
រដ្ឋបាលខេត្តកែប រៀបចំវេទិការផ្សព្វផ្សាយ និងពិគ្រោះយោបល់ ដើម្បីស្វែងរកដំណោះស្រាយលើបញ្ហាប្រឈមនានាជូនប្រជាពលរដ្ឋនៅមូលដ្ឋាន ===================
រដ្ឋបាលខេត្តកែប បានរៀបចំវេទិការផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្តសម្រាប់ ឆ្នាំទី៣ អាណត្តិទី៤ ដោយប្រព្រឹត្តិទៅក្រោមអធិបតីភាព ឯកឧត្តម អ៊ុក ថា ប្រធានក្រុមប្រក្សាខេត្ត និងលោក ប៊ុន យោង អភិបាលខេត្តស្ដីទី និងបានការអញ្ជើញចូលរួមពីសំណាក់ ឯកឧត្តម លោកជំទាវ លោក លោកស្រី សមាជិក សមាជិកា និងប្រជាពលរដ្ឋ សរុបចំនួនជាង២០០នាក់ នៅក្នុងបរិវេណវត្តភ្នំសរសៀរ សង្កាត់អូរក្រសារ ក្រុងកែប នាព្រឹកថ្ងៃទី១៩ ខែវិច្ឆិកា ឆ្នាំ២០២៦។ មានប្រសាសន៍នាឱកាសនោះ ឯកឧត្តម អ៊ុក ថា ប្រធានក្រុមប្រឹក្សាខេត្ត បានបញ្ជាក់អំពីគោលបំណងនៃការរៀបចំវេទិការផ្សព្វផ្សាយ និងពិគ្រោះយោបល់ដ៏មានសារៈសំខាន់នេះ គឺដើម្បីលើកកម្ពស់គណនេយ្យភាព សម្លាភាព និងការចូលរួមរបស់ប្រជាពលរដ្ឋក្នុងកិច្ចដំណើរការអភិបាលកិច្ចរបស់ក្រុមប្រឹក្សានៃរដ្ឋបាលថ្នាក់ក្រោមជាតិ។








