«មកដល់ពេលនេះ គឺរយៈពេល៤ថ្ងៃហើយ ដែលខ្ញុំមិនទាន់បានឃើញលោក អ៊ុ សំអាន ផ្តល់ចម្លើយច្បាស់លាស់ពាក់ព័ន្ធនឹងការអញ្ជើញរបស់ខ្ញុំចំពោះគាត់ និងក្រុមជំនាញព្រំដែនរបស់គាត់ អោយនាំយកនូវឯកសារ និងភស្តុតាងទាំងឡាយដែលលោកមាន ពាក់ព័ន្ធនឹងព្រំដែនកម្ពុជា-ថៃ នៅចន្លោះបង្គោលសីមាលេខ ៥២ និង ៥៩ មកជជែកគ្នាត្រង់ទៅ ត្រង់មក ជាមួយក្រុមការងារជំនាញព្រំដែនរបស់រដ្ឋលេខាធិការដ្ឋានកិច្ចការព្រំដែននៅកម្ពុជា ដើម្បីបង្ហាញនូវតម្លាភាព គណនេយ្យភាព ភាពត្រឹមត្រូវ និងការទទួលខុសត្រូវរបស់យើង ចំពោះមុខប្រជាពលរដ្ឋ ពាក់ព័ន្ធនឹងបញ្ហាព្រំដែនជាមួយប្រទេសថៃ ជាពិសេសនៅក្នុងដំណាក់កាលព្រំដែនកម្ពុជា-ថៃ មិនទាន់បានដោះស្រាយចប់។

កម្ពុជា-អាល្លឺម៉ង់ ចុះហត្ថលេខាលើកិច្ចព្រមព្រៀងអនុវត្តគម្រោង “ការលើកកម្ពស់ភាពប្រកួតប្រជែងនៃសហគ្រាសនៅកម្ពុជា មានទំហំទឹកប្រាក់ប្រមាណ ៨លានអ៊ឺរ៉ូ អានអត្ថបទពេញ (https://web.facebook.com/share/p/19mAtoJgTx/) 🔗JOIN TVK (https://t.me/TVKCambodia)

ភ្នំពេញ៖ នាថ្ងៃទី១៣ ខែតុលា ឆ្នាំ២០២៦ ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន បានដឹកនាំប្រតិភូក្រសួងព័ត៌មាន អញ្ជើញគោរពវិញ្ញាណក្ខន្ធសព ឯកឧត្តមបណ្ឌិត ហ៊ីវ សុវណ្ណ រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ ដែលត្រូវជាឪពុកបង្កើតរបស់ឯកឧត្តម ហ៊ីវ ជននាថ រដ្ឋលេខាធិការក្រសួងព័ត៌មាន ដែលបានទទួលមរណភាពកាលពីថ្ងៃទី៨ ខែតុលា ឆ្នាំ២០២៦ ដោយរោគាពាធ ក្នុងជន្មាយុ ៧៦ឆ្នាំ។ ក្នុងឱកាសប្រកបដោយសមានទុក្ខនេះ ឯកឧត្តមរដ្ឋមន្ត្រី នេត្រ ភក្ត្រា និងប្រតិភូក្រសួងព័ត៌មាន បានសម្តែងនូវសមានចិត្តដ៏ក្រៀមក្រំ និងចូលរួមរំលែកទុក្ខដ៏សែនសោកស្តាយជាមួយឯកឧត្តម ហ៊ីវ ជននាថ ព្រមទាំងក្រុមគ្រួសារនៃសព ចំពោះការបាត់បង់ឪពុកជាទីគោរពស្រឡាញ់ ដែលជាការបាត់បង់ដ៏ធំធេងមួយសម្រាប់កូនចៅ និងក្រុមគ្រួសារ។ ជាមួយគ្នានេះ ថ្នាក់ដឹកនាំ និងមន្ត្រីរាជការក្រសួងព័ត៌មាន សូមចូលរួមរំលែកទុក្ខដោយស្មោះអស់ពីដួងចិត្ត និងសូមបួងសួងឱ្យវិញ្ញាណក្ខន្ធរបស់ឯកឧត្តមបណ្ឌិត ហ៊ីវ សុវណ្ណ បានទៅកាន់សុគតិភព កុំបីឃ្លៀងឃ្លាតឡើយ៕

ព្រឹក ថ្ងៃអាទិត្យ ១៥រោច ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១១ ខែតុលា ឆ្នាំ២០២៦ ខេត្តកែប÷ ឯកឧត្តមបណ្ឌិត សោម ពិសិដ្ឋ អភិបាល នៃគណៈអភិបាលខេត្តកែប និងលោកជំទាវ ស ម៉ាលីដា សោម ពិសិដ្ឋ អញ្ជើញដឹកនាំមន្ត្រីរាជការ រួមជាមួយពុទ្ធបរិស័ទជិតឆ្ងាយ ចូលរួមពិធីបុណ្យភ្ជុំបិណ្ឌ ប្រពៃណីជាតិខ្មែរ នៅ វត្តបរវពិសិដ្ឋ ហៅវត្តភ្នំរាប ក្នុងស្រុកដំណាក់ចង្អើរ ខេត្តកែប។

ព្រឹក ថ្ងៃសៅរ៍ ១៤រោច ខែភទ្របទ ឆ្នាំមមី អដ្ឋស័ក ពុទ្ធសករាជ២៥៧០ ត្រូវនឹង ថ្ងៃទី១០ ខែតុលា ឆ្នាំ២០២៦ ខេត្តកែប÷ ឯកឧត្តមបណ្ឌិត សោម ពិសិដ្ឋ អភិបាល នៃគណៈអភិបាលខេត្តកែប និងលោកជំទាវ ស ម៉ាលីដា សោម ពិសិដ្ឋ អញ្ជើញដឹកនាំ មន្ត្រីរាជការ រួមជាមួយពុទ្ធបរិស័ទជិតឆ្ងាយ កាន់បិណ្ឌវេនទី១៤ នៅ វត្តវិបស្សនាធុរៈខេត្តកែប ហៅវត្តសមាធិ ស្ថិតក្នុងក្រុងកែប ខេត្តកែប។

បញ្ជាការ​ដ្ឋាន​កងរាជ​អាវុធហត្ថខេត្តកែប​ នៅព្រឹក​ថ្ងៃ​សៅរ៍​ ទី​១០​ ខែតុលា​ ឆ្នាំ២០២៦​ នេះ​ ឯកឧត្តម​​នាយឧត្តមសេនីយ៍​ សៅ​ សុខា​ អគ្គមេបញ្ជាការ​រង​កងយោធពលខេមរភូមិន្ទ​ និងជា​​មេបញ្ជាការកងរាជអាវុធហត្ថលើផ្ទៃ​ប្រទេស​ និងឯកឧត្ដម​បណ្ឌិត​ សោម​ ពិសិដ្ឋ​ អភិបាល​នៃគណៈអភិបាលខេត្តកែប​​ បានអញ្ជើញជួបសំណេះសំណាល​ជាមួយ​កងរាជអាវុធហត្ថ​ខេត្តកែប​ ក្នុងឱកាស​ពិធីបុណ្យ​ភ្ជុំបិណ្ឌ​ ប្រពៃណីជាតិ​ខ្មែរ​ ៕