រដ្ឋបាលក្រុងកែប សូមជម្រាបជូនដំណឹង ដល់ម្ចាស់ទីតាំងអាជីវកម្មថតចម្លងឯកសារ (Copy) គ្រប់ប្រភេទក្នុងភូមិសាស្រ្តក្រុងកែប សូមធ្វើការផ្អាកជាបណ្តោះអាសន្ន ចាប់ពីថ្ងៃទី៩ ដល់ថ្ងៃទី១១ ខែសីហា ឆ្នាំ២០២៦ ។ សូមអរគុណ!
រដ្ឋបាលក្រុងកែប សូមជម្រាបជូនដំណឹង ដល់ម្ចាស់ទីតាំងអាជីវកម្មអណ្តូងរ៉ែបើក និងការដ្ឋានវាយថ្មគ្រប់ប្រភេទក្នុងភូមិសាស្រ្តក្រុងកែប សូមធ្វើការផ្អាកជាបណ្តោះអាសន្ន ចាប់ពីថ្ងៃទី១០ ដល់ថ្ងៃទី១១ ខែសីហា ឆ្នាំ២០២៦ ។ សូមអរគុណ!
ព្រឹកថ្ងៃសុក្រ ៩រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៧ ខែសីហា ឆ្នាំ២០២៦ ខេត្តកែប៖ ឯកឧត្តមបណ្ឌិត សោម ពិសិដ្ឋ អភិបាលនៃគណៈអភិបាលខេត្តកែប បានបន្តចុះពិនិត្យមើលការស្ដារប្រឡាយរំដោះទឹក ដើម្បីបង្ការជំនន់ទឹកភ្លៀងនារដូវវស្សា ក្នុងភូមិសាស្ត្រស្រុកដំណាក់ចង្អើរ ៕
នៅរសៀលថ្ងៃសុក្រ ៩រោច ខែទុតិយាសាឍ ឆ្នាំមមី អដ្ឋស័ក ព.ស២៥៧០ ត្រូវនឹងថ្ងៃទី៧ ខែសីហា ឆ្នាំ២០២៦ កែប៖ លោក ប៊ុន យោង អភិបាលរងខេត្តតំណាងដ៏ខ្ពង់ខ្ពស់ ឯកឧត្តមបណ្ឌិត សោម ពិសិដ្ឋ អភិបាលនៃគណៈអភិបាលខេត្តកែប បានផ្ដល់កិច្ចស្វាគមន៍ជូនដល់ ក្រុមប្រតិភូ មូលនិធិប្រទេសចិនដើម្បីសន្តិភាព និងការអភិវឌ្ឍ ដឹកនាំដោយលោកស្រី Wang Yahui នាយកប្រតិបត្តិគម្រោងមូលនិធិប្រទេសចិនដើម្បីសន្តិភាពនិងការអភិវឌ្ឍ បានអញ្ជើញមកសាកសួរសុខទុក្ខ និងសម្ដែងការគួរសម ជូនថ្នាក់ដឹកនាំខេត្តកែប កងកម្លាំងប្រដាប់អាវុធ មន្ត្រីរាជការ និងប្រជាជនទូទាំងខេត្តកែប ៕
ថ្ងៃសុក្រ ៩រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៧ ខែសីហា ឆ្នាំ២០២៦ ខេត្តកែប៖ កិច្ចប្រជុំគម្រោងពង្រីក បណ្តាញទឹកស្អាត ទៅកោះទន្សាយ កោះម្ទេស កោះស្វាយ និងកោះកុក ក្រោមអធិបតីភាពលោក អ៉ឹម បញ្ញារិទ្ធិ អភិបាលរង នៃគណៈអភិបាលខេត្តកែប នៅសាលប្រជុំតូចសាលាខេត្ដ។
