ព័ត៌មានក្នុងខេត្ត

ថ្ងៃសុក្រ ៩រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៧ ខែសីហា ឆ្នាំ២០២៦ ខេត្តកែប៖ កិច្ចប្រជុំគម្រោងពង្រីក បណ្តាញទឹកស្អាត ទៅកោះទន្សាយ កោះម្ទេស កោះស្វាយ និងកោះកុក ក្រោមអធិបតីភាពលោក អ៉ឹម បញ្ញារិទ្ធិ អភិបាលរង នៃគណៈអភិបាលខេត្តកែប នៅសាលប្រជុំតូចសាលាខេត្ដ។

ថ្ងៃសុក្រ ៩រោច ខែទុតិយាសាឍ ឆ្នាំមមី អដ្ឋស័ក ព.ស២៥៧០ ត្រូវនឹងថ្ងៃទី៥ ខែសីហា ឆ្នាំ២០២៦ កែប៖ ឯកឧត្តមបណ្ឌិត សោម ពិសិដ្ឋ អភិបាលនៃគណៈអភិបាលខេត្តកែប អញ្ជើញចុះត្រួតពិនិត្យទីតាំងជាក់ស្តែងនៅពន្ធនាគារខេត្តកែប ដើម្បីត្រៀមរៀបចំពិធីសម្ពោធដាក់ឱ្យប្រើប្រាស់ជាផ្លូវការ ក្រោមអធិបតីភាពដ៏ខ្ពង់ខ្ពស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ នៅបរិវេនពន្ធនាគារខេត្តកែប។

សេចក្តីប្រកាសព័ត៌មាន របស់មន្ទីរបរិស្ថានខេត្តកែប " ករណីលួចកាប់ឆ្ការព្រៃដោយខុសច្បាប់ លើផ្ទៃដីប្រមាណ 6800 ម៉ែត្រការ៉េ ក្នុងតំបន់ឧទ្យានជាតិកែប "

ធម្មជាតិ​ជីវ:ចម្រុះ​ ក្នុងឧទ្យានជាតិកែប​ រងចាំទទួល​ស្វាគមន៍​បងប្អូនភ្ញៀវទេសចរណ៍​គ្រប់ជាតិ​សាសន៍ 📍ក្រុងកែប​ ខេត្ត​កែប​ 📸 Mat Ousman- ម៉ាត់​ អ៊ូស្មាន ​ មន្ទីរ​ព័ត៌មាន​ខេត្ត​កែប​

កែប៖ ឯកឧត្តម សោម កុសល អនុរដ្ឋលេខាធិការក្រសួងព័ត៌មាន នាថ្ងៃទី៦ ខែសីហា ឆ្នាំ២០២៦ បានអញ្ជើញជាអធិបតីក្នុងកិច្ចប្រជុំបូកសរុបលទ្ធផលការងារប្រចាំឆមាសទី១ ឆ្នាំ២០២៦ របស់មន្ទីរព័ត៌មានខេត្តកែប ដើម្បីពិនិត្យវឌ្ឍនភាពការងារដែលសម្រេចបាន បញ្ហាប្រឈម និងកំណត់ទិសដៅការងារបន្តឱ្យកាន់តែមានប្រសិទ្ធភាព។

រសៀល ថ្ងៃព្រហស្បតិ៍ ៨រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៦ ខែសីហា ឆ្នាំ២០២៦ ខេត្តកែប៖ លោក ប៊ុន យោង អភិបាលរង នៃគណៈអភិបាលខេត្ត និងជាប្រធានគណៈកម្មការ អញ្ជើញជាអធិបតីភាព ក្នុងកិច្ចប្រជុំបូកសរុបលទ្ធផលការងារប្រចាំឆមាសទី១ និងលើកទិសដៅអនុវត្ត ឆមាសទី២ របស់គណៈកម្មាធិការលុបបំបាត់ឪសថក្លែងក្លាយ និងសេវាសុខាភិបាលខុសច្បាប់ ដើម្បីកាត់បន្ថយភាពក្រីក្រខេត្តកែប នៅសាលមន្ទីរសុខាភិបាលនៃរដ្ឋបាលខេត្ត។

ព្រឹក​ថ្ងៃ​ព្រហស្បតិ៍​ ថ្ងៃទី៦ ខែសីហា ឆ្នាំ២០២៦​ នេះ​ អង្គការលំនៅឋាន មនុស្សជាតិអន្តរជាតិកម្ពុជា សហការជាមួយអគ្គនាយកដ្ឋានភាពជាដៃគូរវាងរដ្ឋ និងឯកជន នៃក្រសួងសេដ្ឋកិច្ច និងហិរញ្ញវត្ថុ និងអគ្គនាយកដ្ឋានលំនៅឋាន នៃក្រសួងរៀបចំដែនដី នគរូបនីយ៍យម្ម និងសំណង់ ដោយបានការសម្របសម្រួលពី​រដ្ឋ​បាល​ខេត្ត​កែប​ បានរៀបចំសិក្ខាសាលាស្តីពី “គោលនយោបាយអភិវឌ្ឍន៍លំនៅឋានសង្គម និងលំនៅឋានតម្លៃសមរម្យ” ដែលប្រព្រឹត្តទៅក្រោម​អធិបតី​ភាព​ លោកជំទាវ ទេព បូរ៉ាមីន រដ្ឋលេខាធិការ នៃក្រសួងរៀបចំដែនដី នគរូបនីយកម្ម និងសំណង់ និងជាអនុប្រធានគណៈកម្មាធិការអន្តរក្រសួង សម្រាប់គម្រោងអភិវឌ្ឍន៍លំនៅឋានសង្គម និងលំនៅ ឋានតម្លៃសមរម្យ​ និងឯកឧត្តមបណ្ឌិត​ សោម ពិសិដ្ឋ អភិបាលនៃគណៈអភិបាលខេត្តកែប នៅសាលាប្រជ៉ំធំសេះសសាលាខេត្តកែប។

ព្រឹក ថ្ងៃព្រហស្បតិ៍ ៨រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៦ ខែសីហា ឆ្នាំ២០២៦ ខេត្តកែប៖ នាយកដ្ឋាន ស្ថិតិគណនេយ្យជាតិ វិទ្យាស្ថានជាតិស្ថិតិ នៃក្រសួងផែនការបានរៀបចំពិធីប្រកាសផ្សព្វផ្សាយលទ្ធផល គណនេយ្យជាតិខេត្តកែបឆ្នាំ២០២៥» ដើម្បីដាក់ជូនសាធារណជន និងមន្ទីរ អង្គភាពជុំវិញខេត្តប្រើប្រាស់ ជាផ្លូវការ ក្រោមអធិបតីភាព ឯកឧត្តម ណោ វ៉ាន់ឌី នាយកវិទ្យាស្ថានជាតិស្ថិតិ និង លោក អុឹម បញ្ញារិទ្ធិ អភិបាលរងខេត្ត តំណាង ឯកឧត្តមបណ្ឌិត សោម ពិសិដ្ឋ អភិបាល នៃគណៈអភិបាលខេត្ត នៅសាលប្រជុំតូចសាលាខេត្ត ។

ស្ថានភាពធាតុអាកាសនៅព្រះរាជាណាចក្រកម្ពុជា សម្រាប់ថ្ងៃទី៦ ខែសីហា ឆ្នាំ២០២៦

នារសៀល ថ្ងៃពុធ ៧រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៥ ខែសីហា ឆ្នាំ២០២៦ ខេត្តកែប៖កិច្ចប្រជុំក្រុមការងារ ដឹកនាំចុះត្រួតពិនិត្យទីតាំងជនអន្តោប្រវេសន៍ស្នាក់នៅប្រមូលផ្តុំ និងធ្វើការស៊ើបអង្កេត ស្រាវជ្រាវបទលើ្មសឆបោកតាមប្រព័ន្ធបច្ចេកវិទ្យា Online Scams ក្រោមអធិបតីភាព លោក ប៊ុន យោង អភិបាលរង នៃគណៈអភិបាលខេត្ត និងជាប្រធានលេខាធិការដ្ឋានគណៈបញ្ជាការឯកភាពរដ្ឋបាលខេត្ត នៅសាលប្រជុំតូចសាលាខេត្ត៕

សាលប្រជុំក្រុមប្រឹក្សាខេត្តកែប​ នៅរសៀល​ថ្ងៃពុធ​ ទី៥ ខែសីហា ឆ្នាំ២០២៦​ នេះ​ ឯកឧត្តមបណ្ឌិត សោម ពិសិដ្ឋ អភិបាល​នៃគណ:អភិបាល​ខេត្ត​កែប​ បានអញ្ជើញជួបពិភាក្សាការងារ ជាមួយក្រុមការងារពិនិត្យដោះស្រាយសំណង់ បណ្តោះអាសន្ន នៃក្រសួងរៀបចំដែនដី នគរូបនីយកម្ម និងសំណង់​ ដឹកនាំដោយ​ លោកជំទាវ ទេព បូរ៉ាមីន​ រដ្ឋលេខាធិការក្រសួងរៀបចំដែនដី នគរូបនីយកម្ម និង សំណង់៕

សាខាសមាគមនារីកម្ពុជាដើម្បីសន្តិភាព និងអភិវឌ្ឍន៍ខេត្តកែប បើកកិច្ចប្រជុំបូកសរុបលទ្ធផលការងារឆមាសទី១ ឆ្នាំ២០២៦ និងប្រកាសទទួលស្គាល់និងបំពេញបន្ថែមសមាសភាពអនុគណៈកម្មការសាខា