អ្នកស្រលាញ់សុខភាពជាង១ពាន់នាក់ ចូលរួមរត់នៅឆ្នេរកែប ក្រោមបុព្វបទ «កីឡាដើម្បីឯកភាពជាតិ»
កែប៖ នាព្រឹកថ្ងៃទី៣ ខែតុលា ឆ្នាំ២០២៦ ខេត្តកែប បានរៀបចំកម្មវិធីរត់ភ្លើងគប់កីឡាជាតិលើកទី៥ និងកីឡាជនពិការលើកទី៣ ឆ្នាំ២០២៦ ក្រោមបុព្វបទ «កីឡាដើម្បីឯកភាពជាតិ» នៅទីតាំង «ខ្ញុំស្រឡាញ់ខេត្តកែប» ដោយបានការអញ្ជើញជាអធិបតីភាពពីសំណាក់ឯកឧត្តមបណ្ឌិត សោម ពិសិដ្ឋ អភិបាលខេត្តកែប និងឯកឧត្តម កែ ប៊ុនខៀង រដ្ឋលេខាធិការក្រសួងអប់រំ យុវជន និងកីឡា ព្រមទាំងបានការអញ្ជេីញចូលរួមពីសំណាក់ អ្នកឧកញ៉ា សំអាង វឌ្ឍនៈ អគ្គនាយកប្រតិបត្តិ (CEO) នៃក្រុមហ៊ុន វឌ្ឍនៈ ប៊ែវវើរីជីស (Vattanac Brewery) ថ្នាក់ដឹកនាំក្រសួងក្រសួងអប់រំ យុវជន និងកីឡា ថ្នាក់ដឹកនាំខេត្ត មន្ត្រីរាជការ កីឡាករ កីឡាការិនី លោកគ្រូ អ្នកគ្រូ និងសិស្សានុសិស្ស សរុបប្រមាណជាង១ពាន់នាក់។
