កម្លាំងនគរបាលចរាចរណ៍ចេញល្បាត តាមដងផ្លូវរក្សាសន្តិសុខ និងរៀបចំសណ្ដាប់ធ្នាប់ ជូនប្រជាពលរដ្ឋ និងភ្ញៀវទេសចរណ៍ ខេត្តកែប៖ ដោយអនុវត្តតាមអនុសាសន៍ណែនាំដ៏ខ្ពង់ខ្ពស់ពី ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ ឯកឧត្ដមបណ្ឌិត សោម ពិសិដ្ឋ អភិបាលខេត្ដកែប និងការដឹកនាំបញ្ជាណែនាំផ្ទាល់ពី លោកឧត្ដមសេនីយ៍ទោ សម្បត្តិ សុធារដ្ឋ ស្នងការនគរបាលខេត្ដកែប នៅថ្ងៃទី២០ ខែតុលា ឆ្នាំ២០២៦ កម្លាំងការិយាល័យនគរបាលចរាចរណ៍ផ្លូវគោក នៃស្នងការដ្ឋាននគរបាលខេត្តកែប បានដឹកនាំចេញល្បាតត្រួតពិនិត្យតាមដងផ្លូវរក្សាសន្តិសុខ និងរៀបចំសណ្តាប់ធ្នាប់ ជូនប្រជាពលរដ្ឋ និងភ្ញៀវទេសចរណ៍ ដែលធ្វើដំណើរចូលមកសម្រាកលំហែកំសាន្ត នៅក្នុងខេត្តកែប៕ ប្រភព៖ ស្នងការដ្ឋាននគរបាលខេត្តកែប - Police Commissariat of Kep Province

កែប៖ នាព្រឹកថ្ងៃទី៨ ខែតុលា ឆ្នាំ២០២៦ ឯកឧត្តម នី ផល្លី អគ្គលេខាធិការរង គ.អ.ធ.ក និងជាប្រធានក្រុមការងារ រួមជាមួយលោក សែម រមនា អភិបាលរងខេត្តកែប បានដឹកនាំក្រុមការងារចុះវាយតម្លៃឆ្នេរខ្សាច់ និងព្រែកកម្សាន្តបេក្ខភាពក្នុងខេត្តកែប សម្រាប់ ការប្រឡងប្រណាំងឆ្នេរ ខ្សាច់កម្សាន្តស្អាតលើកទី៧ និងព្រែកកម្សាន្តស្អាតលើកទី៤ ឆ្នាំ២០២៦ ដោយមានការអញ្ជើញចូលរួមពី ប្រធានមន្ទីរអង្គភាពពាក់ព័ន្ធជុំវិញខេត្ត អភិបាលរងក្រុង/ស្រុក មន្ត្រីជំនាញពាក់ព័ន្ធ។ ក្នុងការចុះពិនិត្យនេះ ក្រុមការងារបានចុះវាយតម្លៃ និងពិនិត្យស្ថានភាពនៅ ឆ្នេរស្រី ស សហគមន៍នេសាទភូមិថ្មី សហគមន៍អូរក្រសារ សហគមន៍កែប និងឆ្នេរអង្កោល ដើម្បីពិនិត្យលក្ខខណ្ឌ និងសក្តានុពលសម្រាប់ការអភិវឌ្ឍជាតំបន់ឆ្នេរ និងព្រែកកម្សាន្តបេក្ខភាព៕

ទិដ្ឋភាព​បងប្អូន​ប្រជាពលរដ្ឋ​ មកពិនិត្យសុខភាព​ និងទទួលសេវាសុខាភិបាល​ នៅមណ្ឌល​សុខ​ភាពចំការបី 📍ឃុំពងទឹក​ ស្រុកដំណាក់ចង្អេីរ​ ខេត្ត​កែប​ 📸Mat Ousman-​ម៉ាត់​ អ៊ូ​ស្មាន​ ​ មន្ទីរ​ព័ត៌មាន​ខេត្ត​កែប

ផែនការងារអត្តសញ្ញាណកម្ម នៃស្នងការដ្ឋាននគរបាលខេត្តកែប បន្តបំពេញបែបបទផ្ដល់អត្តសញ្ញាណប័ណ្ណសញ្ជាតិខ្មែរ និងប្រគល់សៀវភៅគ្រួសារ សៀវភៅស្នាក់នៅ ជូនប្រជាពលរដ្ឋ ខេត្តកែប ៖ ដោយអនុវត្តតាមអនុសាសន៍ដ៏ខ្ពង់ខ្ពស់ របស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងការជំរុញដឹកនាំផ្ទាល់ ពីលោកឧត្តមសេនីយ៍ទោ សម្បត្តិ សុធារដ្ឋ ស្នងការ នៃស្នងការដ្ឋាននគរបាលខេត្តកែប នៅថ្ងៃទី២៦ ខែកញ្ញា ឆ្នាំ២០២៦ ផែនការងារអត្តសញ្ញាណកម្ម បន្តដឹកនាំមន្ត្រីនគរបាលជំនាញចំណុះឲ្យផែន រួមជាមួយផ្នែកជំនាញអធិការដ្ឋាននគរស្រុក ក្រុង បំពេញបែបបទថតអត្តសញ្ញាណប័ណ្ណសញ្ជាតិខ្មែរ ជូនប្រជាពលរដ្ឋ។ សូមជំរាបជូនថា : បងប្អូនប្រជាពលរដ្ឋ ដែលប្រើប្រាស់អត្តសញ្ញាណប័ណ្ណសញ្ជាតិខ្មែរអស់សុពលភាព ឬមានសុពលភាពតិចជាង ១៨០ថ្ងៃ(៦ខែ) សូមអញ្ជើញទៅបំពេញបែបបទផ្តល់អត្តសញ្ញាណបណ្ណសញ្ជាតិខ្មែរ ដោយឥតគិតថ្លៃ៕ #ប្រភព ស្នងការដ្ឋាននគរបាលខេត្តកែប - Police Commissariat of Kep Province

ថ្ងៃសុក្រ ១៤កើត ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៥ ខែកញ្ញា ឆ្នាំ២០២៦ កែប៖លោក​ ភោគ​ សុខេន​ ប្រធានមន្ទីរឧស្សាហកម្ម​ វិទ្យាសាស្ត្រ​ បច្ចេកវិទ្យា​ និងនវានុវត្តន៍ខេត្តកែប បានអញ្ជើញចូលរួម វគ្គបណ្តុះ បណ្តាលជូនដល់មន្ត្រីជំនាញ ដើម្បីពង្រឹងសមត្ថភាព និងចំណេះដឹងអំពីនីតិវិធីចុះឈ្មោះអ្នកសេដ្ឋកិច្ច ក្រៅប្រព័ន្ធ និងការផ្សព្វផ្សាយអំពីកញ្ចប់អត្ថប្រយោជន៍សម្រាប់អ្នកសេដ្ឋកិច្ចក្រៅប្រព័ន្ធ និងបញ្ជាក់អំពី តួនាទីភារកិច្ចរបស់មន្ទីរ អង្គភាពពាក់ព័ន្ធ ដើម្បីជួយសម្រួលដល់អ្នកសេដ្ឋកិច្ចក្រៅប្រព័ន្ធបានចុះឈ្មោះ និង ទទួលបានអត្ថប្រយោជន៍គ្រប់ៗគ្នា តាមរយៈប្រព័ន្ធបញ្ជូនរូបភាព និងសម្លេង (Zoom Meeting) នៅសាលាប្រជុំមន្ទីរឧស្សាហកម្ម​ វិទ្យាសាស្ត្រ​ បច្ចេកវិទ្យា​ និងនវានុវត្តន៍ខេត្តកែប។

ខេត្តកែប ៖ ដោយអនុវត្តតាមអនុសាសន៍ដ៏ខ្ពង់ខ្ពស់ របស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងការជំរុញដឹកនាំផ្ទាល់ ពីលោកឧត្តមសេនីយ៍ទោ សម្បត្តិ សុធារដ្ឋ ស្នងការ នៃស្នងការដ្ឋាននគរបាលខេត្តកែប នៅថ្ងៃទី២៥ ខែកញ្ញា ឆ្នាំ២០២៦ ផែនការងារអត្តសញ្ញាណកម្ម បន្តដឹកនាំមន្ត្រីនគរបាលជំនាញចំណុះឲ្យផែន រួមជាមួយផ្នែកជំនាញអធិការដ្ឋាននគរស្រុក ក្រុង បំពេញបែបបទថតអត្តសញ្ញាណប័ណ្ណសញ្ជាតិខ្មែរ និងប្រគល់សៀវភៅគ្រួសារ សៀវភៅស្នាក់នៅ ជូនប្រជាពលរដ្ឋ។ សូមជំរាបជូនថា : បងប្អូនប្រជាពលរដ្ឋ ដែលប្រើប្រាស់អត្តសញ្ញាណប័ណ្ណសញ្ជាតិខ្មែរអស់សុពលភាព ឬមានសុពលភាពតិចជាង ១៨០ថ្ងៃ(៦ខែ) សូមអញ្ជើញទៅបំពេញបែបបទផ្តល់អត្តសញ្ញាណបណ្ណសញ្ជាតិខ្មែរ ដោយឥតគិតថ្លៃ៕ ប្រភព៖ ស្នងការដ្ឋាននគរបាលខេត្តកែប - Police Commissariat of Kep Province