ព័ត៌មានក្នុងខេត្ត

ព្រឹក ថ្ងៃសុក្រ ៦រោច ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២ ខែតុលា ឆ្នាំ២០២៦ សាលាស្រុកដំណាក់ចង្អើរ៖ លោក អុឹម បញ្ញារិទ្ធិ អភិបាលរងខេត្ត តំណាងដ៏ខ្ពង់ខ្ពស់ឯកឧត្តមបណ្ឌិត សោម ពិសិដ្ឋ អភិបាលនៃគណៈអភិបាលខេត្តកែប បានអញ្ជើញជាអធិបតីភាពចូលរួមបើកសិក្ខាសាលាសមាហរណកម្មនៃកម្មវិធីវិនិយោគបីឆ្នាំរំកិលស្រុក និងឃុំ ឆ្នាំ(២០២៧-២០២៩) នៅថ្នាក់ ស្រុក ៕

មណ្ឌលសុខភាពពងទឹក ជាមូលដ្ឋានសំខាន់ក្នុងការផ្តល់សេវាពិនិត្យ ព្យាបាល និងថែទាំសុខភាពជូនប្រជាពលរដ្ឋក្នុងមូលដ្ឋាន ផលិតដោយ៖ មន្ទីរព័ត៌មានខេត្តកែប

ព្រឹត្តិបត្រព័ត៌មានស្តីពីស្ថានភាពធាតុអាកា​សសម្រាប់ថ្ងៃទី២ ខែតុលា ឆ្នាំ២០២៦

ទិដ្ឋភាព​បងប្អូន​ប្រជាពលរដ្ឋ​ មកពិនិត្យសុខភាព​ និងទទួលសេវាសុខាភិបាល​ នៅមណ្ឌល​សុខ​ភាពចំការបី 📍ឃុំពងទឹក​ ស្រុកដំណាក់ចង្អេីរ​ ខេត្ត​កែប​ 📸Mat Ousman-​ម៉ាត់​ អ៊ូ​ស្មាន​ ​ មន្ទីរ​ព័ត៌មាន​ខេត្ត​កែប

ទីប្រជុំជនភូមិចំការបី ឃុំពងទឹក ស្រុកដំណាក់ចង្អើរ ខេត្តកែប។ 📸Mat Ousman-​ ម៉ាត់​ អ៊ូ​ស្មាន​ ​ មន្ទីរ​ព័ត៌មាន​ខេត្ត​កែប

បទយកការណ៍៖ ផ្លូវបេតុងថ្មី ៥៤៨ម៉ែត្រ បន្ថែមក្តីសង្ឃឹមជូនប្រជាពលរដ្ឋក្នុងមូលដ្ឋានភូមិកំពង់ត្រឡាច៕ ផលិតដោយ ៖ មន្ទីរព័ត៌មានខេត្តកែប

រដ្ឋបាលក្រុងកែប បើកសិក្ខាសាលាសមាហរណកម្មកម្មវិធីវិនិយោគបីឆ្នាំរំកិល ២០២៧-២០២៩ កែប៖ នាព្រឹកថ្ងៃទី១ ខែតុលា ឆ្នាំ២០២៦ លោក អ៉ឹម បញ្ញារិទ្ធិ អភិបាលរងខេត្តកែប តំណាងឯកឧត្តមបណ្ឌិត សោម ពិសិដ្ឋ អភិបាលខេត្តកែប បានអញ្ជើញជាអធិបតីក្នុងសិក្ខាសាលាសមាហរណកម្មកម្មវិធីវិនិយោគបីឆ្នាំរំកិលក្រុង ស្រុក និងឃុំ សង្កាត់ នៅថ្នាក់ក្រុង ដែលរៀបចំឡើងនៅសាលាក្រុងកែប។ ក្នុងឱកាសនោះ លោក ឃន វុទ្ធី អភិបាលក្រុងកែប បានឱ្យដឹងថា ក្នុងរយៈពេល៨ខែ ឆ្នាំ២០២៦ រដ្ឋបាលក្រុងកែបមានគម្រោងដែលទទួលបានការសន្យាគាំទ្រសរុបចំនួន ៤៧គម្រោង ក្នុងនោះបានបញ្ចប់ចំនួន ១៧គម្រោង កំពុងអនុវត្តចំនួន ២០គម្រោង និងមិនទាន់អនុវត្តចំនួន ១០គម្រោង។ ជាមួយគ្នានេះ ក្រុងកែបកំពុងអនុវត្តគម្រោងសាងសង់ផ្លូវបេតុងអាមេចំនួន ២ខ្សែ ប្រវែងសរុប ៨៣៣ម៉ែត្រ ដោយចំណាយថវិកាចំនួន ៤៩៩,៩២៣,៣៦១រៀល។ ដោយឡែក សង្កាត់ទាំងបីក៏កំពុងអនុវត្តគម្រោងសាងសង់ផ្លូវចំនួន ៤ខ្សែ ប្រវែងសរុប ៣,៣២៤ម៉ែត្រ ដោយចំណាយថវិកាចំនួន ១,០៣៤,៧៧៣,៧០០រៀល។

ឯកឧត្តម​ សោម​ ពិសិដ្ឋ​ អភិបាល​នៃគណៈអភិបាលខេត្តកែប​ អញ្ជើញ​ចូលរួមពិធីសម្ពោធបើកឱ្យប្រើប្រាស់ជាផ្លូវការផ្លូវជាតិលេខ១០ ប្រវែងសរុប ១៩៨,៥១៨ គ.ម ដែលបានតភ្ជាប់ពីស្រុកសំឡូត ខេត្តបាត់ដំបង ឆ្លងកាត់ស្រុកវាលវែង ខេត្តពោធិ៍សាត់ រហូតដល់ក្រុងខេមរភូមិន្ទ ខេត្តកោះកុង​ ក្រោមអធិបតីភាពដ៏ខ្ពង់ខ្ពស់​ ​សម្ដេចមហាបវរធិបតី​ ហ៊ុន​ ម៉ាណែត​ នាយករដ្ឋមន្ត្រី​នៃព្រះរាជាណាចក្រកម្ពុជា​ ។ នៅក្នុងទិដ្ឋភាពសេដ្ឋកិច្ច និងសង្គម ផ្លូវជាតិនេះបាននិងកំពុងបម្រើដល់ការតភ្ជាប់ប្រព័ន្ធដឹកជញ្ជូនផ្ទៃក្នុងរបស់កម្ពុជាឱ្យកាន់តែមានភាពប្រទាក់ក្រឡា ជាពិសេសបម្រើដល់ការដឹកជញ្ជូនផ្សេងៗ ដូចជា ផលិតផលទំនិញ ផលិតផលកសិកម្ម កសិ-ឧស្សាហកម្ម និងការធ្វើដំណើរឆ្លងកាត់របស់បងប្អូនប្រជាពលរដ្ឋ​ ។ ជាងនេះទៅទៀត ផ្លូវនេះបាននិងកំពុងរួមចំណែកលើកកម្ពស់សក្តានុពលទេសចរណ៍នៅតាមបណ្តោយផ្លូវជាតិនេះ ដែលសម្បូរទៅដោយទេសភាពធម្មជាតិដ៏ទាក់ទាញ តំបន់ជ្រោះភ្នំ ជ្រលង ដងអូរជាច្រើន ដែលបងប្អូនប្រជាពលរដ្ឋភាគច្រើនមិនធ្លាប់បានមកដល់ទីនេះពីមុនមក​ ៕ ខេត្តពោធិ៍សាត់, ព្រឹកថ្ងៃព្រហស្បតិ៍ ទី១ តុលា ២០២៦

ក្រោមការដឹកនាំប្រកបដោយថាមពលនិងចក្ខុវិស័យវែងឆ្ងាយរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា តាមរយៈការដាក់ចេញនូវ «យុទ្ធសាស្ត្របញ្ចកោណ ដំណាក់កាលទី១» សមិទ្ធផលក្នុងវិស័យធនធានទឹក សម្រេចបានក្នុងឆមាសទី១ ឆ្នាំ២០២៦ នេះ ការងារធនធានទឹក និងឧតុនិយម: ការងារវិស្វកម្មធនធានទឹក៖ គម្រោងជួសជុល ស្តារ និងសាងសង់សំណង់ប្រព័ន្ធធារាសាស្ត្រ មានចំនួន ២១ គម្រោង (ការងារសម្រេចបាន ៧០%) និង ៤ គម្រោង(មិនទាន់អនុវត្ត)។ ជួយបង្កើនលទ្ធភាពស្រោចស្រពលើផ្ទៃដីស្រូវវស្សាចំនួន ២២ ១៩៥ ហិកតា ស្រូវប្រាំងចំនួន ២១ ២៨៦ ហិកតា និងដំណាំរួមផ្សំ ១ ៨១៥ ហិកតា។ ប្រភព៖ ក្រសួងធនធានទឹក និងឧតុនិយម

បងប្អូន​ប្រជាពលរដ្ឋ​ សប្បាយ​រីករាយ​បន្ទាប់​ពីទទួលបានសមិទ្ធផលផ្លូវបេតុងថ្មីមួយ​ជុំវិញភ្នំអង្កោលតូច​ ដែលជាការផ្ដល់ជូនរបស់​ ឯកឧត្តម​ ឧបនាយករដ្ឋមន្ត្រី​​ សាយ​ សំអាល់​ រដ្ឋមន្ត្រី​ក្រសួង​រៀប​ចំ​ដែនដី​ នគរូបនីយកម្ម​ និងសំណង់​ និងជាប្រធាន​ក្រុមការងារ​រាជរដ្ឋាភិបាល​ចុះមូលដ្ឋានខេត្តកែប។ 📍ឃុំ​អង្កោល​ ស្រុកដំណាក់​ចង្អេីរ​ ខេត្ត​កែប​ 📸Mat Ousman-​ ម៉ាត់​ អ៊ូ​ស្មាន​ ​ មន្ទីរ​ព័ត៌មាន​ខេត្ត​កែប

ក្រសួងធនធានទឹក និងឧតុនិយម សូមជម្រាបជូនដំណឹងដល់សាធារណជនស្ដីពីស្ថានភាពព្យុះទី២៧ ឈ្មោះ ឆយវ៉ាន (Choi-wan) ដោយឡែក ព្រះរាជាណាចក្រកម្ពុជា ពុំស្ថិតនៅក្នុងគន្លងផ្លូវដើររបស់ព្យុះនេះទេ។

កម្មវិធី ស្វែងយល់ផ្សព្វផ្សាយតាមវិទ្យុ ស្តីពីការពិនិត្យបញ្ជីឈ្មោះ និងចុះឈ្មោះបោះឆ្នោត ឆ្នាំ២០២៦