ព័ត៌មានក្នុងខេត្ត

ខេត្តកែប៖ ក្នុងសម័យដែលបច្ចេកវិទ្យាឌីជីថល និងបណ្ដាញសង្គមកំពុងរីកចម្រើនយ៉ាងឆាប់រហ័ស ការបណ្តុះសិស្សានុសិស្សឱ្យមានសមត្ថភាពក្នុងការគិត វិភាគ និងផ្ទៀងផ្ទាត់ព័ត៌មាន មុននឹងជឿ ឬចែករំលែក គឺជាកត្តាដ៏សំខាន់ក្នុងការកាត់បន្ថយការរីករាលដាលនៃព័ត៌មានក្លែងក្លាយ និងកសាងពលរដ្ឋឌីជីថលប្រកបដោយការទទួលខុសត្រូវ។

ខេត្តកែប៖ ស្របពេលបច្ចេកវិទ្យាឌីជីថល និងបណ្ដាញទំនាក់ទំនងសង្គមកំពុងរីកចម្រើនយ៉ាងឆាប់រហ័ស យុវជនត្រូវដើរតួនាទីយ៉ាងសំខាន់ក្នុងការប្រើប្រាស់ព័ត៌មានប្រកបដោយការទទួលខុសត្រូវ និងរួមចំណែកទប់ស្កាត់ការរីករាលដាលនៃព័ត៌មានក្លែងក្លាយ។

ខេត្តកែប៖ ក្នុងបរិបទដែលបច្ចេកវិទ្យាឌីជីថល និងបណ្ដាញសង្គមកំពុងរីកចម្រើនយ៉ាងឆាប់រហ័ស មនុស្សម្នាក់ៗអាចក្លាយជាអ្នកផលិត និងផ្សព្វផ្សាយព័ត៌មានបានដោយខ្លួនឯង កត្តានេះបានផ្តល់ទាំងឱកាស និងបញ្ហាប្រឈម ជាពិសេសការរីករាលដាលនៃព័ត៌មានក្លែងក្លាយ ដែលទាមទារឱ្យអ្នកប្រើប្រាស់មានការយល់ដឹង និងការទទួលខុសត្រូវខ្ពស់ក្នុងការប្រើប្រាស់ព័ត៌មាន។

ខេត្តកែប៖ ការលើកកម្ពស់សមភាពយេនឌ័រ ការការពារសិទ្ធិនារី និងការលុបបំបាត់រាល់ទម្រង់នៃការរើសអើងប្រឆាំងនឹងនារី គឺជាមូលដ្ឋានដ៏សំខាន់ក្នុងការកសាងសង្គមមួយដែលមានសមធម៌ សន្តិភាព និងការអភិវឌ្ឍប្រកបដោយចីរភាព ក្នុងគោលបំណងបន្តពង្រឹងការយល់ដឹងអំពីសិទ្ធិនារី និងការអនុវត្តអនុសញ្ញាអន្តរជាតិពាក់ព័ន្ធ មន្ទីរកិច្ចការនារីខេត្តកែប បានរៀបចំកិច្ចប្រជុំផ្សព្វផ្សាយស្តីពី អនុសញ្ញាស្តីពីការលុបបំបាត់រាល់ទម្រង់នៃការរើសអើងប្រឆាំងនឹងនារី ភេទសុី-ដ(CEDAW) នៅសាលាវិទ្យាល័យ ហ៊ុន សែន ចំការដូង ក្រោមអធិបតីភាព លោកជំទាវ កៅ នី សមាជិកាក្រុមប្រឹក្សាខេត្ត និង លោកស្រី អ៊ូ សុគន្ធី ប្រធានមន្ទីរកិច្ចការនារីខេត្តកែប ដោយមានការចូលរួមពីថ្នាក់ដឹកនាំមន្ទីរ-អង្គភាពពាក់ព័ន្ធ លោកគ្រូ អ្នកគ្រូ សិស្សានុសិស្ស សរុបចំនួន ១៥០នាក់ នាព្រឹកថ្ងៃទី១៦ ខែកក្កដា ឆ្នាំ២០២៦។

ឯកឧត្តម លាង មុន្នីរិទ្ធ ប្រធានក្រុមការងាររាជរដ្ឋាភិបាលចុះមូលដ្ឋានក្រុងកែប និងលោកជំទាវ សាយ ចាន់ណាក់ បានអញ្ជើញប្រគល់លំនៅឋានថ្មីមួយខ្នង ជូនគ្រួសារប្រជាពលរដ្ឋមានជីវភាពខ្វះខាត ចំនួន២គ្រួសារ គឺលោក ហែម តឹក (ឪពុក) និងលោក អ៊ុន តាំ (កូន) រស់នៅក្រុងកែប ខេត្តកែប ដើម្បីឱ្យមានលំនៅឋានរឹងមាំ សមរម្យ និងលើកកម្ពស់គុណភាពជីវភាពរស់នៅឱ្យកាន់តែប្រសើរឡើង។

នៅព្រឹកថ្ងៃអង្គារ ទី១៤ ខែកក្កដា ឆ្នាំ២០២៦ នេះ​ ឯកឧត្ដម លាង មុន្នីរិទ្ធ រដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់ និងជាប្រធានក្រុមការងាររាជរដ្ឋាភិបាលចុះមូលដ្ឋានស្រុកដំណាក់ចង្អើរ និងក្រុងកែប​ លោកជំទាវ​ សាយ​ ចាន់ណាក់​ សមាជិក​ក្រុមការងារ​រាជរដ្ឋាភិបាល​ចុះមូលដ្ឋានខេត្ត​ និងលោក ឆាង ឆៃ អភិបាលនៃគណៈអភិបាលស្រុក​ បានដឹកនាំក្រុមការងារ ចុះសួរសុខទុក្ខ និងនាំយកអំណោយ ទៅចែកជូនប្រជាពលរដ្ឋរងគ្រោះដោយសារខ្យល់កន្ត្រាក់ ប៉ើងដំបូលផ្ទះ ចំនួន ០៨ គ្រួសារ ដែលរស់នៅឃុំពងទឹក និងឃុំអង្កោល ស្រុកដំណាក់ចង្អើរ ខេត្តកែប៕

ឯកឧត្តម លាង មុន្នីរិទ្ធ ប្រធានក្រុមការងាររាជរដ្ឋាភិបាលចុះមូលដ្ឋានក្រុងកែប និងស្រុកដំណាក់ចង្អើរ រួមជាមួយលោកជំទាវ សាយ ចាន់ណាក់ និងក្រុមការងារថ្នាក់ខេត្ត បានចុះពិនិត្យស្ថានភាពទំនប់ ប្រឡាយរំដោះទឹក និងជីវភាពប្រជាពលរដ្ឋនៅតាមមូលដ្ឋាន ព្រមទាំងនាំយកស័ង្កសី តង់ និងសម្ភារចាំបាច់ ប្រគល់ជូនគ្រួសារដែលរងផលប៉ះពាល់ដោយសារជំនន់ទឹកភ្លៀង។ កែប, ថ្ងៃទី១៤ ខែកក្កដា ឆ្នាំ២០២៦

រសៀល ថ្ងៃសុក្រ ១១រោច ខែបឋមាសាឍឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១០ ខែកក្កដា ឆ្នាំ២០២៦ ខេត្តកែប៖ លោក អ៊ឹម បញ្ញារិទ្ធិអភិបាលរងខេត្ត តំណាងដ៏ខ្ពង់ខ្ពស់ ឯកឧត្តមបណ្ឌិត សោម ពិសិដ្ឋ អភិបាលនៃគណៈអភិបាលខេត្ត អញ្ជើញជាអធិបតីភាពដឹកនាំកិច្ចប្រជុំការត្រួតពិនិត្យគម្រោងចំណូល សម្រាប់ឆ្នាំ២០២៧ នៅសាលប្រជុំតូចសាលាខេត្ត។

រសៀល ថ្ងៃពុធ ៩រោច ខែបឋមាសាឍ ឆ្នាំមមី អដ្ឋស័ក ព.ស២៥៧០ ត្រូវនឹង ថ្ងៃទី៨ ខែកក្កដា ឆ្នាំ២០២៦ ភ្នំពេញ÷ ឯកឧត្ដមបណ្ឌិត សោម ពិសិដ្ឋ អភិបាលនៃគណៈអភិបាលខេត្តកែប អញ្ជើញចូលរួមគោរពវិញ្ញាណក្ខន្ធសពឧបាសិកា នេត សុគន្ធ ដែលត្រូវជាបងស្រីបង្កើតរបស់ ឯកឧត្ដមសន្តិបណ្ឌិត នេត សាវឿន ឧបនាយករដ្ឋមន្ត្រី ៕

ព្រឹក ថ្ងៃពុធ ៩រោច ខែបឋមាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៨ ខែកក្កដា ឆ្នាំ២០២៦ ខេត្តកែប៖ លោក អុឹម បញ្ញារិទ្ធិ អភិបាលរងខេត្ត អញ្ជើញចូលរួម កិច្ចប្រជុំបើកវគ្គសវនកម្មលើការអនុលោមតាមច្បាប់ និងបទប្បញ្ញត្តិនៅខេត្តកែប សម្រាប់ការិយបរិច្ឆេទ២០២៥ និងឆ្នាំពាក់ព័ន្ធ ក្រោមអធិបតីភាព ឯកឧត្តម ឡុង អាទិច្ចបូរា អគ្គលេខាធិការ នៃអាជ្ញាធរសវនកម្មជាតិ តាមរយៈប្រព័ន្ធ (ZOOM) នៅសាលប្រជុំតូចសាលាខេត្តកែប៕

ខេត្តកែប៖ លោកជំទាវ ដួង កែវ ចិន្តា សមាជិកាក្រុមប្រឹក្សាខេត្តកែប បានជំរុញឱ្យសមាជិកសមាគមនារីគ្រប់លំដាប់ថ្នាក់ បន្តផ្តោតការយកចិត្តទុកដាក់លើការលុបបំបាត់អំពើហិង្សាក្នុងគ្រួសារ ការកាត់បន្ថយអត្រាមរណភាពមាតា និងទារក ព្រមទាំងការបង្ការ និងទប់ស្កាត់ការឆបោកតាមប្រព័ន្ធអនឡាញ ដើម្បីរួមចំណែកលើកកម្ពស់សុខុមាលភាពស្ត្រី និងកុមារ ការលើកឡើងនេះ ធ្វើឡើងក្នុងកិច្ចប្រជុំបូកសរុបលទ្ធផលការងារឆមាសទី១ និងលើកទិសដៅការងារឆមាសទី២ ឆ្នាំ២០២៦ របស់សមាគមនារីកម្ពុជាដើម្បីសន្តិភាព និងអភិវឌ្ឍន៍ ខេត្តកែប នាព្រឹកថ្ងៃទី៧ ខែកក្កដា ឆ្នាំ២០២៦ ក្រោមអធិបតីភាពលោកជំទាវ ដួង កែវ ចិន្តា សមាជិកាក្រុមប្រឹក្សាខេត្តកែប និងលោកស្រី អ៊ូ សុគន្ធី ប្រធានមន្ទីរកិច្ចការនារី ខេត្តកែប ព្រមទាំងមានការចូលរួមពីថ្នាក់ដឹកនាំ និងសមាជិកសមាគមគ្រប់លំដាប់ថ្នាក់ នៅសាលប្រជុំមន្ទីរកិច្ចការនារីខេត្តកែប ។

រសៀល ថ្ងៃព្រហស្បតិ៍ ៣រោច ខែបឋមាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២ ខែកក្កដា ឆ្នាំ២០២៦ ខេត្តកែប: លោក ញ៉ុន សិទ្ធ អភិបាលរង នៃគណៈអភិបាលខេត្ត បានអញ្ជើញដឹកនាំកិច្ចប្រជុំការងារពាក់ព័ន្ធរបាយការណ៍នៃការអនុវត្តផែនការ សកម្មភាពឆមាសទី១ឆ្នាំ២០២៦ របស់សមាគម អង្គការមិនមែនរដ្ឋាភិបាល និងសហគមន៍នានា ដែលកំពុង ធ្វើសកម្មភាពក្នុងភូមិសាស្ត្រខេត្តកែប នៅសាលប្រជុំតូចសាលាខេត្ត។