ព័ត៌មានក្នុងខេត្ត

ថ្ងៃទី១៨ ខែកញ្ញា ឆ្នាំ២០២៦ ៖ លោក បេត ណារិទ្ធ អនុប្រធានមន្ទីរ និងជាតំណាងលោកប្រធានមន្ទីរពាណិជ្ជកម្មខេត្តកែប ដឹកនាំមន្រ្តីជំនាញ ចូលរួមសហការជាមួយសាខា ក.ប.ប ខេត្ត រដ្ឋបាលក្រុងកែប មន្ទីរឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ មន្ទីរទេសចរណ៍ និងសមត្ថកិច្ចពាក់ព័ន្ធ ចុះត្រួតពិនិត្យ និងអប់រំអំពីគុណភាព សុវត្ថិភាពទំនិញ និងម្ហូបអាហារ និងលិខិតបទដ្ឋានពាក់ព័ន្ធដល់អាជីវករលក់ម្ហូបអាហារ និងទំនិញនៅផ្សារក្តាម ស្ថិតនៅសង្កាត់ព្រៃធំ ក្រុងកែប ខេត្តកែប ។ #ប្រភព មន្ទីរពាណិជ្ជកម្មខេត្តកែប

រាជធានីភ្នំពេញ៖ នៅថ្ងៃទី១៥ ខែកញ្ញា ឆ្នាំ២០២៦ មជ្ឈមណ្ឌលត្រួតពិនិត្យឧបករណ៍មានហានិភ័យខ្ពស់ បានរៀបចំសិក្ខាសាលាផ្សព្វផ្សាយស្តីពី «ការត្រួតពិនិត្យឧបករណ៍មានហានិភ័យខ្ពស់ និងវគ្គបណ្តុះបណ្តាលប្រឡងវាយតម្លៃប្រតិបត្តិករ» នៅសាលរបស់មជ្ឈមណ្ឌល ក្រោមអធិបតីភាព ឯកឧត្តម បណ្ឌិត ទីង ស៊ីនី រដ្ឋលេខាធិការក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ និងលោកអគ្គនាយកនៃអគ្គនាយកដ្ឋានមន្ទីរពិសោធន៍សំណង់ជាតិ នៃក្រសួងរៀបចំដែនដី នគរូបនីយកម្ម និងសំណង់។ សិក្ខាសាលានេះមានការចូលរួមពីថ្នាក់ដឹកនាំមន្ទីរឧស្សាហកម្មតាមបណ្តាខេត្ត តំណាងសមាគមពាណិជ្ជកម្ម ថ្នាក់ដឹកនាំសួនឧស្សាហកម្ម និងតំណាងសហគ្រាស សរុបជាង៣០០នាក់។

កែប៖ នៅព្រឹកថ្ងៃទី១៨ ខែកញ្ញា ឆ្នាំ២០២៦ ឯកឧត្តមបណ្ឌិត សោម ពិសិដ្ឋ អភិបាល នៃគណៈអភិបាលខេត្តកែប បានអញ្ជើញជាអធិបតីក្នុងពិធីបើកការដ្ឋានសាងសង់ផ្លូវបេតុងអាមេមួយខ្សែ ស្ថិតនៅភូមិកំពង់ត្រឡាច សង្កាត់ព្រៃធំ ក្រុងកែប ខេត្តកែប។ ផ្លូវបេតុងអាមេនេះ មានប្រវែង ៥៤៨ម៉ែត្រ និងទទឹង ៥ម៉ែត្រ ដែលការសាងសង់នេះមានគោលបំណងសម្រួលដល់ការធ្វើដំណើរ និងការដឹកជញ្ជូនរបស់ប្រជាពលរដ្ឋនៅក្នុងមូលដ្ឋាន។ មានប្រសាសន៍ក្នុងឱកាសនោះ ឯកឧត្តមបណ្ឌិត សោម ពិសិដ្ឋ បានលើកឡើងថា «កាលណាមានផ្លូវ គឺមានសង្ឃឹម» ដោយផ្លូវជាហេដ្ឋារចនាសម្ព័ន្ធដ៏សំខាន់សម្រាប់សម្រួលដល់ការរស់នៅ និងការអភិវឌ្ឍនៅក្នុងមូលដ្ឋាន។ ឯកឧត្តមអភិបាលខេត្តបានបន្តថា ការសាងសង់ផ្លូវបេតុងអាមេនេះ គឺដើម្បីធ្វើឱ្យប្រជាពលរដ្ឋមានភាពងាយស្រួលក្នុងការធ្វើដំណើរ និងការដឹកជញ្ជូន ជាពិសេសជួយកាត់បន្ថយការលំបាកក្នុងការធ្វើដំណើរនៅក្នុងមូលដ្ឋាន។ ឯកឧត្តមបណ្ឌិត សោម ពិសិដ្ឋ បានបញ្ជាក់ថា ផ្លូវល្អនឹងផ្តល់ភាពងាយស្រួលដល់ប្រជាពលរដ្ឋក្នុងការប្រកបមុខរបរ និងជួយជំរុញសកម្មភាពសេដ្ឋកិច្ចនៅក្នុងមូលដ្ឋាន ព្រមទាំងរួមចំណែកដល់ការអភិវឌ្ឍខេត្តកែបឱ្យកាន់តែមានភាពរីកចម្រើន។

រង្វង់មូលឆ្នេរអង្កោល 📍​ស្រុកដំណាក់ចង្អេីរ​ ខេត្ត​កែប​ 📸Mat Ousman- ម៉ាត់​ អ៊ូ​ស្មាន​ ​ មន្ទីរ​ព័ត៌មាន​ខេត្ត​កែប

អនុក្រឹត ស្ដីពី ប្រតិទិនឈប់សម្រាកការងាររបស់មន្ត្រីរាជការ និយោជិត កម្មករ ប្រចាំឆ្នាំ២០២៧

ស្ថានភាពធាតុអាកាសនៅព្រះរាជាណាចក្រកម្ពុជា សម្រាប់ថ្ងៃទី១៨ ខែកញ្ញា ឆ្នាំ២០២៦

ក្រសួងទេសចរណ៍ផ្សព្វផ្សាយស្តីពី «សុវត្ថិភាពកុមារក្នុងវិស័យទេសចរណ៍» នៅខេត្តកែប

លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម និងជាប្រធានគណៈកម្មការអន្តរក្រសួងដើម្បីរៀបចំ និងចូលរួមពិព័រណ៍ពិភពលោក និងពិព័រណ៍ពាណិជ្ជកម្មអន្តរជាតិ អញ្ជើញជាអធិបតីសម្ពោធស្តង់ពិព័រណ៍ពាណិជ្ជកម្មរបស់កម្ពុជា នាឱកាសព្រឹត្តិការណ៍ពិព័រណ៍ចិន-អាស៊ាន លើកទី២៣ … (ទីក្រុងណាននីង, សាធារណរដ្ឋប្រជាមានិតចិន)៖ នាព្រឹកថ្ងៃព្រហស្បតិ៍ ទី១៧ ខែកញ្ញា ឆ្នាំ២០២៦ លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្មកម្ពុជា និងជាប្រធានគណៈកម្មការអន្តរក្រសួងដើម្បីរៀបចំ និងចូលរួមពិព័រណ៍ពិភពលោក និងពិព័រណ៍ពាណិជ្ជកម្មអន្តរជាតិ បានដឹកនាំគណៈប្រតិភូកម្ពុជា និងអញ្ជើញជាអធិបតីសម្ពោធស្តង់ពិព័រណ៍ពាណិជ្ជកម្មរបស់កម្ពុជា នាឱកាសព្រឹត្តិការណ៍ពិព័រណ៍ចិន-អាស៊ានលើកទី២៣ នៅ Zone D នៃមជ្ឈមណ្ឌលសន្និបាត និងពិព័រណ៍អន្តរជាតិណាននីង ខេត្តក្វាងស៊ី សាធារណរដ្ឋប្រជាមានិតចិន។

បន្ទាប់ពីទទួលបានព័ត៌មាន និងវីដេអូពាក់ព័ន្ធនឹងអាហារគ្មានគុណភាពត្រូវបានចែករំលែកតាមបណ្តាញសង្គម។ រដ្ឋបាលក្រុងកែប សូមជម្រាបជូនសាធារណជន និងភ្ញៀវទេសចរថា បញ្ហាសុវត្ថិភាព និងអនាម័យអាហារ គឺជាការយកចិត្តទុកដាក់របស់អាជ្ញាធរខេត្ត។ រដ្ឋបាលក្រុងកែប នឹងសហការជាមួយមន្ទីរជំនាញ និងផ្នែកពាក់ព័ន្ធ ដើម្បីស្វែងរកការពិត ពិនិត្យស្ថានភាពជាក់ស្តែង និងចាត់វិធានការសមស្រប ប្រសិនបើរកឃើញការបំពានលើសុវត្ថិភាពអាហារ។ សូមបងប្អូនអាជីវករចូលរួម៖ • រក្សាអនាម័យកន្លែងលក់ និងកន្លែងចម្អិនអាហារ • ជ្រើសរើស និងរក្សាទុកអាហារឱ្យបានត្រឹមត្រូវ • ផ្តល់អាហារដែលមានគុណភាព និងសុវត្ថិភាពជូនអតិថិជន សូមសាធារណជន និងភ្ញៀវទេសចរបន្តចូលរួមផ្តល់ព័ត៌មានពាក់ព័ន្ធនឹងបញ្ហាសុវត្ថិភាពអាហារ ដើម្បីឱ្យអាជ្ញាធរមានមូលដ្ឋានក្នុងការត្រួតពិនិត្យ និងដោះស្រាយជូនបានទាន់ពេលវេលា ។ ករណីមានបញ្ហាផ្សេងៗ សូមពុកម៉ែបងប្អូនទំនាក់ទំនងមករដ្ឋបាលក្រុងតាមរយៈលេខទូរស័ព្ទ៖ 0884320034/015250768 ។ #ប្រភព រដ្ឋបាលក្រុងកែប

(ភ្នំពេញ)៖ ក្រសួងព័ត៌មាន នៅថ្ងៃទី១៧ ខែកញ្ញា ឆ្នាំ២០២៦ បានបើកវេទិកាប្រព័ន្ធផ្សព្វផ្សាយស្តីពី​​ «ការប្រយុទ្ធប្រឆាំងព័ត៌មានក្លែងក្លាយ និងការប្រកួតប្រជែងពានរង្វាន់ជ័យលាភីអ្នកផលិតមាតិកា ឆ្នាំ២០២៦» (Zero Fake News Media Forumand Award Contest) mutumsug "Fighting Against Fake News and ​Upholding information Integrityinthe Mekong - LancangRegion”។ ពិធីនេះបានធ្វើឡើងក្រោមអធិបតីភាពឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន នៅសណ្ឋាគារ Sun & Moon Riverside រាជធានីភ្នំពេញ។ កម្មវិធីនេះធ្វើឡើងក្រោមប្រធានបទ «ការប្រយុទ្ធប្រឆាំងព័ត៌មានក្លែងក្លាយ និងការលើកកម្ពស់សុចរិតភាពព័ត៌មាននៅក្នុងតំបន់មេគង្គ-ឡានឆាង» ក្នុងក្របខ័ណ្ឌកិច្ចសហប្រតិបត្តិការមេគង្គ-ឡានឆាង។ រូបថត៖ ខឹម សុវណ្ណារ៉ា

ឯកឧត្តមបណ្ឌិត​ សោម​ ពិសិដ្ឋ​ អភិបាល​នៃគណៈអភិបាលខេត្តកែប​ អញ្ជើញ​ចូលរួមពិធីសម្ពោធជាផ្លូវការ រោងចក្រផ្គុំ និងដំឡើងរថយន្ត របស់ក្រុមហ៊ុន ធីអេច អូតូម៉ូធីវ មេនូហ្វេកឆឺរីង ឯ.ក និងដាក់ឱ្យដំណើរការខ្សែសង្វាក់ផលិតកម្មម៉ាក GAC ក្រោមអធិបតីភាពដ៏ខ្ពង់ខ្ពស់​ សម្ដេចមហាបវរធិបតី​ ហ៊ុន​ ម៉ាណែត​ នាយករដ្ឋមន្ត្រី​នៃព្រះរាជាណាចក្រកម្ពុជា​ ។ ការសម្ពោធជាផ្លូវការរោងចក្រផ្គុំដំឡើងរថយន្តម៉ាក GAC នេះ​ កំពុងឆ្លុះបញ្ចាំងពីភាពជោគជ័យថ្មីមួយទៀតរបស់រាជរដ្ឋាភិបាល ក្នុងការជំរុញបរិវត្តកម្មវិស័យឧស្សាហកម្មកម្ពុជា ពីឧស្សាហកម្មដែលពឹងផ្អែកលើកម្លាំងពលកម្ម ទៅជាឧស្សាហកម្មដែលប្រើប្រាស់មូលធន បច្ចេកវិទ្យា និងជំនាញកាន់តែខ្ពស់ ព្រមទាំងជំរុញការអភិវឌ្ឍឧស្សាហកម្មក្នុងស្រុក ការបង្កើនតម្លៃបន្ថែមក្នុងសេដ្ឋកិច្ចជាតិ និងការបង្កើតប្រភពចំណូលថ្មី​ ៕ ខេត្តកំពង់ឆ្នាំង ព្រឹកថ្ងៃព្រហស្បតិ៍ ទី១៧ កញ្ញា ២០២៦

ផ្លូវ​បេតុង​ប្រវែង២,០០០ម៉ែត្រ​ ទទឹង​៥ម៉ែត្រ​ អមដោយភូមិឋានប្រជាពលរដ្ឋ​ ស្ថិតក្នុងភូមិក្រសារ​ សង្កាត់​អូរក្រសារ​ ក្រុង​កែប​ បានជួយសម្រួលដល់​ការដឹកជញ្ជូនផលនេសាទ​ កសិផល​ និងការធ្វេីដំណេីរជូនដល់បងប្អូនប្រជាពលរដ្ឋកាន់តែប្រសេីរឡេីង។ 📸Mat Ousman-ម៉ាត់​ អ៊ូ​ស្មាន ​ មន្ទីរ​ព័ត៌មាន​ខេត្ត​កែប​