រដ្ឋមន្ត្រីក្រសួងរ៉ែ និងថាមពល អញ្ជើញប្រកាសចូលកាន់មុខតំណែងប្រធានមន្ទីររ៉ែ និងថាមពលខេត្តកណ្ដាលថ្មី ដើម្បីពង្រឹងប្រសិទ្ធភាពការគ្រប់គ្រងវិស័យរ៉ែ និងថាមពលក្នុងខេត្ត ប្រកបដោយប្រសិទ្ធភាព

ឯកឧត្តមអភិបាលខេត្ត បានបន្តថា ការងារសំខាន់ៗ ដែលមន្ទីរ រ៉ែ និងថាមពលខេត្ត ត្រូវយកចិត្តទុកដាក់ រួមមាន ការពង្រឹងប្រព័ន្ធផ្គត់ផ្គង់អគ្គិសនីឱ្យមានស្ថិរភាព និងគុណភាព ការលើកកម្ពស់ប្រសិទ្ធភាពថាមពល ការពង្រឹងសុវត្ថិភាពក្នុងវិស័យប្រេងកាត និងការគ្រប់គ្រងអាជីវកម្មធនធានរ៉ែឱ្យស្របតាមច្បាប់ និងគោលការណ៍អភិបាលកិច្ចល្អ ជាពិសេស ត្រូវបន្តទប់ស្កាត់សកម្មភាពធ្វើអាជីវកម្មរ៉ែដោយខុសច្បាប់ កាត់បន្ថយផលប៉ះពាល់ដល់បរិស្ថាន និងសង្គម ពង្រឹងការប្រមូលចំណូលមិនមែនសារពើពន្ធជូនរដ្ឋ និងជំរុញការប្រើប្រាស់មូលនិធិដែលទទួលបានពីវិស័យរ៉ែ សម្រាប់គាំទ្រការអភិវឌ្ឍមូលដ្ឋានឱ្យចំគោលដៅ មានតម្លាភាព និងប្រសិទ្ធភាព។