
អាជ្ញាធរខេត្តប៉ៃលិន ចុះផ្សព្វផ្សាយផែនការប្រើប្រាស់ទឹករដូវប្រាំង នៅប្រព័ន្ធធារាសាស្ត្រថ្នល់បត់ ដើម្បីទប់ទល់ឥទ្ធិពលបាតុភូតអែលនីញ៉ូ (El Niño)
(ប៉ៃលិន)៖ ដើម្បីត្រៀមបង្ការ និងកាត់បន្ថយផលប៉ះពាល់ពីឥទ្ធិពលនៃបាតុភូតអែលនីញ៉ូ (El Niño) នៅថ្ងៃទី១៦ ខែវិច្ឆិកា ឆ្នាំ២០២៦ លោក រស់ នឿន អភិបាលរងខេត្តប៉ៃលិន តំណាងដ៏ខ្ពង់ខ្ពស់លោកជំទាវបណ្ឌិត បាន ស្រីមុំ អភិបាលខេត្ត បានដឹកនាំមន្ទីរជំនាញ និងអាជ្ញាធរពាក់ព័ន្ធ ចុះប្រជុំផ្សព្វផ្សាយផែនការប្រើប្រាស់ទឹកក្នុងរដូវប្រាំងឆ្នាំ២០២៦-២០២៧ ជូនប្រជាពលរដ្ឋក្នុងប្រព័ន្ធធារាសាស្ត្រថ្នល់បត់ ឃុំសាលាក្រៅ ស្រុកសាលាក្រៅ ខេត្តប៉ៃលិន។









