ព័ត៌មានក្នុងខេត្ត

ចម្ការទុរេនចាស់អាយុប្រមាណ៤០ឆ្នាំ នៅជាប់ភ្នំខ្វាវ ភូមិភ្នំលាវ ឃុំពងទឹក ស្រុកដំណាក់ចង្អើរ ខេត្តកែប កំពុងប្រមូលផល ខណៈម្ចាស់ចម្ការអះអាងថា ទុរេនទីនេះមានរសជាតិឆ្ងាញ់ពិសេស និងលក់បានតម្លៃល្អលើទីផ្សារ។ មន្ត្រីកសិកម្មឃុំពងទឹក បានលើកឡើងថា គុណភាពទុរេនល្អ ដោយកសិករផ្តោតលើការប្រើប្រាស់ជីសរីរាង្គ និងការធានាសុវត្ថិភាពជូនអ្នកប្រើប្រាស់។

ផ្ទៃសមុទ្រដ៏ធំល្វឹងល្វើយ លាយឡំនឹងពន្លឺព្រះអាទិត្យដែលរៀប​អស្ដង្គត​ បង្កើតបានជា​ទស្សនីយភាព​មួយគួរអោយទាក់ទាញ​ និងលួងលោមចិត្តយើងឱ្យមានភាពស្ងប់ស្ងៀម។ (រង្វង់មូលឆ្នេរតេជោសន្តិភាពខេត្តកែប) 📍​ក្រុងកែប​ ខេត្ត​កែប​📸​ Mat Ousman

មុខរបរនេះបានផ្តល់ប្រាក់ចំណូលជាប្រចាំថ្ងៃដល់គ្រួសារអ្នកនេសាទតាមរយៈការលក់គ្រឿងសមុទ្រស្រស់ៗ បន្តទៅអាជីករនៅក្នុងផ្សារក្តាម។ គ្រឿងសមុទ្រដ៏ល្បីល្បាញ និងមានតម្លៃសមរម្យបានរួមចំណែកជួយទាក់ទាញភ្ញៀវទេសចរជាតិ អន្តរជាតិ មកលេងកំសាន្ត ក្នុងខេត្តកែប រៀងរាល់ថ្ងៃចុងសប្តាហ៍។

ខេត្តកោះកុង​,​ នៅព្រឹក​ថ្ងៃ​សៅរ៍​ ទី​៣០​ ខែឧសភា​ ឆ្នាំ​២០២៦​ នេះ​ ឯកឧត្តមបណ្ឌិត​​ សោម​ ពិសិដ្ឋ​ អភិបាល​នៃគណៈអភិបាលខេត្តកែប​ បានអញ្ជើញ​ចូលរួម​ក្នុង​ពិធី​សម្ពោធ​ដាក់ឲ្យ​ប្រេីប្រាស់​ជាផ្លូវការ​ ស្តូប​អនុស្សាវរីយ​នយោបាយ​ ឈ្នះ​ ឈ្នះ​ ខេត្ត​កោះកុង​ ក្រោមអធិបតីភាព​ដ៏ខ្ពង់ខ្ពស់​ ឯកឧត្តម​នាយឧត្តមសេនីយ៍​​ ទៀ​ សីហា​ ឧបនាយករដ្ឋមន្ត្រី​ រដ្ឋមន្ត្រី​ក្រសួង​ការពារ​ជាតិ​ ព្រមទាំង​លោកជំទាវ​ តំណាង​ដ៏ខ្ពង់ខ្ពស់​ សម្ដេចមហាបវរធិបតី​ ហ៊ុន​ ម៉ាណែត​ នាយករដ្ឋមន្ត្រី​នៃព្រះរាជាណាចក្រកម្ពុជា​ ពិធី​នេះក៏បានការអញ្ជេីញចូលរួមជាវត្តមានដ៏​ខ្ពង់ខ្ពស់​ពីសំណាក់​ សម្ដេច​ពិជ័យសេនា​ ទៀ បាញ់​ ឧត្តម​ប្រឹក្សា​ផ្ទាល់​ព្រះមហាក្សត្រ​ នៃ​ព្រះ​រាជាណាចក្រ​កម្ពុជា​​ និងជាប្រធានមូលនិធិទ្រទ្រង់ការកសាងស្ដូបនយោបាយឈ្នះ ឈ្នះ​ ព្រមទាំង​លោកជំទាវ។ ស្តូបអនុស្សាវរីយ៍នយោបាយឈ្នះ-ឈ្នះ ខេត្តកោះកុងនេះ មិនត្រឹមតែជាសមិទ្ធផលប្រវត្តិសាស្ត្រថ្មីមួយសម្រាប់ខេត្តកោះកុងប៉ុណ្ណោះទេ ប៉ុន្តែគឺជានិមិត្តរូបនៃសន្តិភាព រំលឹកដល់ការលះបង់ និងគតិបណ្ឌិតនៃនយោបាយឈ្នះ-ឈ្នះ ដែលនាំមកនូវការបង្រួបបង្រួមជាតិ និងបញ្ចប់សង្គ្រាមស៊ីវិលទាំងស្រុងនៅកម្ពុជា ជាកន្លែងផ្ទុកនូវប្រវត្តិសាស្ត្រពិតសម្រាប់យុវជនជំនាន់ក្រោយបានសិក្សារៀនសូត្រពីតម្លៃនៃសន្តិភាព និងជាតំបន់ទាក់ទាញទេសចរណ៍ ចូលរួមលើកកម្ពស់សោភ័ណភាព និងសក្តានុពលទេសចរណ៍នៅក្នុងតំបន់ឆ្នេរ៕

កែប៖ មន្ទីរព័ត៌មានខេត្តកែប បានចូលរួមកិច្ចប្រជុំស្តីពីការត្រៀមដាក់ឲ្យអនុវត្តយុទ្ធនាការ និយាយថាទេចំពោះព័ត៌មានក្លែងក្លាយ ជំហានទី២ ក្រោមការដឹកនាំរបស់ឯកឧត្តម ទេព អស្នារិទ្ធ អនុរដ្ឋលេខាធិការក្រសួងព័ត៌មាន និងជាប្រធានលេខាធិការដ្ឋានប្រយុទ្ធប្រឆាំងព័ត៌មានក្លែងក្លាយ។

កែប៖ រដ្ឋបាលខេត្តកែប បើកយុទ្ធនាការចាក់វ៉ាក់សាំងការពារជំងឺសត្វ ជូនប្រជាកសិករនៅទូទាំងខេត្ត ដើម្បីទប់ស្កាត់ការឆ្លងរាលដាលជំងឺលើគោក្របី និងសត្វចិញ្ចឹមនានា ក្នុងអំឡុងរដូវវស្សា ដែលជាពេលងាយកើតមានជំងឺឆ្លង។ យុទ្ធនាការនេះ ក៏មានគោលបំណងលើកកម្ពស់សុវត្ថិភាពវិស័យបសុសត្វ និងជួយការពារជីវភាពប្រជាពលរដ្ឋដែលប្រកបរបរចិញ្ចឹមសត្វផងដែរ។