ព័ត៌មានក្នុងខេត្ត

ព្រឹក ថ្ងៃអង្គារ ១៣រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១១ ខែសីហា ឆ្នាំ២០២៦ ខេត្តកែប÷ កិច្ចប្រជុំពិនិត្យ ពិភាក្សានិងប្រមូលធាតុចូលលើ ការរៀបចំក្របខណ្ឌវាយតម្លៃការគ្រប់គ្រងហិរញ្ញវត្ថុសាធារណៈរបស់រដ្ឋបាលខេត្ត ក្រោមអធិបតីភាពលោក អ៊ូច សោភ័ណ មន្ត្រីជំនាញជាន់ខ្ពស់ផ្នែកត្រួតពិនិត្យ និងវាយតម្លៃគម្រោង លោក ឈុន ច័ន្ទវ៉ាន់ថុន នាយករដ្ឋបាលសាលាខេត្ត នៅសាលប្រជុំមន្ទីរសេដ្ឋកិច្ច និងហិរញ្ញវត្ថុ ខេត្តកែប ៕

ខេត្តកែប៖ នាព្រឹកថ្ងៃពុធ ទី៥ ខែសីហា ឆ្នាំ២០២៦ លោកជំទាវ ស ម៉ាលីដា សោម ពិសិដ្ឋ ប្រធានគណៈកម្មាធិការសាខាសមាគមនារីកម្ពុជាដើម្បីសន្តិភាព និងអភិវឌ្ឍន៍ខេត្តកែប បានអញ្ជើញជាអធិបតីក្នុងកិច្ចប្រជុំបូកសរុបលទ្ធផលសកម្មភាពការងារប្រចាំឆមាសទី១ ឆ្នាំ២០២៦ និងពិធីប្រកាសទទួលស្គាល់ការកែសម្រួល និងបំពេញបន្ថែមសមាសភាពអនុគណៈកម្មការសាខាសមាគមនារីខេត្តកែប បានប្រព្រឹត្តទៅនៅសាលប្រជុំសេះសសាលាខេត្តកែប​ ដែលមានសមាសភាពចូលរួមសរុបចំនួន១៥៥រូប។

អាជ្ញាធរស្រុកដំណាក់ចង្អើរ បានដំឡើង និងបំពាក់កាមេរ៉ាសុវត្ថិភាពនៅតាមបណ្តោយឆ្នេរអង្កោល និងជាផ្នែកមួយយ៉ាងសំខាន់នៃគំនិតផ្ដួចផ្ដើមអភិវឌ្ឍន៍ «ទីក្រុងឆ្លាតវៃ» (Smart City) និងការលើកកម្ពស់សន្តិសុខសាធារណៈ។ យន្តការនេះត្រូវបានរៀបចំឡើងដោយ ឯកឧត្តម សាយ សំអាល់ ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកែប រួមជាមួយ ឯកឧត្តមបណ្ឌិត សោម ពិសិដ្ឋ អភិបាលនៃគណៈអភិបាលខេត្តកែប៕

នារសៀល ថ្ងៃអង្គារ ៦រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៤ ខែសីហា ឆ្នាំ២០២៦ ខេត្តកែប៖ កិច្ចប្រជុំត្រៀមសហការក្នុងដំណើរការប្រឡងសញ្ញាបត្រ មធ្យមសិក្សាទុតិយភូមិ នាសម័យប្រឡង ១០ សីហា ២០២៦ក្រោមអធិបតីភាពលោក អុឹម បញ្ញារិទ្ធិ អភិបាលរង នៃគណៈអភិបាលខេត្តកែប នៅសាលប្រជុំតូចសាលាខេត្ត ។

ឯកឧត្តមកិត្តិសេដ្ឋាបណ្ឌិត ចម ប្រសិទ្ធ អញ្ជើញជាអធិបតីក្នុងពិធីប្រគេនទេយ្យវត្ថុ និងទៀនព្រះវស្សា ដល់ព្រះសង្ឃគង់ចាំព្រះវស្សាគ្រប់វត្ត​ ទូទាំងខេត្តកែប

ក្រសួងកិច្ចការនារី ជំរុញការអនុវត្តរបៀវារ: «ស្ត្រី សន្តិភាព និងសន្តិសុខ» នៅថ្នាក់ក្រោមជាតិ ដើម្បីពង្រឹងតួនាទីស្ត្រីក្នុងការកសាងសន្តិភាព និងការអភិវឌ្ឍប្រកបដោយចីរភាព

ខេត្តកែប៖ ក្រសួងកិច្ចការនារី បានជំរុញការផ្សព្វផ្សាយ និងលើកកម្ពស់ការយល់ដឹងអំពីរបៀបវារៈ «ស្ត្រី សន្តិភាព និងសន្តិសុខ (Women, Peace and Security - WPS)» នៅថ្នាក់ក្រោមជាតិ ដើម្បីពង្រឹងការចូលរួមរបស់ស្ត្រីក្នុងការកសាងសន្តិភាព ការទប់ស្កាត់ជម្លោះ និងការអភិវឌ្ឍប្រកបដោយចីរភាព ស្របតាមទិសដៅរបស់រាជរដ្ឋាភិបាលកម្ពុជា។

ព្រឹក ថ្ងៃអង្គារ ៦រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៤ ខែសីហា ឆ្នាំ២០២៦ ខេត្តកែប÷ លោកជំទាវ គង់ សូរីតា រដ្ឋលេខាធិការក្រសួងកិច្ចការនារី អញ្ជើញជាធិបតីភាព បើក សិក្ខាសាលាផ្សព្វផ្សាយ និងលើកកម្ពស់ការយល់ដឹង ស្តីពីរបៀបវារៈស្ត្រី សន្តិភាព និងសន្តិសុខ និង របាយការណ៍ស្តីពី “ការវិភាគស្ថានភាពស្ត្រី សន្តិភាព និងសន្តិសុខនៅកម្ពុជា” នៅសណ្ឋាគារសង្គហមិត្ត ស្ថិតនៅក្រុងកែប ខេត្តកែប។

ខេត្តកែប ៖ ដោយអនុវត្តតាមអនុសាសន៍ណែនាំដ៏ខ្ពង់ខ្ពស់របស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងការណែនាំផ្ទាល់ពី លោកឧត្តមសេនីយ៍ទោ សម្បត្តិ សុធារដ្ឋ ស្នងការនគរបាលខេត្តកែប នៅយប់ថ្ងៃទី៣ ខែសីហា ឆ្នាំ២០២៦ កម្លាំងការិយាល័យនគរបាលចរាចរណ៍ផ្លូវគោក កម្លាំងការិយាល័យពាក់ព័ន្ធ និងកម្លាំងនគរបាលមូលដ្ឋាន បានបន្តដាក់គោលដៅត្រួតពិនិត្យជាតិស្រវឹង គ្រឿងញៀន អាវុធគ្រឿងផ្ទុះ អន្តោប្រវេសន៍ និងផ្សព្វផ្សាយច្បាប់ស្ដីពីចរាចរណ៍ផ្លូវគោក លេីផ្លូវជាតិលេខ៣៣ និងធ្វើការចល័តល្បាតនៅទូទាំងខេត្ត។ សូមបងប្អូនប្រជាពលរដ្ឋដែលជាអ្នកប្រើប្រាស់ដងផ្លូវទាំងអស់មេត្តាយកចិត្តទុកដាក់ និងប្រុងប្រយ័ត្នឲ្យបានខ្ពស់គ្រប់ពេលធ្វើដំណើរនៅលើដងផ្លូវ ចូលរួមគោរពច្បាប់ចរាចរណ៍ដោយស្មារតីទទួលខុសត្រូវ ដើម្បីសុវត្ថិភាពផ្ទាល់ខ្លួន និងអ្នកដទៃ៕ ប្រភព៖ ស្នងការដ្ឋាននគរបាលខេត្តកែប - Police Commissariat of Kep Province

ខេត្តកែប៖ ដោយអនុវត្តតាមអនុសាសន៍ណែនាំដ៏ខ្ពង់ខ្ពស់របស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងការណែនាំជាប្រចាំពី លោកឧត្តមសេនីយ៍ទោ សម្បត្តិ សុធារដ្ឋ ស្នងការ នៃស្នងការដ្ឋាននគរបាលខេត្តកែប នៅព្រឹកថ្ងៃទី៤ ខែសីហា ឆ្នាំ២០២៦ មន្ត្រីប៉ុស្តិ៍នគរបាលរដ្ឋបាលពងទឹក នៃអធិការដ្ឋាននគរបាលស្រុកដំណាក់ចង្អើរ បន្តសហការជាមួយអាជ្ញាធរឃុំ និងលោកនាយកសាលា ចុះជួបប្រជុំផ្សព្វផ្សាយគោលនយោបាយ«ភូមិ ឃុំ សង្កាត់ មានសុវត្ថិភាព» ១លើក ជាមួយលោកគ្រូ អ្នកគ្រូ និងសិស្សានុសិស្ស ចំនួន ១៥១នាក់ នៅសាលាបឋមសិក្សាធម្មគិរី ស្ថិតក្នុងភូមិចំការបី ឃុំពងទឹក ស្រុកដំណាក់ចង្អើរ ខេត្តកែប ដើម្បីផ្សព្វផ្សាយបញ្ជ្រាបការយល់ដឹងច្បាប់ស្តីពីចរាចរណ៍ផ្លូវគោក ផលប៉ះពាល់គ្រឿងញៀន គ្រាប់យុទ្ធភណ្ឌមិនទាន់ផ្ទុះបន្សល់ពីសម័យសង្គ្រាម ក្មេងទំនើង ល្បែងស៊ីសងខុសច្បាប់ បទល្មើសឆបោកតាមប្រព័ន្ធបច្ចេកវិទ្យា(Online Scams) អំពើលួច ឆក់ ប្លន់ និងអំពើរល្មើសច្បាប់ផ្សេងៗ ។ ចំពោះមុខលោក ស្នងការ ជម្រុញលើកទឹកចិត្តបន្តចុះផ្សព្វផ្សាយគោលនយោបាយនេះតាមគ្រប់រូបភាពដែលអាចធ្វើទៅបាន ដើម្បីបញ្ជ្រាបការយល់ដឹងឱ្យបានទូលំទូលាយ និងអូសទាញការគាំទ្រកាន់តែច្រើនឡើងគ្រប់ៗមូលដ្ឋានក្នុងខេត្ត៕

ក្រៅពីដំណើរកម្សាន្តនៅក្នុងទឹកទីខេត្តកែប ក៏មានផលិតផលដែលអ្នកពុំគួរនឹងរំលងក្នុងការទិញ ហើយទំនិញនោះទៀតសោតក៏ត្រូវបានប្រើប្រាស់ធនធានដែលមាននៅក្នុងទឹកដីខេត្តកែបផងដែរ នៅក្នុងការផលិត ។ ខាងក្រោមនេះជាទីតាំង (ដំណរភ្ជាប់ Link ) ដែលអាចនាំអ្នកទៅដល់គោលដៅនៃទីកន្លែងលក់ផលិតទាំងនោះ ៖

កែប៖ គម្រោងកសាងកេរ្តិ៍ឈ្មោះម៉ាក និងចុះបញ្ជី «ក្តាមសេះកែប» ជាម៉ាកសម្គាល់ភូមិសាស្ត្រ​ទំនិញនេះ គឺជាគំនិតផ្តួចផ្តើមរបស់ លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម និង ឯកឧត្តមកិត្តិសេដ្ឋាបណ្ឌិត ចម ប្រសិទ្ធ ឧត្តមប្រឹក្សាផ្ទាល់ព្រះមហាក្សត្រ​ និងការយកចិត្តទុកដាក់​ពីណាក់​ ឯកឧត្ដម​បណ្ឌិត​ សោម​ ពិសិដ្ឋ​ អភិបាល​ខេត្ត​កែប​។ ជាមួយគ្នានេះ មន្ត្រីជំនាញ និងអ្នកជំនាញការពាក់ព័ន្ធ កំពុងចុះសិក្សាស្រាវជ្រាវយ៉ាងលម្អិតអំពីប្រវត្តិ លក្ខណៈពិសេស បច្ចេកទេសនេសាទ និងទិន្នផលរបស់ «ក្តាមសេះកែប» ដើម្បីរៀបចំឯកសារសៀវភៅបន្ទុកឱ្យបានម៉ត់ចត់បំផុត ធានាបាននូវការគ្រប់គ្រងប្រកបដោយប្រសិទ្ធភាព ការរក្សាគុណភាព និងប្រភពដើមពិតប្រាកដរបស់ផលិតផល។