នាព្រឹកថ្ងៃទី១៥ ខែតុលា ឆ្នាំ២០២៦ គណៈកម្មាធិការជាតិគ្រប់គ្រងគ្រោះមហន្តរាយដឹកនាំដោយ ឯកឧត្តម ហង្ស សាមឿន ទីប្រឹក្សាផ្ទាល់ សម្តេចមហាបវរធិបតី ហ៊ុន ម៉ាណែត និង ជាអនុប្រធានទី២ (គ.ជ.គ.ម.) តំណាងដ៏ខ្ពង់ខ្ពស់ ឯកឧត្តមកិត្តិសង្គហបណ្ឌិត គន់ គីម ទេសរដ្ឋមន្ត្រីអនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ បានអញ្ជើញដឹកនាំប្រតិភូ ជាថ្នាក់ដឹកនាំ និងមន្រ្តីរាជការ ចូលរួមក្នុងពិធីរៀបចំខួបលើកទី១៤ឆ្នាំ នៃទិវាប្រារព្ធពិធីគោរពព្រះវិញ្ញាណក្ខន្ធ ព្រះបរមរតនកោដ្ឋ ព្រះករុណា ព្រះបាទ សម្តេច ព្រះនរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ (ថ្ងៃទី១៥ តុលា ២០១២ - ១៥ តុលា ២០២៦)៕ ប្រភព៖ អគ្គនាយកដ្ឋានទូរទស្សន៍ជាតិកម្ពុជា​​

ឯកឧត្តម ហេង សួរ និងថ្នាក់ដឹកនាំក្រសួងការងារនិងបណ្តុះបណ្តាលវិជ្ជាជីវៈ អញ្ជើញថ្វាយកម្រងផ្កាគោរពព្រះវិញ្ញាណក្ខន្ធ ព្រះបរមរតនកោដ្ឋ (ភ្នំពេញ)៖ ឯកឧត្តម ហេង សួរ រដ្ឋមន្ត្រីក្រសួងការងារនិងបណ្តុះបណ្តាលវិជ្ជាជីវៈ និងថ្នាក់ដឹកនាំក្រសួង បានអញ្ជើញថ្វាយកម្រងផ្កាគោរពព្រះវិញ្ញាណក្ខន្ធ ព្រះករុណាព្រះបាទ សម្តេចព្រះនរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ ព្រះបរមរតនកោដ្ឋ នាមណ្ឌបសួនច្បារខាងកើតវិមានឯករាជ្យ នៅព្រឹកថ្ងៃព្រហស្បតិ៍ ទី១៥ ខែតុលា ឆ្នាំ២០២៦។ នាឱកាសនោះ ឯកឧត្តម ហេង សួរ និងថ្នាក់ដឹកនាំក្រសួង បានបង្អោនកាយ សង្រួមចិត្តគោរពដល់ព្រះវិញ្ញាណក្ខន្ធសម្តេចព្រះបរមរតនកោដ្ឋ ជាទីគោរពសក្ការៈ និងរលឹកនឹកដល់ព្រះគុណូបការគុណ និងស្នាព្រះហស្ថរបស់ព្រះអង្គ ចំពោះជាតិ និងប្រជាជន។ ព្រះករុណា ព្រះបាទសម្ដេចព្រះនរោត្ដម សីហនុ ព្រះមហាវីរក្សត្រ ព្រះវររាជបិតាឯករាជ្យ បូរណភាពដែនដី និងឯកភាពជាតិខ្មែរ “ព្រះបរមរតនកោដ្ឋ” ទ្រង់យាងសោយព្រះទិវង្គត នៅថ្ងៃចន្ទ ទី១៥ ខែតុលា ឆ្នាំ២០១២ នៅទីក្រុងប៉េកាំង ប្រទេសចិន ដោយព្រះជរាពាធ ក្នុងជន្មាយុ ៩០ព្រះវស្សា៕ ប្រភព៖ អគ្គនាយកដ្ឋានទូរទស្សន៍ជាតិកម្ពុជា​​

កម្រង​ឯកសារ​ ព្រះរាជ​ជីវប្រវត្តិ​ និង​ព្រះ​រាជ​កិច្ច​កសាង​ជាតិ​ ដ៏​ឧត្តុង្គឧត្តម​ របស់​អង្គ​ព្រះ​មហា​វីរក្សត្រ​ ព្រះ​វររាជ​បិតា​ជាតិ​ខ្មែរ​ សម្ដេច​ឪ​ សម្ដេច​តា​ សម្ដេច​តា​ទួត​ "ព្រះ​បរម​រតន​កោដ្ឋ​"​ ជាទី​គោរព​សក្ការៈ​ដ៏​ខ្ពង់ខ្ពស់​បំផុត​ តុលា​ ១៩២២-២០១២

ព្រឹក ថ្ងៃពុធ ៣កើត ខែអស្សុជ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៤ ខែតុលា ឆ្នាំ២០២៦ លោក សុខ រស់ អភិបាលរងខេត្ត បានអញ្ជើញចូលរួម កិច្ចប្រជុំពិភាក្សាលើការជំរុញ និងគាំទ្រការតែងតាំងនាយកសាលាតាមគ្រឹះស្ថានសិក្សាសាធារណៈ ក្រោមអធិបតីភាព ឯកឧត្តម ចាន់ សុធា រដ្ឋលេខាធិការក្រសួងមហាផ្ទៃ និងជាប្រធានលេខាធិការ ដ្ឋាន គ.ជ.អ.ប. តាមរយៈប្រព័ន្ធ (Zoom) នៅសាលប្រជុំតូចសាលាខេត្តកែប៕

ទស្សនាវីដេអូឯកសាររបស់ព្រះករុណាព្រះបាទសម្ដេចព្រះ នរោត្ដម សីហនុ

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ស្រ្តីទី១ នៃកម្ពុជា បានអញ្ជើញទស្សនាទីក្រុងចាស់ ដែលជាតំបន់ទីក្រុងប្រវត្តិសាស្ត្រ ស្ថិតក្នុងរដ្ឋធានីបាគូ សាធារណរដ្ឋអាស៊ែបៃហ្សង់។ លោកជំទាវបណ្ឌិត បានអញ្ជើញទស្សនា Maiden Tower, DASTAN-Traditional Craft Masterclass, Multani និង Bukhara Caravanserais, Icherisheher Community Centre, Workshop of Master Mirteymur Mammadov, Museum of the Palace of the Shirvanshahs, និង Teapot Musuem ។ សាធារណរដ្ឋអាស៊ែបៃហ្សង់ រសៀលថ្ងៃអង្គារ ទី១៣ តុលា ២០២៦ ប្រភព៖ អគ្គនាយកដ្ឋានទូរទស្សន៍ជាតិកម្ពុជា