ព័ត៌មានក្នុងខេត្ត

ខេត្ត​កែប​ សូមស្វាគមន៍ ​- Welcome To Kep Province🦀 ​ មន្ទីរ​ព័ត៌មាន​ខេត្ត​កែប

ព្រឹត្តិបត្រព័ត៌មានស្ថានភាពធាតុអាកា​សសម្រាប់ថ្ងៃទី២ ខែសីហា ឆ្នាំ២០២៦

ក្រៅតែអំពីការជ្រើសរើសតំបន់ទេសចរណ៍សម្រាប់ដំណើរកម្សាន្តរបស់អ្នក អ្នកក៏អាចជ្រើសរើស​ម្ហូមអាហារជាច្រើនផ្សេងៗទៀតនៅផ្សារក្តាមក្នុងខេត្តកែប តាមចំណង់ចំណូលចិត្តរបស់អ្នកផងដែរ ។ រូបភាព ប្រមាញ់រូបភាពជីវៈចម្រុះកម្ពុជា-ណុប វណ្ណារិទ្ធ

ស្ថានភាពធាតុអាកាសនៅព្រះរាជាណាចក្រកម្ពុជា សម្រាប់ថ្ងៃទី១ ខែសីហា ឆ្នាំ២០២៦

អាជ្ញាធរក្រុងកែប បានសហការជាមួយកំលាំងស្នងការនគរបាលខេត្ត ចុះរៀបចំសណ្ដាប់ធ្នាប់នៅតាមបណ្តោយឆ្នេរកែប និងផ្សារក្តាម ដើម្បីលើកកម្ពស់ សោភ័ណភាព អនាម័យ និងបរិស្ថានស្អាត រួមចំណែកយ៉ាងសំខាន់ក្នុងការ៖ ១-លើកកម្ពស់តម្លៃសេវាកម្ម និងភាពស្មោះត្រង់ក្នុងការលក់ដូរដល់ភ្ញៀវទេសចរ។ ២-បង្កើនទំនុកចិត្ត និងសុវត្ថិភាព សម្រាប់ភ្ញៀវទេសចរជាតិ និងអន្តរជាតិដែលមកកម្សាន្ត។ ៣-រក្សាសណ្ដាប់ធ្នាប់សាធារណៈ ដោយកាត់បន្ថយការលក់ដូរគ្មានរបៀបរាបរយ។ ក្រុងកែប,ថ្ងៃទី៣១ ខែកក្កដា ឆ្នាំ២០២៦

រីករាយ​ស្រស់ស្រាយ​នាថ្ងៃសម្រាកចុងសប្ដាហ៍ជាមួយទីកន្លែងថ្មីមួយ​ ឆ្នេរតេជោសន្តិភាព(ឆ្នេរ២,៧០០ម៉ែត្រ​)​ ខេត្ត​កែប​! 📍​ភូមិថ្មី​ សង្កាត់​ព្រៃ​ធំ​ ក្រុងកែប​ 📸Mat Ousman- ម៉ាត់​ អ៊ូស្មាន​ ​ មន្ទីរ​ព័ត៌មាន​ខេត្ត​កែប

ផែនការងារអត្តសញ្ញាណកម្ម នៃស្នងការដ្ឋាននគរបាលខេត្តកែប បន្តចុះផ្ដល់អត្តសញ្ញាណប័ណ្ណសញ្ជាតិខ្មែរ ជូនប្រជាពលរដ្ឋ ខេត្តកែប ៖ ដោយអនុវត្តតាមអនុសាសន៍ដ៏ខ្ពង់ខ្ពស់ របស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងការជំរុញដឹកនាំផ្ទាល់ ពីលោកឧត្តមសេនីយ៍ទោ សម្បត្តិ សុធារដ្ឋ ស្នងការ នៃស្នងការដ្ឋាននគរបាលខេត្តកែប នៅថ្ងៃទី៣១ ខែកក្កដា ឆ្នាំ២០២៦ ផែនការងារអត្តសញ្ញាណកម្ម បន្តដឹកនាំមន្ត្រីនគរបាលជំនាញចំណុះឲ្យផែនរបស់ខ្លួន រួមជាមួយផ្នែកជំនាញអធិការដ្ឋាននគរស្រុក ក្រុង និងប៉ុស្តិ៍រដ្ឋបាលសាមី ចុះបំពេញបែបបទថតអត្តសញ្ញាណប័ណ្ណសញ្ជាតិខ្មែរ នៅភូមិចំការបី កំពងទឹក ស្រុកដំណាក់ចង្អើរ ខេត្តកែប និងអត្តសញ្ញាណប័ណ្ណ ជូនប្រជាពលរដ្ឋ ជូនប្រជាពលរដ្ឋយកទៅប្រើប្រាស់។ សូមជំរាបជូនថា : បងប្អូនប្រជាពលរដ្ឋ ដែលប្រើប្រាស់អត្តសញ្ញាណប័ណ្ណសញ្ជាតិខ្មែរអស់សុពលភាព ឬមានសុពលភាពតិចជាង ១៨០ថ្ងៃ(៦ខែ) សូមអញ្ជើញទៅបំពេញបែបបទផ្តល់អត្តសញ្ញាណបណ្ណសញ្ជាតិខ្មែរ ដោយឥតគិតថ្លៃ៕

កម្លាំងនគរបាលចរាចរណ៍ផ្លូវគោក បន្តចុះសម្រួលចរាចរណ៍ រៀបចំសណ្ដាប់ធ្នាប់ នៅតាមសាលារៀន ខេត្តកែប៖ ដោយអនុវត្តតាមអនុសាសន៍ណែនាំដ៏ខ្ពង់ខ្ពស់ពី ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ ឯកឧត្ដមបណ្ឌិត សោម ពិសិដ្ឋ អភិបាលខេត្ដកែប និងការដឹកនាំបញ្ជាណែនាំផ្ទាល់ពី លោកឧត្ដមសេនីយ៍ទោ សម្បត្តិ សុធារដ្ឋ ស្នងការនគរបាលខេត្ដកែប នៅថ្ងៃទី៣១ ខែកក្កដា ឆ្នាំ២០២៦ កម្លាំងនគរបាលចរាចរណ៍ផ្លូវគោក នៃស្នងការដ្ឋាននគរបាលខេត្តកែប បន្តចុះសម្រួលចរាចរណ៍ រៀបចំសណ្ដាប់ធ្នាប់ នៅតាមដងផ្លូវសាធារណៈ និងតាមសាលារៀនជូនបងប្អូនប្រជាពលរដ្ឋ លោកគ្រូ អ្នកគ្រូ និងក្មួយៗសិស្សានុសិស្ស៕

ព្រឹក ថ្ងៃសុក្រ ២រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣១ ខែកក្កដា ឆ្នាំ២០២៦ ខេត្តកែប៖ ឯកឧត្តម នុត ច័ន្ទសុខា រដ្ឋលេខាធិការ ក្រសួងកសិកម្ម រុក្ខាប្រមាញ់ និងនេសាទ និងជាប្រធានក្រុមការងាររាជរដ្ឋាភិបាលចុះមូលដ្ឋានឃុំអង្កោល អញ្ជើញជាអធិបតីភាព រៀបចំកិច្ចប្រជុំការងារ ប្រចាំខែកក្កដា ឆ្នាំ២០២៦ របស់ក្រុមការងាររាជរដ្ឋាភិបាលចុះមូលដ្ឋានឃុំអង្កោល នៅសាលាឃុំអង្គោល។

ឧទ្យានជាតិ​កែប​ ឋានសួគ៌​បៃតង​ កណ្តាល​ក្រុង​កែប🌳🌴❤️ 📍ក្រុងកែប​ ខេត្ត​កែប​ 📸Mat Ousman- ម៉ាត់​ អ៊ូស្មាន ​ មន្ទីរ​ព័ត៌មាន​ខេត្ត​កែប

ស្ថានភាពធាតុអាកាសនៅព្រះរាជាណាចក្រកម្ពុជា សម្រាប់ថ្ងៃទី៣១ ខែកក្កដា ឆ្នាំ២០២៦

ក្រុង​កែប​ បានដំឡើង និងបំពាក់កាមេរ៉ាសុវត្ថិភាពនៅតាមបណ្តោយឆ្នេរកែប និងជាផ្នែកមួយយ៉ាងសំខាន់នៃគំនិតផ្ដួចផ្ដើមអភិវឌ្ឍន៍ «ក្រុងឆ្លាតវៃ» (Smart City) និងការលើកកម្ពស់សន្តិសុខសាធារណៈ។ យន្តការនេះត្រូវបានរៀបចំឡើងដោយ ឯកឧត្តម សាយ សំអាល់ ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកែប រួមជាមួយ ឯកឧត្តមបណ្ឌិត សោម ពិសិដ្ឋ អភិបាលនៃគណៈអភិបាលខេត្តកែប៕