ក្រោយទឹកជំនន់ស្រកទៅវិញ អនាម័យបរិស្ថានក្រុងបាត់ដំបងត្រូវបានស្តារឡើងវិញ ១០០% នៅតំបន់ទីប្រជុំជន និងប្រមាណ ៩០% នៅតំបន់ផ្សេងទៀត

បាត់ដំបង៖ បន្ទាប់ពីស្ថានភាពទឹកជំនន់បានស្រកផុតទៅ បញ្ហាប្រឈមមួយចំនួនដែលប្រជាពលរដ្ឋក្នុងខេត្តបាត់ដំបងជួបប្រទះ គឺបញ្ហាសុខភាពសាធារណៈ និងអនាម័យបរិស្ថាន។ រហូតមកដល់ពេលនេះ ការស្តារ និងប្រមូលសម្រាមតាមទីប្រជុំជន សម្រេចបាន ១០០% ហើយ។ នេះបើតាមការបញ្ជាក់របស់មន្ត្រីរដ្ឋបាលក្រុងបាត់ដំបង នាថ្ងៃទី៤ ខែវិច្ឆិកា ឆ្នាំ២០២៦។