិថុនា ឆ្នាំ២០២៦ ខេត្តកែប÷លោកស្រី គឹម ចន្នី អភិបាលរងខេត្ត បានអញ្ជើញចូលរួម កិច្ចប្រជុំបូកសរុបលទ្ធផលការងារគ្រប់គ្រង ទូរស័ព្ទដៃ NoDrug តាមប្រព័ន្ធអនឡាញ (Zoom) នៅសាលប្រជុំតូចសាលាខេត្ត ក្រោមអធិបតីភាព ឯកឧត្តម នាយឧត្តមសេនីយ៍ មាស វិរិទ្ធ អគ្គលេខាធិការនិងជាប្រធាន គណៈកម្មការគ្រប់គ្រងកម្មវិធីទូរស័ព្ទដៃ NoDrug។

រសៀល ថ្ងៃអង្គារ ៩រោច ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៩ ខែមិថុនា ឆ្នាំ២០២៦ ឯកឧត្ដមបណ្ឌិត សោម ពិសិដ្ឋ អភិបាលនៃគណៈអភិបាលខេត្តកែប អញ្ជើញជាអធិបតីដឹកនាំកិច្ច​ប្រជុំគណៈអភិបាលខេត្តកែប ដើម្បីពិនិត្យ ពិភាក្សាលើការបែងចែកតួនាទី ភារកិច្ច របៀបរបបការងារជូនគណៈអភិបាលខេត្ត និងបញ្ហាផ្សេងៗ នៅសាលប្រជុំក្រុមប្រឹក្សាខេត្ត៕