វីដេអូសម្ភាសន៍៖ មន្ទីរធនធានទឹក និងឧតុនិយមខេត្តកែប អះអាងថា បានត្រៀមទឹកស្តុកទុករួចរាល់សម្រាប់រដូវប្រាំងខាងមុខ ខណៈទំនប់ទាំង១១ស្តុកទឹកពេញ ផលិតដោយ៖ មន្ទីរព័ត៌មានខេត្តកែប
គម្រោងមួយនេះ បានជួយកែលម្អប្រព័ន្ធផ្លូវសារធារណៈក្នុងខេត្ត លើកកម្ពស់វិស័យទេសចរណ៍ និងជួយសម្រួល ដល់ការធ្វើដំណើរ ការដឹកជញ្ជូនផលិតផលរបស់ប្រជាពលរដ្ឋទៅកាន់ទីផ្សារនានាក្នុងខេត្ត និងការទៅទទួលសេវានានារបស់រដ្ឋ។ ដោយឡែក សម្រាប់ឆ្នាំ២០២៦ នេះ ដោយបានការគិតគូរខ្ពស់ពីសំណាក់ ឯកឧត្ដមបណ្ឌិត សោម ពិសិដ្ឋ អភិបាលនៃគណៈអភិបាលខេត្តកែប គម្រោងមួយនេះ បានបន្តជំហានទី២ ដែលមានប្រវែង ១,៦៦៥ម៉ែត្រ ទទឹង ៦ម៉ែត្រ កម្រាស់ ០,១៥ម៉ែត្រ និងចញ្ចើមផ្លូវក្រួសក្រហម ០,៥០ម៉ែត្រ៕ 📸Mat Ousman- ម៉ាត់ អ៊ូស្មាន មន្ទីរព័ត៌មានខេត្តកែប
ស្ថានភាពធាតុអាកាសនៅព្រះរាជាណាចក្រកម្ពុជា សម្រាប់ថ្ងៃទី២៩ ខែតុលា ឆ្នាំ២០២៦
ខេត្តកែប: រសៀលថ្ងៃទី២៨ ខែតុលាឆ្នាំ២០២៦ ឯកឧត្ដម អ៊ុក ថា ប្រធានក្រុមប្រឹក្សាខេត្ត បានអញ្ជើញជាអធិបតី ដឹកនាំកិច្ចប្រជុំសាមញ្ញក្រុមប្រឹក្សាខេត្តលើកទី២៨ អាណត្តិទី៤ ដើម្បីពិនិត្យ ពិភាក្សានិងអនុម័ត កិច្ចការសំខាន់ៗចំនួន៦ ១- ពិនិត្យ និងអនុម័តសេចក្តីព្រាងកំណត់ហេតុកិច្ចប្រជុំសាមញ្ញលើកទី២៨ របស់ក្រុមប្រឹក្សាខេត្ត អាណត្តិទី៤ កាលពីថ្ងៃទី៣០ ខែកញ្ញា ឆ្នាំ២០២៦ ២-ពិនិត្យ និងអនុម័តសេចក្តីព្រាងកំណត់ហេតុកិច្ចប្រជុំវិសាមញ្ញ របស់ក្រុមប្រឹក្សាខេត្ត អាណត្តិទី៤ កាលពី ថ្ងៃទី៧ ខែតុលា ឆ្នាំ២០២៦ ៣- ពិនិត្យ និងអនុម័តលើសេចក្តីព្រាងឯកសារ ស្តីពីការរៀបចំវេទិកាផ្សព្វផ្សាយ និងពិគ្រោះយោបល់ របស់ក្រុមប្រឹក្សាខេត្ត អាណត្តិទី៤ ឆ្នាំទី៣ នៅថ្នាក់ក្រុង ស្រុក ៤-សេចក្តីព្រាងរបាយការណ៍ ស្តីពីសកម្មភាពសំខាន់ៗដែលបានអនុវត្តន៍ដោយគណៈអភិបាលខេត្តក្នុង ចន្លោះកិច្ចប្រជុំសាមញ្ញលើកទី២៨ ដល់កិច្ចប្រជុំសាមញ្ញលើកទី២៩ របស់ក្រុមប្រឹក្សាខេត្ត អាណត្តិទី៤
យុទ្ធនាការនេះត្រូវបានរៀបចំឡើងក្រោមប្រធានបទ «បន្តពង្រឹងការអនុវត្តវិធានការក្នុងការគ្រប់គ្រងការផ្សព្វផ្សាយពាណិជ្ជកម្មផលិតផលគ្រឿងស្រវឹង និងភេសជ្ជៈដែលមានជាតិស្ករ ដើម្បីលើកកម្ពស់សុខុមាលភាពពលរដ្ឋ»។ ពិធីដ៏មានសារៈសំខាន់នេះ មានការអញ្ជើញចូលរួមពីអ្នកពាក់ព័ន្ធទាំងស្ថាប័នរដ្ឋ និងវិស័យឯកជនប្រមាណជា ៥០០នាក់ ដែលបង្ហាញពីការប្តេជ្ញាចិត្តរួមគ្នាក្នុងការលើកកម្ពស់សុខភាពសាធារណៈ។ យុទ្ធនាការនេះរៀបចំឡើងដោយក្រសួងព័ត៌មាន សហការជាមួយក្រុមហ៊ុន អិម អេស អេ ម៉ាឃីធីង សីលូសិន អេស៊ា (MSA)។ គោលបំណងសំខាន់គឺបន្តពង្រឹងការអនុវត្តច្បាប់ និងបទប្បញ្ញត្តិស្តីពីការផ្សព្វផ្សាយពាណិជ្ជកម្មផលិតផលទាំងនេះ ដើម្បីការពារប្រជាពលរដ្ឋពីផលប៉ះពាល់អវិជ្ជមាន និងជំរុញការរស់នៅប្រកបដោយសុខភាពល្អ។ តាមរយៈយុទ្ធនាការនេះ រដ្ឋាភិបាលសង្ឃឹមថានឹងកាត់បន្ថយអត្រាអ្នកប្រើប្រាស់គ្រឿងស្រវឹង និងភេសជ្ជៈផ្អែមជ្រុល ព្រមទាំងលើកកម្ពស់ការយល់ដឹងជាសាធារណៈអំពីហានិភ័យសុខភាព៕ រូបថតដោយ ឡុង ដេវីត
