ពោធិ៍សាត់៖ សិស្សានុសិស្សដែលជាបេក្ខជនត្រូវប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) ឆ្នាំ២០២៦ បានអញ្ជើញទៅពិនិត្យមើលបញ្ជីឈ្មោះ លេខបន្ទប់ និងលេខតុ តាមមណ្ឌលប្រឡងនានាក្នុងខេត្តពោធិ៍សាត់ យ៉ាងច្រើនកុះករ នាថ្ងៃទី៣ ខែសីហា ឆ្នាំ២០២៦ នេះ។ ការចុះពិនិត្យឈ្មោះនេះ ធ្វើឡើងដើម្បីឱ្យបេក្ខជនបានផ្ទៀងផ្ទាត់ទិន្នន័យផ្ទាល់ខ្លួនឡើងវិញ ព្រមទាំងស្គាល់មណ្ឌល និងបន្ទប់ប្រឡងច្បាស់លាស់ សំដៅត្រៀមលក្ខណៈសម្បត្តិឱ្យបានរួចរាល់ មុនថ្ងៃប្រឡងផ្លូវការចូលមកដល់៕

លោក អ៊ន សុផល្លា អភិបាលស្រុកក្រគរ និងលោក កុល ប៊ុនធឿន តំណាងមន្ទីរការងារខេត្តពោធិ៍សាត់ បានអញ្ជើញបើកវគ្គបណ្តុះបណ្តាលបង្កើនសមត្ថភាពជំនាញ និងប្រគល់វិញ្ញាបនបត្រជូនបុគ្គលិកក្រុមហ៊ុនសហគ្រាស នៅតំបន់សេដ្ឋកិច្ចពិសេសខេត្តពោធិ៍សាត់។ វគ្គបណ្តុះបណ្តាលនេះ គឺជារៀបចំឡើងតាមរយៈកិច្ចសហការរវាង វិទ្យាស្ថានពហុបច្ចេកទេសខេត្តពោធិ៍សាត់ និង ក្រុមហ៊ុន ថូភេក ឯ.ក / អ៊ីមែកស៍ ឯ.ក ដើម្បីលើកកម្ពស់ធនធានមនុស្សក្នុងវិស័យឧស្សាហកម្ម

សាលារៀនអន្តរជាតិ វេស្ទឡាញន៍ សាខាក្រុងពោធិ៍សាត់ ចូលរួមចំណែកយ៉ាងសំខាន់ជាមួយរាជរដ្ឋាភិបាល ក្នុងការកសាងធនធានមនុស្ស

សិស្សានុសិស្សថ្នាក់ទី១២ នៃវិទ្យាល័យហ៊ុនសែនភ្នំក្រវាញ ស្រុកភ្នំក្រវាញ ខេត្តពោធិ៍សាត់ បានធ្វើពិធីបួងសួងសុំសេចក្តីសុខ និងជោគជ័យក្នុងការប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) ខាងមុខនេះ ដើម្បីពង្រឹងស្មារតី និងទទួលបានលទ្ធផលល្អប្រសើរ។

លោក ងួន ប៉ោសេង អភិបាលរងខេត្ត តំណាងឯកឧត្តម ខូយ រីដា បានអញ្ជើញជាអធិបតីក្នុងពិធីអបអរសាទរ និងប្រគល់បណ្ណសរសើរជូនបុគ្គលិកអប់រំ នៃសាលាបឋមសិក្សាពោធិ៍សាត់ ក្រោយទទួលបានជ័យលាភីអង្គភាពផ្តល់សេវាសាធារណៈគំរូឆ្នាំ២០២៥ ចំណាត់ថ្នាក់លេខ៦។

ពោធិ៍សាត់៖ ក្រុមការងារបច្ចេកទេសមកពីក្រសួងអប់រំ យុវជន និងកីឡា បានចុះបេសកកម្មប្រមូលទិន្នន័យជាក់ស្ដែង ដើម្បីធ្វើតេស្តសាកល្បងឧបករណ៍ស្រាវជ្រាវស្ដីពី ការវិភាគស្ថានភាពភាពជាដៃគូរវាងវិស័យឯកជន និងសហគមន៍ក្នុងវិស័យអប់រំ នៅសាលាបឋមសិក្សាពោធិ៍សាត់ នាថ្ងៃទី ២៣ ខែកក្កដា ឆ្នាំ ២០២៦ ។ នៅក្នុងសកម្មភាពប្រមូលទិន្នន័យនេះ មានការចូលរួមយ៉ាងសកម្មពីសំណាក់គណៈគ្រប់គ្រងសាលា លោកគ្រូ-អ្នកគ្រូ និងមាតាបិតាសិស្ស។ ការចុះស្រាវជ្រាវផ្ទាល់ដល់ទីតាំងគោលដៅនេះ គឺជាជំហានយុទ្ធសាស្ត្រយ៉ាងសំខាន់ក្នុងការប្រមូលព័ត៌មាន និងធាតុចូលពិតប្រាកដ ដើម្បីយកទៅរៀបចំយន្តការ កែលម្អគុណភាពអប់រំ និងពង្រឹងកិច្ចសហប្រតិបត្តិការរវាងសាលារៀន សហគមន៍ និងវិស័យឯកជនឱ្យកាន់តែមានប្រសិទ្ធភាពខ្ពស់៕