«វិមានឯករាជ្យខេត្តកែប ជានិមិត្តរូបនៃការទទួលបានឯករាជ្យជាតិ អមដោយម្លប់បៃតងដ៏ស្រស់ត្រកាល»
ក្រៅពីខ្យល់សមុទ្រដ៏បរិសុទ្ធ ខេត្តកែបក៏មានសំណង់ស្ថាបត្យកម្មវិមានឯករាជ្យដ៏ស្កឹមស្កៃ បច្ចុប្បន្នបានក្លាយទៅជាបេះដូងនៃសោភ័ណភាពក្រុង ដែលមានការរៀបចំសួនច្បារអមដោយធម្មជាតិបៃតងជុំវិញវិមានឯករាជ្យ នេះជាការឆ្លុះបញ្ចាំងយ៉ាងច្បាស់ពីចក្ខុវិស័យនៃ «ទីក្រុងបៃតង» និងជាចំណុចទាក់ទាញទេសចរណ៍អោយមកសម្រាកលំហែកាយ និងពិសារគ្រឿងសមុទ្រឆ្ងាញ់នៅខេត្តមួយនេះ កុំភ្លេចមកផ្តិតយករូបភាពស្អាតៗ និងស្រូបខ្យល់អាកាសបរិសុទ្ធនៅខេត្តកែបណា ។
