
ស្នងការនគរបាលខេត្តកែប កម្លាំងការិយាល័យនគរបាលគ្រប់គ្រងជនបរទេស នៃផែនការងារអន្តោប្រវេសន៍ រួមជាមួយផ្នែកជំនាញពាក់ព័ន្ធអធិការដ្ឋាននគរបាលស្រុកដំណាក់ចង្អើរ និងប៉ុស្តិ៍នគរបាលរដ្ឋមូលដ្ឋាន ចុះធ្វើបច្ចុប្បន្នភាព ត្រួតពិនិត្យគណនីប្រព័ន្ធគ្រប់គ្រងវត្តមានជនបរទេសស្នាក់នៅក្នុងព្រះរាជាណាចក្រកម្ពុជា (FPCS)
នៅព្រឹក ថ្ងៃអង្គារ ៨កើត ខែកត្តិក ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៧ ខែវិច្ឆិកា ឆ្នាំ២០២៦ ដោយអនុវត្តតាមប្រសាសន៍ណែនាំដ៏ខ្ពង់ខ្ពស់ របស់លោកឧត្តមសេនីយ៍ទោ សម្បត្តិ សុធារដ្ឋ ស្នងការនគរបាលខេត្តកែប កម្លាំងការិយាល័យនគរបាលគ្រប់គ្រងជនបរទេស នៃផែនការងារអន្តោប្រវេសន៍ រួមជាមួយផ្នែកជំនាញពាក់ព័ន្ធអធិការដ្ឋាននគរបាលស្រុកដំណាក់ចង្អើរ និងប៉ុស្តិ៍នគរបាលរដ្ឋមូលដ្ឋាន ចុះធ្វើបច្ចុប្បន្នភាព ត្រួតពិនិត្យគណនីប្រព័ន្ធគ្រប់គ្រងវត្តមានជនបរទេសស្នាក់នៅក្នុងព្រះរាជាណាចក្រកម្ពុជា (FPCS) ដោយបន្តត្រួតពិនិត្យគណនីចំនួន៨០គណនី នៅឃុំពងទឹក និងឃុំអង្កោល ស្រុកដំណាក់ចង្អើរ (គណនីបានបញ្ជាក់ទីតាំងរួចរាល់ ចំនួន ៤៨គណនី និងគណនីមិនបានបញ្ជាក់ទីតាំងដែលស្នើសុំលុប ចំនួន៣២គណនី)។ ប្រភព៖ ស្នងការដ្ឋាននគរបាលខេត្តកែប - Police Commissariat of Kep Province











