គោលបំណងសំខាន់នៃពិធីគឺ ប្រកាសបិទវគ្គបណ្ដុះបណ្ដាល ប្រគល់វិញ្ញាបនបត្រសិក្សា និងផ្តល់អនុសាសន៍ តម្រង់ទិស ដើម្បីឱ្យមន្ត្រីជ័យលាភីទាំងអស់យកចំណេះដឹង ជំនាញ និងក្រមសីលធម៌ដែលទទួលបានពីការបណ្តុះបណ្តាល ទៅប្រកបការងារបម្រើជាតិ សន្តិសុខសង្គម និងប្រជាពលរដ្ឋឱ្យកាន់តែមានប្រសិទ្ធភាពខ្ពស់។
រសៀល ថ្ងៃចន្ទ ៩រោច ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៥ ខែតុលា ឆ្នាំ២០២៦ ខេត្តកែប៖ កិច្ចប្រជុំលេខាធិការដ្ឋានគណៈបញ្ជាការឯកភាព រដ្ឋបាលខេត្ត ក្រោមអធិបតីភាព លោក ប៊ុន យោង អភិបាលរងនៃគណៈអភិបាលខេត្តកែប និងជាប្រធានលេខាធិការដ្ឋានគណៈបញ្ជាការឯកភាពរដ្ឋបាលខេត្ត នៅសាលប្រជុំតូចសាលាខេត្ត៕
#កិច្ចពិភាក្សា ស្តីពី « ជំហរកម្ពុជា-ថៃ លើវេទិកាអង្គការសហប្រជាជាតិពាក់ព័ន្ធនឹងដំណោះស្រាយបញ្ហាព្រំដែន» ថ្ងៃទី៥ ខែតុលា ឆ្នាំ២០២៦
ភ្នំពេញ, ព្រឹកថ្ងៃចន្ទ ទី៥ ខែតុលា ឆ្នាំ២០២៦ នេះ ឯកឧត្តមបណ្ឌិត សោម ពិសិដ្ឋ អភិបាលនៃគណៈអភិបាលខេត្តកែប និងជាប្រធានគណៈកម្មាធិការសមាគមអតីតយុទ្ធជន និងនិវត្តជនកម្ពុជាខេត្តកែប បានអញ្ជើញចូលរួមពិធីបើកមហាសន្និបាត សហព័ន្ធអតីតយុទ្ធជនអាស៊ាន (VECONAC) លើកទី២៥ ក្រោមអធិបតីភាពដ៏ខ្ពង់ខ្ពស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ។ ការរៀបចំមហាសន្និបាត VECONAC នៅកម្ពុជា គឺជាឱកាសដ៏សំខាន់សម្រាប់អតីតយុទ្ធជននៃបណ្តាប្រទេសអាស៊ាន ក្នុងការបញ្ជាក់ជាថ្មីនូវការប្តេជ្ញាចិត្តរួមគ្នា ក្នុងការពង្រឹងសាមគ្គីភាព មិត្តភាព និងកិច្ចសហប្រតិបត្តិការ ព្រមទាំងផ្លាស់ប្តូរបទពិសោធន៍ និងចែករំលែកឧត្តមានុវត្តន៍ក្នុងការលើកកម្ពស់សុខុមាលភាពអតីតយុទ្ធជន ។
កម្មវិធីសន្ទនាមតិ«ជីវិតយើង សង្គមយើង»
