កែប៖ នារសៀលថ្ងៃទី២៩ ខែតុលា ឆ្នាំ២០២៦ រដ្ឋបាលខេត្តកែប បានរៀបចំប្រារព្ធព្រះរាជពិធីបុណ្យខួបលើកទី២២ នៃការគ្រងព្រះបរមសិរីរាជសម្បត្តិរបស់ ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា នៅសាលប្រជុំធំសេះសរ សាលាខេត្តកែប។ ពិធីនេះបានប្រព្រឹត្តទៅក្រោមអធិបតីភាព ឯកឧត្តម អ៊ុក ថា ប្រធានក្រុមប្រឹក្សាខេត្តកែប និងឯកឧត្តមបណ្ឌិត សោម ពិសិដ្ឋ អភិបាលនៃគណៈអភិបាលខេត្តកែប ដោយមានការនិមន្តចូលរួមពីព្រះសង្ឃ និងការអញ្ជើញចូលរួមពីឯកឧត្តម លោកជំទាវ សមាជិកក្រុមប្រឹក្សាខេត្ត អភិបាលរងខេត្ត តំណាង​ សាលាដំបូងខេត្ត តំណាងព្រះរាជអាជ្ញានៃអយ្យការអមសាលាដំបូងខេត្ត ថ្នាក់ដឹកនាំមន្ទីរ-អង្គភាពជុំវិញខេត្ត អភិបាលក្រុង ស្រុក កងកម្លាំងប្រដាប់អាវុធទាំងបី មន្ត្រីរាជការ លោកគ្រូ អ្នកគ្រូ ក្រុមយុវជន និងសិស្សានុសិស្សយ៉ាងច្រើនកុះករ។ ជាមួយគ្នានេះ ឯកឧត្តម​ ថ្នាក់ដឹកនាំខេត្ត ក៏បានប្រគេនទេយ្យទានជូនព្រះសង្ឃដែលបាននិមន្តចូលរួមក្នុងពិធី ដើម្បីប្រតិបត្តិបែបសាសនារបស់រដ្ឋ ព្រមទាំងបង្ហាញពីការគោរពប្រតិបត្តិតាមប្រពៃណី និងទំនៀមទម្លាប់ដ៏ល្អផូរផង់របស់ជាតិខ្មែរ។

ខេត្តកែប: រសៀលថ្ងៃទី២៨ ខែតុលាឆ្នាំ២០២៦ ឯកឧត្ដម អ៊ុក ថា ប្រធានក្រុមប្រឹក្សាខេត្ត បានអញ្ជើញជាអធិបតី ដឹកនាំកិច្ចប្រជុំសាមញ្ញក្រុមប្រឹក្សាខេត្តលើកទី២៨ អាណត្តិទី៤ ដើម្បីពិនិត្យ ពិភាក្សានិងអនុម័ត កិច្ចការសំខាន់ៗចំនួន៦ ១- ពិនិត្យ និងអនុម័តសេចក្តីព្រាងកំណត់ហេតុកិច្ចប្រជុំសាមញ្ញលើកទី២៨ របស់ក្រុមប្រឹក្សាខេត្ត អាណត្តិទី៤ កាលពីថ្ងៃទី៣០ ខែកញ្ញា ឆ្នាំ២០២៦ ២-ពិនិត្យ និងអនុម័តសេចក្តីព្រាងកំណត់ហេតុកិច្ចប្រជុំវិសាមញ្ញ របស់ក្រុមប្រឹក្សាខេត្ត អាណត្តិទី៤ កាលពី ថ្ងៃទី៧ ខែតុលា ឆ្នាំ២០២៦ ៣- ពិនិត្យ និងអនុម័តលើសេចក្តីព្រាងឯកសារ ស្តីពីការរៀបចំវេទិកាផ្សព្វផ្សាយ និងពិគ្រោះយោបល់ របស់ក្រុមប្រឹក្សាខេត្ត អាណត្តិទី៤ ឆ្នាំទី៣ នៅថ្នាក់ក្រុង ស្រុក ៤-សេចក្តីព្រាងរបាយការណ៍ ស្តីពីសកម្មភាពសំខាន់ៗដែលបានអនុវត្តន៍ដោយគណៈអភិបាលខេត្តក្នុង ចន្លោះកិច្ចប្រជុំសាមញ្ញលើកទី២៨ ដល់កិច្ចប្រជុំសាមញ្ញលើកទី២៩ របស់ក្រុមប្រឹក្សាខេត្ត អាណត្តិទី៤

យុទ្ធនាការនេះត្រូវបានរៀបចំឡើងក្រោមប្រធានបទ «បន្តពង្រឹងការអនុវត្តវិធានការក្នុងការគ្រប់គ្រងការផ្សព្វផ្សាយពាណិជ្ជកម្មផលិតផលគ្រឿងស្រវឹង និងភេសជ្ជៈដែលមានជាតិស្ករ ដើម្បីលើកកម្ពស់សុខុមាលភាពពលរដ្ឋ»។ ពិធីដ៏មានសារៈសំខាន់នេះ មានការអញ្ជើញចូលរួមពីអ្នកពាក់ព័ន្ធទាំងស្ថាប័នរដ្ឋ និងវិស័យឯកជនប្រមាណជា ៥០០នាក់ ដែលបង្ហាញពីការប្តេជ្ញាចិត្តរួមគ្នាក្នុងការលើកកម្ពស់សុខភាពសាធារណៈ។ យុទ្ធនាការនេះរៀបចំឡើងដោយក្រសួងព័ត៌មាន សហការជាមួយក្រុមហ៊ុន អិម អេស អេ ម៉ាឃីធីង សីលូសិន អេស៊ា (MSA)។ គោលបំណងសំខាន់គឺបន្តពង្រឹងការអនុវត្តច្បាប់ និងបទប្បញ្ញត្តិស្តីពីការផ្សព្វផ្សាយពាណិជ្ជកម្មផលិតផលទាំងនេះ ដើម្បីការពារប្រជាពលរដ្ឋពីផលប៉ះពាល់អវិជ្ជមាន និងជំរុញការរស់នៅប្រកបដោយសុខភាពល្អ។ តាមរយៈយុទ្ធនាការនេះ រដ្ឋាភិបាលសង្ឃឹមថានឹងកាត់បន្ថយអត្រាអ្នកប្រើប្រាស់គ្រឿងស្រវឹង និងភេសជ្ជៈផ្អែមជ្រុល ព្រមទាំងលើកកម្ពស់ការយល់ដឹងជាសាធារណៈអំពីហានិភ័យសុខភាព៕ រូបថតដោយ ឡុង ដេវីត

ឯកឧត្តមបណ្ឌិត​ សោម​ ពិសិដ្ឋ​ អភិបាល​នៃគណៈអភិបាលខេត្តកែប​ អញ្ជើញ​ចូលរួម​ពិធី​សំណេះសំណាល​ជាមួយ​សិស្ស​​និទ្ទេស​ A នៃការ​ប្រឡង​សញ្ញាបត្រ​មធ្យមសិក្សា​ទុតិយភូមិ​ និង​ការ​ប្រឡង​សញ្ញាបត្រ​បច្ចេកទេស​ និង​វិជ្ជាជីវៈ​កម្រិត​៣​ ឆ្នាំសិក្សា​២០២៥-២០២៦​ ក្រោមអធិបតីភាពដ៏ខ្ពង់ខ្ពស់​ សម្ដេចមហាបវរធិបតី​ ហ៊ុន​ ម៉ាណែត​ នាយករដ្ឋមន្ត្រី​នៃព្រះរាជាណាចក្រកម្ពុជា​ ៕ ភ្នំពេញ​​,​ ព្រឹក​ថ្ងៃ​ពុធ​ ទី​២៨​ តុលា​ ២០២៦

ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តក្រចេះ នារសៀលថ្ងៃទី២៧ ខែតុលា ឆ្នាំ២០២៦ បានអញ្ជើញជួបសំណេះសំណាលជាមួយសិស្សពូកែដែលទទួលបាននិទ្ទេស A ចំនួន ៣៦នាក់ មកពីខេត្តក្រចេះ ក្នុងសម័យប្រឡងសញ្ញាបត្រមធ្យមសិក្សាទុតិយភូមិ ឆ្នាំ២០២៦ ព្រមទាំងមានការអញ្ជើញចូលរួមពីនាយកសាលា និងមាតាបិតា អាណាព្យាបាលរបស់សិស្ស នៅទីស្តីការក្រសួងព័ត៌មាន។ ពិធីសំណេះសំណាលនេះមានការអញ្ជើញចូលរួមពីឯកឧត្តមកិត្តិបណ្ឌិត ពេជ្រ ប៊ុនធិន ឯកឧត្តម ស ចំរ៉ុង ឯកឧត្តម អុឹម ចាន់ថុល តំណាងរាស្ត្រមណ្ឌលខេត្តក្រចេះ ឯកឧត្តម វ៉ា ថន អភិបាលនៃគណៈអភិបាលខេត្តក្រចេះ ព្រមទាំងប្រធានក្រុមការងាររាជរដ្ឋាភិបាលចុះមូលដ្ឋានទាំង៧ ស្រុក នៃខេត្តក្រចេះ។ ក្នុងឱកាសដ៏មានអត្ថន័យនេះ ឯកឧត្តមរដ្ឋមន្ត្រីបានសម្តែងការកោតសរសើរយ៉ាងស្មោះស្ម័គ្រចំពោះកិច្ចខិតខំប្រឹងប្រែងរបស់សិស្សានុសិស្សទាំងអស់ រហូតទទួលបានលទ្ធផលដ៏ត្រចះត្រចង់នេះ។ រូបថត៖ យឹម សុវឌ្ឍនា

មន្ទីរព័ត៌មានខេត្តកែប បូកសរុបលទ្ធផលការងារ ៩ខែ​ ដេីមឆ្នាំ​ និងដាក់ទិសដៅពង្រឹងប្រសិទ្ធភាពផ្សព្វផ្សាយព័ត៌មាន