ព័ត៌មានក្នុងខេត្ត

ដំណើរកម្សាន្តនៅក្នុងទឹកទីខេត្តកែប បងប្អូនគួរស្នាក់នៅ នេះជាទីតាំង (ដំណរភ្ជាប់ Link ) ដែលអាចនាំអ្នកទៅដល់គោលដៅនៃទីកន្លែងស្នាក់នៅ ៖

ឯកឧត្តម បណ្ឌិត សោម ពិសិដ្ឋ អញ្ជើញចុះសួរសុខទុក្ខ និងប្រគល់វិញ្ញាបនបត្រសម្គាល់ម្ចាស់អចលនវត្ថុ ជូនដល់គ្រួសាររងគ្រោះដោយហេតុការណ៍លិចទូក

ខេត្តកែប៖ នាព្រឹកថ្ងៃពុធ ទី៥ ខែសីហា ឆ្នាំ២០២៦ ឯកឧត្តម បណ្ឌិត សោម ពិសិដ្ឋ ប្រធានគណៈកម្មាធិការគណបក្សខេត្ត និងជាអភិបាលនៃគណៈអភិបាលខេត្តកែប បានអញ្ជើញចុះជួបសំណេះសំណាល សួរសុខទុក្ខ និងប្រគល់វិញ្ញាបនបត្រសម្គាល់ម្ចាស់អចលនវត្ថុ ជូនដល់គ្រួសារដែលបានរងគ្រោះដោយហេតុការណ៍លិចទូក កាលពីខែឧសភា ឆ្នាំ២០២៦ បណ្តាលឱ្យម្ដាយម្នាក់ និងកូនប្រុសពីរនាក់បាត់បង់ជីវិត ដោយបន្សល់ទុកស្វាមី និងកូនស្រីម្នាក់ រស់នៅភូមិអូរក្រសារ សង្កាត់អូរក្រសារ ក្រុងកែប ខេត្តកែប។ ក្នុងឱកាសនោះ ឯកឧត្តមអភិបាលខេត្ត បានសម្តែងនូវការសោកស្តាយ និងរំលែកទុក្ខជាថ្មីចំពោះការបាត់បង់ដ៏ធំធេងរបស់ក្រុមគ្រួសារ ព្រមទាំងបានលើកទឹកចិត្តឱ្យសមាជិកគ្រួសារខិតខំតស៊ូជំនះការលំបាក និងបន្តកសាងជីវភាពរស់នៅ។ ទន្ទឹមនោះឯកឧត្តមក៏បានប្រគល់វិញ្ញាបនបត្រសម្គាល់ម្ចាស់អចលនវត្ថុជូនគ្រួសារ និងបានផ្តាំផ្ញើយ៉ាងកក់ក្តៅដល់ក្មួយស្រី ដែលជាសមាជិកគ្រួសារនៅសល់ ឱ្យខិតខំប្រឹងប្រែងរៀនសូត្រ ដើម្បីកសាងអនាគតរបស់ខ្លួន ជួយគ្រួសារ និងក្លាយជាធនធានមនុស្សដ៏មានតម្លៃសម្រាប់សង្គមជាតិនាពេលអនាគត៕ អត្ថបទ​៖​ លោក​ សេស​ សង់ រូបភាព​៖​ ម៉ាត់​ អ៊ូស្មាន​ និងហុីម​ ហ្សៃនី ​ មន្ទីរ​ព័ត៌មាន​ខេត្ត​កែប

សេចក្ដីជូនដំណឹង ស្ដីពីស្ថានភាពព្យុះទី១៤ ឈ្មោះ គូជីរ៉ា

ខេត្តកែប៖ នាព្រឹកថ្ងៃពុធ ទី៥ ខែសីហា ឆ្នាំ២០២៦ លោកជំទាវ ស ម៉ាលីដា សោម ពិសិដ្ឋ ប្រធានគណៈកម្មាធិការសាខាសមាគមនារីកម្ពុជាដើម្បីសន្តិភាព និងអភិវឌ្ឍន៍ខេត្តកែប បានអញ្ជើញជាអធិបតីក្នុងកិច្ចប្រជុំបូកសរុបលទ្ធផលសកម្មភាពការងារប្រចាំឆមាសទី១ ឆ្នាំ២០២៦ និងពិធីប្រកាសទទួលស្គាល់ការកែសម្រួល និងបំពេញបន្ថែមសមាសភាពអនុគណៈកម្មការសាខាសមាគមនារីខេត្តកែប បានប្រព្រឹត្តទៅនៅសាលប្រជុំសេះសសាលាខេត្តកែប​ ដែលមានសមាសភាពចូលរួមសរុបចំនួន១៥៥រូប។

ព្រឹក ថ្ងៃពុធ ៧រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៥ ខែសីហា ឆ្នាំ២០២៦ ខេត្តកែប៖ លោកជំទាវ ស ម៉ាលីដា សោម ពិសិដ្ឋ ប្រធានកិត្តិយស គណៈកម្មាធិការសមាគមនារីកម្ពជាដើម្បីសន្ដិភាពនិងអភិវឌ្ឍន៍ខេត្តកែប អញ្ជើញជាអធិបតី ក្នុងកម្មវិធីបូកសរុបលទ្ធផលសកម្មភាពការងាររបស់គណៈកម្មការសាខាសមា គមនារីកម្ពុជា ដើម្បីសន្តិភាព និងអភិវឌ្ឍន៍ខេត្តកែប ប្រចាំឆមាសទី១ ឆ្នាំ២០២៦ និងពិធីប្រកាសទទួលស្គាល់ការកែសម្រួល និងបំពេញបន្ថែមសមាសភាព និងអភិវឌ្ឍន៍ខេត្តកែប នៅសាលប្រជុំសេះសេសាលាខេត្ត។

កុមារ និងធម្មជាតិ 🌳🌿 ដើមចន្ទគិរីធំៗ បន្តផ្តល់ម្លប់ត្រជាក់ និងបរិយាកាសស្រស់ស្រាយដល់កុមារ នៅសាលាបឋមសិក្សា ហ៊ុន សែន កែវក្រសាំង សង្កាត់​កែប​ ក្រុង​កែប​ ជួយបង្កើតបរិយាកាសសិក្សាប្រកបដោយភាពកក់ក្តៅ និងជិតស្និទ្ធជាមួយធម្មជាតិ។

ថ្ងៃពុធ ៧រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៥ ខែសីហា ឆ្នាំ២០២៦ ខេត្ដកែប៖ កិច្ចប្រជុំពិនិត្យ ពិភាក្សាលើសេចក្តីព្រាងរបាយការណ៍បូកសរុបលទ្ធផលការងារគណៈបញ្ជាការឯកភាពរដ្ឋបាលខេត្ត ប្រចាំខែ កក្កដា ឆ្នាំ២០២៦ ក្រោមអធិបតីភាព លោក ប៊ុន យោង អភិបាលរងខេត្ត និងជាប្រធានលេខាធិការដ្ឋានគណៈបញ្ជាការឯកភាព រដ្ឋបាលខេត្ត នៅសាលប្រជុំតូចសាលាខេត្ដ។

ដំណើរកម្សាន្តនៅក្នុងទឹកទីខេត្តកែប បងប្អូនគួរសាកល្បងបទពិសោធន៍ថ្មីៗ នេះជាទីតាំង (ដំណរភ្ជាប់ Link ) ដែលអាចនាំអ្នកទៅដល់គោលដៅទាំងនោះ ៖

សម្រស់ឧទ្យានជាតិកែប​​ ​ជាឋានសួគ៌​កណ្ដាល​ក្រុងកែប 📍ក្រុង​កែប​ ខេត្ត​កែប ​📸Mat Ousman- ម៉ាត់​ អ៊ូស្មាន ​ មន្ទីរ​ព័ត៌មាន​ខេត្ត​កែប

សារលិខិតជូនពរ សូមគោរពជូន សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងជាប្រធានក្រុមឧត្តមប្រឹក្សាផ្ទាល់ព្រះមហាក្សត្រ នៃព្រះរាជាណាចក្រកម្ពុជា

ស្ថានភាពធាតុអាកាសនៅព្រះរាជាណាចក្រកម្ពុជាសម្រាប់ថ្ងៃទី៥ ខែសីហា ឆ្នាំ២០២៦