ពិធីដ៏មានសារៈសំខាន់នេះ ក៏មានការអញ្ជើញចូលរួមយ៉ាងកុះករពីសំណាក់ក្រុមការងារប្រតិភូអមដំណើរ ប្រធាននិងតំណាងមន្ទីរ-អង្គភាពជុំវិញខេត្ត កម្លាំងប្រដាប់អាវុធទាំងបីប្រភេទ លោកគ្រូ អ្នកគ្រូ និងសិស្សានុសិស្សមកពីតាមបណ្តាឃុំក្នុងស្រុកសេសាន សរុបប្រមាណជា៣០០នាក់។
ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តក្រចេះ នារសៀលថ្ងៃទី២៧ ខែតុលា ឆ្នាំ២០២៦ បានអញ្ជើញជួបសំណេះសំណាលជាមួយសិស្សពូកែដែលទទួលបាននិទ្ទេស A ចំនួន ៣៦នាក់ មកពីខេត្តក្រចេះ ក្នុងសម័យប្រឡងសញ្ញាបត្រមធ្យមសិក្សាទុតិយភូមិ ឆ្នាំ២០២៦ ព្រមទាំងមានការអញ្ជើញចូលរួមពីនាយកសាលា និងមាតាបិតា អាណាព្យាបាលរបស់សិស្ស នៅទីស្តីការក្រសួងព័ត៌មាន។ ពិធីសំណេះសំណាលនេះមានការអញ្ជើញចូលរួមពីឯកឧត្តមកិត្តិបណ្ឌិត ពេជ្រ ប៊ុនធិន ឯកឧត្តម ស ចំរ៉ុង ឯកឧត្តម អុឹម ចាន់ថុល តំណាងរាស្ត្រមណ្ឌលខេត្តក្រចេះ ឯកឧត្តម វ៉ា ថន អភិបាលនៃគណៈអភិបាលខេត្តក្រចេះ ព្រមទាំងប្រធានក្រុមការងាររាជរដ្ឋាភិបាលចុះមូលដ្ឋានទាំង៧ ស្រុក នៃខេត្តក្រចេះ។ ក្នុងឱកាសដ៏មានអត្ថន័យនេះ ឯកឧត្តមរដ្ឋមន្ត្រីបានសម្តែងការកោតសរសើរយ៉ាងស្មោះស្ម័គ្រចំពោះកិច្ចខិតខំប្រឹងប្រែងរបស់សិស្សានុសិស្សទាំងអស់ រហូតទទួលបានលទ្ធផលដ៏ត្រចះត្រចង់នេះ។ រូបថត៖ យឹម សុវឌ្ឍនា
មន្ទីរព័ត៌មានខេត្តកែប បូកសរុបលទ្ធផលការងារ ៩ខែ ដេីមឆ្នាំ និងដាក់ទិសដៅពង្រឹងប្រសិទ្ធភាពផ្សព្វផ្សាយព័ត៌មាន
កែប៖ មន្ទីរព័ត៌មានខេត្តកែប បានរៀបចំកិច្ចប្រជុំបូកសរុបលទ្ធផលការងារ ៩ខែដើមឆ្នាំ២០២៦ និងលើកទិសដៅការងារបន្ត ក្រោមអធិបតីភាពឯកឧត្តម សោម កុសល អនុរដ្ឋលេខាធិការក្រសួងព័ត៌មាន ទទួលបន្ទុកខេត្តកែប និងខេត្តកំពត។ មានប្រសាសន៍ក្នុងឱកាសនោះ ឯកឧត្តម សោម កុសល បានកោតសរសើរ និងវាយតម្លៃខ្ពស់ ចំពោះការប្រឹងប្រែងរបស់មន្រ្តីនៃមន្ទីរព័ត៌មាន ជាមួយគ្នានេះ ឯកឧត្តម ក៏បានណែនាំឱ្យមន្ទីរព័ត៌មានខេត្ត បន្តបំពេញតួនាទីជាសេនាធិការឱ្យរដ្ឋបាលខេត្ត ដោយប្រកាន់ខ្ជាប់នូវស្មារតីសកម្ម បុរេសកម្ម ពង្រឹងការតាមដានព័ត៌មាន និងឆ្លើយតបចំពោះព័ត៌មានក្លែងក្លាយឱ្យបានទាន់ពេលវេលា ព្រមទាំងបង្កើនកិច្ចសហការជាមួយមន្ទីរ អង្គភាព អាជ្ញាធរមូលដ្ឋាន និងទំនាក់ទំនងល្អជាមួយអ្នកសារព័ត៌មាន ដើម្បីធានាគុណភាព និងភាពជឿជាក់ជូនសាធារណជន។ ជាមួយគ្នានេះដែរ លោក រស់ ឧត្តុង្គ ប្រធានមន្ទីរព័ត៌មានខេត្តកែប បានរាយការណ៍អំពីលទ្ធផលការងារសំខាន់ៗដែលសម្រេចបាន រួមមានការផលិត និងផ្សព្វផ្សាយព័ត៌មាន ការផ្សព្វផ្សាយសកម្មភាព និងសមិទ្ធផលក្នុងខេត្ត តាមរយៈប្រព័ន្ធផ្សព្វផ្សាយគ្រប់ទម្រង់។
លេខាធិការដ្ឋានរៀបចំការបោះឆ្នោតខេត្តកែប (ល.ប.ខ) បានរៀបចំវគ្គអប់រំ ផ្សព្វផ្សាយ និងបញ្ជ្រាបការយល់ដឹងស្តីពីសារៈសំខាន់នៃការបោះឆ្នោតនៅកម្ពុជា ជូនដល់គ្រឹះស្ថានសិក្សារដ្ឋ និងឯកជន នានា ដើម្បីពង្រឹងការយល់ដឹងនៃការបោះឆ្នោត។ ======== ខេត្តកែប៖ នាព្រឹកថ្ងៃទី២៦ ខែតុលា ឆ្នាំ២០២៦ នៅវិទ្យាល័យ ប៊ុន រ៉ានី ហ៊ុន សែន ចរិយាវង្ស លេខាធិការដ្ឋានរៀបចំការបោះឆ្នោតខេត្តកែប បានរៀបចំផ្សព្វផ្សាយ និងបញ្ជ្រាបការយល់ដឹងស្តីពីសារៈសំខាន់នៃការបោះឆ្នោតនៅកម្ពុជា ជូនដល់សិស្សានុសិស្សដែលគ្រប់អាយុបោះឆ្នោត ក្នុងគោលបំណងពង្រឹងការយល់ដឹងឱ្យកាន់តែស៊ីជម្រៅអំពីដំណើរការបោះឆ្នោត និងតួនាទីភារកិច្ចរបស់ប្រជាពលរដ្ឋនៅក្នុងសង្គមប្រជាធិបតេយ្យ។
